1 यहून्ना 5:9 - जीवन को च्यानणो (सेकावाटी नया नियम की पोथ्या)

⁹ अर आपा तो मिनखा की गुवाईनै अत्तो मान देवां हां, जणा परमेसर की गुवाई को तो खेबोई काँई। क्युं क परमेसर की गुवाई तो मिनखा की गुवाईऊँ बडी ह। अर परमेसर आपका बेटा ताँई गुवाई दि ह।

1 यहून्ना 5:9 Referans Kwoze

भेजेड़ा चेला का काम 17:31

क्युं क एक दिन परमेसर पेल्याऊँ ते करेड़ा मिनख क हातऊँ जगत का मिनखा को सचाई क सागै न्याय करसी। इ बात को सबूत देबा ताँई परमेसर बिनै मरेड़ा मऊँ जीवायो।”

मत्ती 17:5

पतरस अंय्यां बोलर्योई हो क एक भळकतो बादळ आर बानै ढक लिओ अर बि बादळ मऊँ हेलो आयो, “ओ मेरो लाडलो बेटो ह। जिऊँ म बोळो राजी हूँ थे इकी मानो।”

1 यहून्ना 5:10

अर जखो बी मिनख परमेसर का बेटा प बिस्वास करै ह, बो परमेसर की गुवाईनै मानै ह। अर ज कोई परमेसर की खेईड़ी बाता प बिस्वास कोनी करै, बो परमेसरनै झूठो बोलै ह। क्युं क परमेसर आपका बेटा ताँई गुवाई दिनी ह।

इबरानीआ 2:4

अर परमेसर बी आपका बडा-बडा चमत्काराऊँ, सक्‍तिऊँ भरेड़ा भात-भात का कामाऊँ, सेलाणीऊँ अर पबितर आत्मा का बरदानाऊँ जखा बिकी इंछ्याऊँ बाट्या गया हा, इनै साबित कर्यो।

भेजेड़ा चेला का काम 5:32

अर आ बाता का गुवा म्हें हा, बंय्यांई पबितर आत्मा बी गुवा ह जिनै परमेसर बिका मानबाळानै दि ह।”

यहून्ना 10:38

ज म बे करूं, इकै बावजुद बी थे मेर प बिस्वास कोनी करो, पण कमऊँ कम मेरा कामा प तो बिस्वास करो। जिऊँ थे जाण सको क परम-पिता मेर म ह, अर म परम-पिता म।”

यहून्ना 5:39

थे पबितर सास्तर का आंक बाचो हो, क्युं क थे सोचो हो क आ आंका म थानै अजर-अमर जीवन मिलसी। पण अ आंक बी मेरै बारां मई मांडेड़ा हीं।

इबरानीआ 6:18

जणा अठै नइ बदलबाळी दो बाता ह, बिको बादो अर बिकी सोगन जाकै बारां म परमेसर कदैई झूठ कोनी बोल सकै। इ ताँई परमेसर की सरण म आबो आपानै बोळी हिमत बंधावै, जिऊँ आपा आपणै सामै धरेड़ी परमेसर का करेड़ा वादा क पूरो होबा की आसनै, मजबूती क सागै लगाए राखां।

1 यहून्ना 5:8

पबितर आत्मा, पाणी अर लोय आ तीन्या की गुवाई एकई ह , अर अ इमै सेमत बी हीं।