1 यहून्ना 4:9 - जीवन को च्यानणो (सेकावाटी नया नियम की पोथ्या)

⁹ परमेसर आपका एकलोता बेटानै इ दुनिया म भेजर आपको परेम परगट कर्यो जिऊँ आपानै बिका बेटा की बजेऊँ जीवन मिल सकै।

1 यहून्ना 4:9 Referans Kwoze

यहून्ना 3:16

“क्युं क परमेसर जगत का मिनखाऊँ अंय्यां को परेम कर्यो, जिकै चलतै बो आपको इकलोतो बेटो दे दिओ। जिऊँ जखो बी बिपै बिस्वास करै बो नास नइ होवै पण अजर-अमर जीवन पावै।

1 यहून्ना 5:11

परमेसर बिकी गुवाई आ खेर दिनी क बो आपानै अजर-अमर जीवन दिओ ह , अर ओ जीवन बिका बेटाऊँ आवै ह।

रोमीयो 8:32

जखो आपका बेटानै बी आपणा सगळा ताँई मरबानै दे दिओ। जणा पाछै बो बिकै सागै आपानै सक्यु क्युं कोनी देसी?

यहून्ना 6:57

जंय्यां जीवतो परम-पिता मनै भेज्यो ह, अर मेरा परम-पिता की बजेऊँ म जिंदो हूँ। ठिक बंय्यांई जखो मेरी काया खासी, बो बी मेरी बजेऊँ जिंदो रेह्सी।

1 यहून्ना 4:10

सचो परेम इमै कोनी क आपा परमेसरऊँ परेम करां हां पण इमै ह क परमेसर आपणाऊँ परेम कर्यो अर आपका बेटानै आपणा पाप ताँई बलिदान होबानै भेज दिओ।

1 यहून्ना 3:16

मसी आपणा ताँई आपको जीवन तज दिओ इ बात की बजेऊँई आपा जाण सकां हां क परेम काँई ह। इ ताँई आपानै बी खुदका बिस्वासी भाईड़ा ताँई ज्यान देबानै त्यार रेह्णो चाए।

यहून्ना 10:10

चोर चोरी करबा, मारबा, अर नास करबानै आवै ह। पण म जीवन देबा आयो हूँ, जखो भर्योपूरो जीवन ह।

यहून्ना 6:51

बा जीवती रोटी म हूँ जखी ईस्बर नगरीऊँ उतरी। जखो बी इ रोटीनै खासी बो सदाई जिंदो रेह्सी। अर इ जगत का मिनखानै जीबा ताँई जखी रोटी म देस्युँ, बो मेरो मास ह।”

यहून्ना 3:18

जत्ता बी बिपै बिस्वास करै ह, बानै परमेसर माफ करै ह। पण जखा बिपै बिस्वास कोनी करै बे सजा का भागी ह, क्युं क बे परमेसर का इकलोता बेटा प बिस्वास कोनी कर्या।

इबरानीआ 1:5

क्युं क परमेसर कदैई कोई बी ईस्बर नगरी दुताऊँ आ कोनी बोल्यो क, “तू मेरो बेटो ह; म आज तेरो बाप बण्यो हूँ!” अर नइ कोई ईस्बर नगरी दुताऊँ अंय्यां बोल्यो, “म बिको बाप होस्युं, अर बो मेरो बेटो होसी!”

यहून्ना 8:42

ईसु बाऊँ बोल्यो, “ज सचमई परमेसर थारो परम-पिता होतो, जणा थे मेरूँ प्यार-परेम करता क्युं क म परमेसर क कनैऊँ आयो हूँ। म अठै मेरी मरजीऊँ कोनी आयो, पण बो मनै भेज्यो ह।

लूका 4:18

“परबु की पबितर आत्मा मेर प ह, क्युं क बे मेरो अभिसेक करर भेज्यो ह, क म बोदानै चोखो समचार सुणाऊँ, केद्‍या की अजादि को हेलो पाड़ूँ, आँदानै आँख्या द्‍युँ, दब्या-चिथ्यानै उठाऊँ,

मरकुस 12:6

इकै पाछै बि बाग का मालिक क कनै भेजबा ताँई बिको लाडलो बेटोई बच्यो। अर बो आ सोचर क बे इको तो आदर करसी। इ बजेऊँ बो आपका बेटानै बठै भेज्यो।

1 यहून्ना 4:16

जंय्यां को परेम परमेसर आपाऊँ करै ह बिनै आपा जाणा हां अर आपा बिपै बिस्वास बी करां हां। परमेसर परेम ह, अर जखो बी मिनख परेम करै ह बो परमेसर म बण्यो रेह्‍वै ह अर परमेसर बिमै बास करै ह।

यहून्ना 14:6

ईसु बिऊँ बोल्यो, “सच, जीवन अर गेलो मई हूँ। मेरै बिना कोई परम-पिता कनै कोनी जा सकै।”

यहून्ना 6:29

ईसु जुबाब म बाऊँ बोल्यो, “परमेसर चावै ह क, जिनै बो भेज्यो ह, बिपै थे बिस्वास करो।”

यहून्ना 8:29

अर जखो मनै भेज्यो ह बो मेरै सागै ह। बो मनै ऐकलो कोनी छोडै, क्युं क म सदाई बोई करूं हूँ, जखो बिनै राजी करै ह।”

यहून्ना 5:23

जिऊँ सगळा, बि बेटा को बंय्यांई मान-समान करै जंय्यां परम-पिता को मान-समान करीं हीं। जखो बी बेटा को मान-समान कोनी करै बो परम-पिता को मान-समान बी कोनी करै जखो बिनै भेज्यो ह।

यहून्ना 9:3

ईसु बोल्यो, “ओ नइ तो आपका माँ-बाप क अर नइ खुदका पाप की बजेऊँ आँदो ह। पण ओ इ ताँई आँदो ह, क इपै परमेसर को काम परगट हो सकै अर मिनख बिनै देखै।

1 यहून्ना 5:13

परमेसर का बेटा प बिस्वास करबाळो, म, अ बाता थानै इ ताँई मांडूँ हूँ, जिऊँ थे ओ जाणल्यो क अजर-अमर जीवन थानै मिल्यो ह।