1 यहून्ना 5:1 - जीवन को च्यानणो (सेकावाटी नया नियम की पोथ्या)

¹ जखाबी मिनख ओ बिस्वास करीं हीं क, ईसुई मसी ह बे परमेसर का टाबर हीं, अर जखाबी परमेसरऊँ परेम करसी बे बिका टाबराऊँ बी परेम करसी।

1 यहून्ना 5:1 Referans Kwoze

1 यहून्ना 2:29

अर ज थे आ जाणो हो क बो धरमी ह जणा थे आबी जाणल्यो क जखो मिनख धरम का काम करै ह बो बिऊँ जलम्यो ह।

यहून्ना 8:42

ईसु बाऊँ बोल्यो, “ज सचमई परमेसर थारो परम-पिता होतो, जणा थे मेरूँ प्यार-परेम करता क्युं क म परमेसर क कनैऊँ आयो हूँ। म अठै मेरी मरजीऊँ कोनी आयो, पण बो मनै भेज्यो ह।

1 यहून्ना 4:7

लाडलो, आपा एक दुसराऊँ प्यार-परेम करां। क्युं क परमेसरई परेम ह अर जखा बी प्यार-परेम करै ह बे परमेसर का बेटा-बेटी बणग्या हीं अर बे परमेसरनै जाणी हीं।

1 यहून्ना 3:14

क्युं क आपा मोतऊँ बचर जीवन पाबा ताँई आग्या हां अर इकी बजे आ ह क आपा भाईड़ाऊँ प्यार-परेम करां हां। अर जखो बी मिनख परेम कोनी करै बो इब बी मोत को गुलाम ह।

1 यहून्ना 5:4

अर जखाबी मिनख परमेसर का टाबर बणज्यावीं हीं बे दुनियानै जीत लेवै ह। इकी बजे आपणो बिस्वास ह।

1 यहून्ना 4:20

अर ज आपा खेवां क, “म्हानै परमेसरऊँ परेम ह।” पण मेरा भाईऊँ नफरत ह जणा आपा झूठा हां, क्युं क जि पाड़ोसी भाईड़ानै आपा देखां हां बिऊँई परेम कोनी करां, जणा बि परमेसरऊँ जिनै कदै देख्याई कोनी कंय्यां परेम कर सकां हां?

1 यहून्ना 3:9

जखोबी परमेसर को बेटो बणगो ह बो पाप करतो कोनी रेह्‍वै। क्युं क बिकै मांयनै मसी बास करै ह अर बो परमेसर को बेटो ह इ ताँई बो पाप करतो कोनी रेह्‍वै।

यहून्ना 3:3

ईसु जुबाब दिओ, “म तेरूँ सची बोलुँ हूँ जद ताँई कोई मिनख ओज्यु नइ जलमै जद ताँई बो परमेसर का राजनै कोनी देख सकै।”

मत्ती 16:16

समोन पतरस बोल्यो, “थे सऊँ सक्‍तिसाली अर जीवता परमेसर का बेटा मसी हो।”

1 यहून्ना 2:10

जखो बी मिनख आपका बिस्वासी भाण भायाऊँ परेम करै ह बो च्यानणा म ह , अर बिकै जीवन म अंय्यां की कोईबी बात कोनी घटसी जिऊँ क बो पाप करै।

यहून्ना 15:23

जखा मेरूँ बेर राखै, बे परम-पिताऊँ बी बेर राखै ह।

1 यहून्ना 4:2

थे परमेसर की पबितर आत्मानै अंय्यां जाण सको हो: जिकी बी आत्मा आ खेवै ह क, “ईसु मसी, मिनख काया म इ धरती प आयो।” बिकी आत्मा परमेसर क कानिऊँ ह।

1 पतरस 1:3

परमेसर अर आपणा परबु ईसु मसी का परम-पिता की जे हो। क्युं क परमेसर आपणा प बडी दया दिखाई जणाई बो मसीनै मरेड़ा मऊँ जीवार आपानै नया जीवन की आस ताँई ओज्यु जीवायो ह।

याकूब 1:18

बो आपकी इंछ्याऊँ आपानै सचाई का बचनऊँ पैदा कर्यो ह जिऊँ आपा बिकी बणाएड़ी सगळी सरस्टि म पेलो फळ होवां।

यहून्ना 6:69

अर म्हें बिस्वास कर्यो अर जाणगा हां क थेई परमेसर का पबितर मिनख हो।”

1 यहून्ना 3:17

ज थारै मऊँ कोई मिनख सादन सम्पन होवै अर बिका बिस्वासी भाईड़ानै ख्या चिज की जुर्त होवै अर ज बो जुर्तमंद पाड़ोसी भाईड़ा प तरस नइ खावै जणा आपा कंय्यां खे सकां हां क बिकै मांयनै पिता-परमेसर को परेम ह?

भेजेड़ा चेला का काम 8:36

अर बे चालता-चालता एक पाणी हाळी झघा पुग्या, जणा पाणीनै देखर हिंजड़ो बिऊँ बोल्यो, “अठै पाणी तो हई, जणा पाछै मनै बतिस्मो लेबा म काँई ढिलाई ह।”

यहून्ना 1:3

बिकै जरिए परमेसर सगळी चिजा बणाई। सगळी सरस्टि म एक बी अंय्यां की चिज कोनी जखी इकै बिना रची गई हो।

1 यहून्ना 5:5

जखोबी ओ बिस्वास करै ह क, ईसु मसीई परमेसर को बेटो ह , बो इ दुनिया प जीत हासिल करै ह।

1 यहून्ना 5:18

आपा जाणा हां क, जखोबी मिनख परमेसर को ह बो पाप कोनी करतो रेह्‍वै क्युं क परमेसर बिनै बचावै ह अर बिकै सेतान हात कोनी अड़ा सकै।

लूका 7:5

क्युं क बो म्हारा यहूदि मिनखाऊँ प्यार-परेम राखै ह अर बो म्हानै अरदास करबा ताँई ठिडो बणार दिओ ह।”

भेजेड़ा चेला का काम 8:37

(फलिपूस बिनै जुबाब दिओ, “तू तेरा मनऊँ पूरो बिस्वास करै जणा तनै कूण डाट सकै ह।” बो बोल्यो, “हाँ म मेरा पूरा मनऊँ मानू हूँ क परबु ईसु मसीई परमेसर को बेटो ह।”)