1 यहून्ना 4:11 - जीवन को च्यानणो (सेकावाटी नया नियम की पोथ्या)

¹¹ लाडलो, जदकी परमेसर आपणाऊँ अंय्यां को परेम कर्यो ह जणा पाछै आपानै बी एक दुसराऊँ प्यार-परेम करबो चाए।

1 यहून्ना 4:11 Referans Kwoze

कलुसीयो 3:13

याद राखो परबु थारा पापनै माफ कर्यो ह, इ ताँई एक दुसरा की सिकायत करबा की बजाय बिनै सेल्यो अर एक दुसरानै माफ करो।

यहून्ना 13:34

“अर इ टेम म थानै नयो हुकम देऊँ हूँ क एक दुसराऊँ प्यार-परेम राखो। जंय्यां को प्यार-परेम म थारूँ कर्यो, बंय्यांई आपसरी म थे बी करो।

1 यहून्ना 3:23

अर परमेसर को हुकम ओ ह क, आपा बिका बेटा ईसु मसी का नाम प बिस्वास करां अर इकै सागैई ईसु मसी क कह्या गेल एक दुसराऊँ प्यार-परेम करां।

लूका 10:37

जणा बो सास्तरानै सीखाबाळो बोल्यो, “जखो बिपै दया करी।” जणा ईसु बोल्यो, “जा अर तूबी बंय्यांई कर।”

इफिसुस 4:31

इ ताँई थे सगळी कड़वाट, परकोप, झाळ, कळै, दुसरा की बुराई करबाऊँ अर दुसरा की हानी करबाऊँ दूर रेह्ओ।

1 यहून्ना 2:7

ओ लाडलो, म थानै कोई नयो आदेस कोनी देर्यो हूँ, पण जखो म थानै बताऊँ हूँ बो जुगादऊँ थानै सुणायो गयो ह। ओ पुराणो हुकम जखो चोखो समचार ह जिनै थे सुण चुक्या हो।

1 यहून्ना 3:11

थानै एक दुसरा क सागै प्यार-परेमऊँ रेह्णो चाए क्युं क ओ चोखो समचार थानै सरू मई सुणायो गयो हो।

1 यहून्ना 4:7

लाडलो, आपा एक दुसराऊँ प्यार-परेम करां। क्युं क परमेसरई परेम ह अर जखा बी प्यार-परेम करै ह बे परमेसर का बेटा-बेटी बणग्या हीं अर बे परमेसरनै जाणी हीं।

2 यहून्ना 1:5

इ ताँई, ए स्याणी इब, म तनै कोई नयो आदेस कोनी मांडर्यो पण बोई हुकम ओडाऊँ हूँ जखो जुगाद म दिओ गयो हो। म चाऊँ हूँ क आपा सगळा बिस्वासी एक दुसराऊँ परेम राखां।