1 यहून्ना 4:21 - जीवन को च्यानणो (सेकावाटी नया नियम की पोथ्या)

²¹ मसी आपानै ओ हुकम दिओ ह क, ज आपा परमेसरऊँ परेम करां हां जणा आपानै पाड़ोसी भाईड़ाऊँ बी परेम करबो चाए।

1 यहून्ना 4:21 Referans Kwoze

1 यहून्ना 3:11

थानै एक दुसरा क सागै प्यार-परेमऊँ रेह्णो चाए क्युं क ओ चोखो समचार थानै सरू मई सुणायो गयो हो।

1 थिसलूनिकी 4:9

भाईचारा अर प्यार-परेम क बारां म म्हानै मांडबा की कोई जुर्तई कोनी, क्युं क इकै बारां म थे खुदई परमेसरऊँ सीख लिआ हो क कंय्यां आपसरी म प्यार-परेम राखबो चाए।

1 पतरस 3:8

मेरी आखरी हिदायत आ ह क, थे सगळा मेळमिलापऊँ रेह्ओ, भलाई करो, प्यार-परेमऊँ भाईचारो राखो, तरस खाओ अर खुदनै छोटा बणाओ।

गलातियो 5:14

क्युं क नेम-कायदा की सगळी बाता इ एक बातनै मानबाऊँ क, “तू तेरा पड़ोसीऊँ खुदकी जंय्यां परेम राख पूरी होज्यावै ह।”

यहून्ना 15:12

मेरो हुकम ओ ह, थे आपसरी म परेम राखो, जंय्यां क म थारूँ परेम करूं हूँ।

1 यहून्ना 3:23

अर परमेसर को हुकम ओ ह क, आपा बिका बेटा ईसु मसी का नाम प बिस्वास करां अर इकै सागैई ईसु मसी क कह्या गेल एक दुसराऊँ प्यार-परेम करां।

1 यहून्ना 3:14

क्युं क आपा मोतऊँ बचर जीवन पाबा ताँई आग्या हां अर इकी बजे आ ह क आपा भाईड़ाऊँ प्यार-परेम करां हां। अर जखो बी मिनख परेम कोनी करै बो इब बी मोत को गुलाम ह।

1 पतरस 4:8

अर सऊँ बडी बात आ ह क थे एक दुसराऊँ प्यार-परेम राखो, क्युं क परेम बोळा पापनै ढकै ह।

लूका 10:37

जणा बो सास्तरानै सीखाबाळो बोल्यो, “जखो बिपै दया करी।” जणा ईसु बोल्यो, “जा अर तूबी बंय्यांई कर।”

1 यहून्ना 4:11

लाडलो, जदकी परमेसर आपणाऊँ अंय्यां को परेम कर्यो ह जणा पाछै आपानै बी एक दुसराऊँ प्यार-परेम करबो चाए।

गलातियो 5:6

क्युं क मसी ईसु म नइ तो सुन्नत कराबाळो, अर नइ सुन्नत नइ कराबाळो क्यु मांयनै राखै ह। पण बिस्वास जखो परेम की बजेऊँ काम करै ह बोई मांयनै राखै ह।

1 यहून्ना 3:18

ओ मेरा टाबरो, आपा बोली अर जबानऊँई प्यार-परेम नइ करां पण ओ प्यार-परेम करमाऊँ अर सचो होणो चाए।

मत्ती 5:43

“थारूँ ओ बी ओडायो गयो हो क, ‘थे थारा पड़ोसीऊँ परेम करज्यो अर थारा दुस्मनाऊँ नफरत करिओ।’

1 यहून्ना 2:7

ओ लाडलो, म थानै कोई नयो आदेस कोनी देर्यो हूँ, पण जखो म थानै बताऊँ हूँ बो जुगादऊँ थानै सुणायो गयो ह। ओ पुराणो हुकम जखो चोखो समचार ह जिनै थे सुण चुक्या हो।