1 यहून्ना 4:20 - जीवन को च्यानणो (सेकावाटी नया नियम की पोथ्या)

²⁰ अर ज आपा खेवां क, “म्हानै परमेसरऊँ परेम ह।” पण मेरा भाईऊँ नफरत ह जणा आपा झूठा हां, क्युं क जि पाड़ोसी भाईड़ानै आपा देखां हां बिऊँई परेम कोनी करां, जणा बि परमेसरऊँ जिनै कदै देख्याई कोनी कंय्यां परेम कर सकां हां?

1 यहून्ना 4:20 Referans Kwoze

1 यहून्ना 3:17

ज थारै मऊँ कोई मिनख सादन सम्पन होवै अर बिका बिस्वासी भाईड़ानै ख्या चिज की जुर्त होवै अर ज बो जुर्तमंद पाड़ोसी भाईड़ा प तरस नइ खावै जणा आपा कंय्यां खे सकां हां क बिकै मांयनै पिता-परमेसर को परेम ह?

1 यहून्ना 2:9

अर जखो बी मिनख अंय्यां खेवै क, बो च्यानणा म चालै ह पण आपका बिस्वासी भाण भायाऊँ नफरत करै ह, जणा बो इब बी अँधेरा मई ह।

1 यहून्ना 4:12

परमेसरनै कोईबी कदैई कोनी देख्यो, पण ज आपा एक दुसराऊँ प्यार-परेम करां जणा परमेसर आपणा म बास करै ह अर बिको परेम आपणै मांयनै पूरी तर्या ह।

1 यहून्ना 2:4

पण ज कोई मिनख अंय्यां खेवै ह क, “म परमेसरनै जाणू हूँ,” पण बिका हुकमानै कोनी मानै जणा बो मिनख झूठो ह अर बिका हिया म सचाई कोनी।

1 यहून्ना 2:11

पण जखो बी मिनख आपका बिस्वासी भाण भायाऊँ नफरत करै ह बो इब बी अँधेरा मई हात मारतो भटकै ह अर अँधेरा मई जीवन जीवै ह। अर बो आबी कोनी जाणै क इ अँधेरा क मांयनै कठै जार्यो ह। क्युं क अँधेरो बिनै आँदो कर दिओ ह।

1 पतरस 1:8

थे बिनै बिना देख्याई परेम करो हो, अर अठै ताँई बिनै बिना देख्या बिपै बिस्वास कर अंय्यां राजी होवो हो, जिको बखान कोनी कर्यो जा सकै। अ बाता मेमाभरी ह।

1 यहून्ना 1:6

अर ज आपा खेवां क आपा बिकै सागै चालां हां, पण हाल बी पाप का अँधकार को जीवन जीवां जणा आपा झूठ बोलां हां अर सचनै कोनी माना।

यहून्ना 13:35

ज थे आपसरी म प्यार-परेम राखस्यो, जणा सगळा जाणसी की थे मेरा चेला हो।”

1 यहून्ना 1:8

अर ज आपा आ खेवां क म्हें कोई पाप कोनी कर्या, जणा खुदनै धोको देवां हां अर आपा सच कोनी बोलां।