1 पतरस 1:17 - जीवन को च्यानणो (सेकावाटी नया नियम की पोथ्या)

¹⁷ थे बिनै, “परम-पिता” खेर हेलो द्‍यो हो, इकै वावजुद बी बो थारा कामा को दोगलापुणाऊँ न्याय कोनी करै। क्युं क बिकी नजर्या म सगळा मिनख बराबर ह अर बो सगळा को न्याय बाकै करमा गेल करै ह। जणा थे थारा इ जीवन म बिकै खया प चालो क्युं क थे इ धरती प परदेसी की जंय्यां हो।

1 पतरस 1:17 Referans Kwoze

मत्ती 6:9

थे अंय्यां अरदास करो: “ईस्बर नगरी म रेह्बाळा म्हारा परम-पिता, थारो पबितर नाम उचो मान्यो जाय।

फलिपी 2:12

मेरा लाडलो, इ ताँई जंय्यां थे सदाऊँ मेरा हुकमानै मान्या हो जद म थारै सागै हो, ओ ओर बी जरूरी ह क, इब म थारै कनै कोनी हूँ जणा बी थे मेरा हुकमानै मानो। अर परबु का डर म धुजता होया थारा छुटकारानै सूल पूरो करो;

2 कुरन्थीयो 7:1

लाडला भाईड़ो जदकी आपणै कनै परमेसर का करेड़ा अ करार ह। इ ताँई आपानै परमेसर को डर मानर काया अर आत्मानै सूगली चिजाऊँ दूर राख'र पबितर राखबो चाए।

इबरानीआ 12:28

इ ताँई आपानै अंय्यां को राज मिलबाळो ह जिनै हलायो कोनी जा सकै, जणा आओ आपा परमेसर को डर मानर बाको मान करता होया बिनै राजी करबाळी भगती क सागै बिको धनेवाद करां।

इफिसुस 1:17

अर आपणा परबु ईसु मसी का परमेसर जखो मेमाभर्यो परम-पिता ह, बिऊँ माँगु हूँ क बो थानै बुदी देबाळी अर परगट करबाळी आत्मा दे, जिऊँ थे बिनै चोखा ढंगऊँ जाण सको।

गलातियो 2:6

अर जखा मिनख मान्या-थान्या हा, चाए बे कंय्यांका बी हो, मनै कोई फरक कोनी पड़ै, परमेसर कोईको भेद-भाव कोनी करै बानै मेरा सुणाईड़ा चोखा समचार म क्युंई कमी कोनी लाधी।

रोमीयो 11:20

आ बात सची ह क बे बाका भेम की बजेऊँ तोड़ी गई पण थे थारा बिस्वास का बूता प टिकर्या हो। जणा इको गुमान मना करो पण डरता रेह्‍वो।

मत्ती 22:16

जणा बे हेरोद का गुट का क्युंक मिनखा क सागै आपका चेलानै ईसु कनै भेज्या। अर बे ईसुनै कह्या, “गरूजी म्हें जाणा हां थे सचा हो अर परमेसर आपणाऊँ काँई चावै बिनै खराईऊँ बताओ हो। म्हें आबी जाणा हां थे मुंडो देखर टिको कोनी काडो अर नइ खिकी परवा करो हो।

1 पतरस 2:11

ओ लाडलो, म थानै हात जोड़र खेऊँ हूँ क, थे इ दुनिया म खुदनै परदेसी अर सरणारथी जाणर जीवन जीओ। अर पाप करबा की बुरी इंछ्याऊँ खुदनै बचार राखो, जखी थारै आत्मा क खिलाप लड़ै ह।

इबरानीआ 4:1

जदकी बिकी अराम हाळी झघा म जाबा को बादो हाल बी ह, जणा आपानै चेता म रेह्बो चाए क्युं क कदै अंय्यां नइ होवै क थारै मऊँ कोईसो बी बठै जाबाऊँ चूक ज्यावै।

कलुसीयो 3:25

मेरो खेबा को मतबल ओ ह क, परमेसर हरेक को बराबर न्याय करसी बो कोईकिई हिमायती कोनी ले। अर हरेक पापीनै बिका बुरा कामा गेलई फळ मिलसी।

इफिसुस 6:9

ओ मालको, थारा गुलामानै धमकाबो छोडर बाकै सागै बंय्यांई बरताव करो जंय्यां बे थारै सागै करी हीं, क्युं क थानै इ बात को बेरो ह क थारो अर बाको मालिक ईस्बर नगरी म ह अर बिकी नजर्या म सगळा इकसार हीं।

इफिसुस 3:14

भाईड़ो इ ताँई म परमेसर क आगै जखो ईस्बर नगरी अर धरती उपर का सगळा कूणबा को परम-पिता ह थारै ताँई बिऊँ अरदास करूं हूँ क,

1 पतरस 3:15

पण मसीनै थारा हिया को मालिक मानो अर ज कोई थारूँ थारी आस क बारां म क्युं बुजै, जणा थे बिनै मान अर कदर क सागै जुबाब देबा ताँई सदाई त्यार रेह्‍ओ।

2 कुरन्थीयो 5:6

इ ताँई आपानै सदाई हिमत राखबो चाए क्युं क आपा जाणा हां क जद ताँई इ काया म हां, जणा बि झघाऊँ दूर हा जठै आपा परबु क सागै रेहस्यां।

2 कुरन्थीयो 1:2

आपणा परम-पिता परमेसर अर परबु ईसु मसी की दया अर सुक-स्यांती थारै सगळा प बणी रेह्‍वै।

2 कुरन्थीयो 7:11

थेई बताओ जखो दुख परमेसर थानै दिओ बिकी बजेऊँ थे कत्ता राजी हो, थे बात का खरा, गळत की भीड़ नइ लेबाळा, परमेसर क डर म रेह्बाळा, म्हारूँ मिलबा की लगन राखबाळा, हिमत राखबाळा अर पापी को न्याय चुकाबाळा होगा। थे अंय्यां कर सगळी बाता म आ दिखा दिआ हो, क थे पबितर हो।

मत्ती 16:27

जद मिनख को बेटो ईस्बर नगरी दुता क सागै परम-पिता की मेमा म आसी जणा बो मिनखानै बाका कामा गेल फळ देसी।”