1 यहून्ना 4:1 - जीवन को च्यानणो (सेकावाटी नया नियम की पोथ्या)

¹ लाडलो, हरेक मिनख की बाता को बिस्वास मना करो जखो खेवै ह क, म, आत्माऊँ बोलुँ हूँ। पण सदाई बाकी आत्मानै परखो अर देखो क बामै परमेसर ह क कोनी। म थारूँ अंय्यां इ ताँई खेर्यो हूँ, क्युं क इ दुनिया म बोळा झूठा परमेसर की खेबाळा घुमर्या हीं।

1 यहून्ना 4:1 Referans Kwoze

1 थिसलूनिकी 5:21

सगळी बातानै बिचासो अर जखी चोखी ह बानै पकड़्या रेह्ओ।

2 पतरस 2:1

बि टेम का बी मिनखा म झूठा परमेसर की खेबाळा हा जंय्यां क आज थारै मांयनै झूठी सीख देबाळा हीं। बे नास करबाळा अर ओलैछानै पाखंड करसी, बे बि मालिक बेई नटसी जखो बानै मोल लिओ हो, अंय्यां बे तावळाई खुदको नास कर लेसी।

1 तिमूतियूस 4:1

पबितर आत्मा साप-साप बोलै ह क, क्युंक टेम क पाछै क्युंक मिनख बिस्वास करबो छोड देसी, बे ओपरी बलाया की सीखनै मानसी अर भंगराबाळी आत्मा क कह्या म चालसी।

2 यहून्ना 1:7

म आ बात इ ताँई बोलुँ हूँ, क्युं क इ दुनिया म बोळा भटकाबाळा मिनख हीं। अर जखो बी मिनख इ बातनै कोनी मानै क ईसु मसी इ धरती प मिनख काया को रूप लेर आयो, जणा बो छळ करबाळो ह अर मसी को बेरी ह।

1 कुरन्थीयो 14:29

बिस्वासी मंडळी म दो नहिस तीन जणानैई बोलबो चाए जानै परमेसरऊँ आएड़ा बोल दिआ गया ह बाकी मिनखानै ध्यान देणो चाए क बे काँई खेवै ह।

1 यहून्ना 2:18

ओ मेरा टाबरो, जंय्यांकी थे जाणो हो क, आखरी घड़ी आगी ह अर मसी को बेरी बी आबाळो ह, अर आबाळो काँई ह जदकी मसी का बोळा बेरी आग्या हीं। इ बात की बजेऊँई आपा जाण सकां हां क आ आखरी घड़ी ह।

लूका 12:57

“काँई सई ह अर काँई गळत ह इकै बारां म थे खुदई फेसलो क्युं कोनी करल्यो?

लूका 21:8

ईसु बोल्यो, “चोकन्ना रेहज्यो कदै कोई थानै भंगर्या म नइ गेर दे, क्युं क मेरा नामऊँ बोळा आसी अर खेसी बे मसी हीं, अर बा घड़ी आगी ह। पण थे बाकै गेल मना होज्याज्यो।

2 तिमूतियूस 3:13

अर पापी अर धोकेबाज मिनख धोको देता अर धोको खाता बिगड़ताई जावीं।

दरसाव 2:2

म तेरा कामानै, तेरी मेनतनै अर तेरा थ्यावसनै जाणू हूँ। म ओबी जाणू हूँ क, तू बुरा मिनखानै बरदास कोनी करै अर तू बा मिनखानै जखा खुदनै भेजेड़ा चेला बोलै ह पण बे ह कोनी, तू बानै परख्यो अर बे झूठा निकळ्या।

1 कुरन्थीयो 12:10

जणा कोईनै चमत्कार करबा की सक्‍ति, कोईनै परमेसर की बाता खेबा को बरदान अर कोईनै आत्मानै पिछाण्बा को बरदान। अर कोईनै भात-भात की बोली बोलबा को बरदान अर कोईनै बोली को मतबल बताबा को बरदान दिओ जावै ह।

भेजेड़ा चेला का काम 20:29

अर म आ बी जाणू हूँ क मेरै जाबा क पाछै थारै मऊँ अंय्यां का खुखार ल्याळी आज्यासी जखा कोईबी लल्डीनै कोनी छोडसी।

मरकुस 13:21

बा दिना म थानै कोई खेवै, “देखो अठै ह मसी नहिस बठै ह मसी।” जद थे बिको बिस्वास मना करज्यो।

भेजेड़ा चेला का काम 17:11

अठै का यहूदि थिसलूनिकी का यहूदि मिनखाऊँ चोखा हा अर बे पूरा मनऊँ बचननै अपणाया अर बे रोजकी बाकी बोलेड़ी बातानै सास्तर म टोता हा क बे बंय्यांई ह क कोनी।

1 थिसलूनिकी 5:20

परमेसर की खेबाळा की खयड़ी बातानै माड़ी मना जाणो।

2 थिसलूनिकी 2:2

ज थे कोईऊँ अंय्यां सुणो क परबु क ओज्यु आबा को दिन आग्यो ह जणा थे उकचुक मना होज्यो, नइ दरमई घबराज्यो। नइ कोई आत्माऊँ, नइ बोलऊँ नइ कोई लिखावटऊँ जखी म्हारी सी क्युना लागै जणा बी बिको बिस्वास मना करज्यो।

1 यहून्ना 2:7

ओ लाडलो, म थानै कोई नयो आदेस कोनी देर्यो हूँ, पण जखो म थानै बताऊँ हूँ बो जुगादऊँ थानै सुणायो गयो ह। ओ पुराणो हुकम जखो चोखो समचार ह जिनै थे सुण चुक्या हो।

3 यहून्ना 1:11

मेरा लाडला, तू तो बुराई क गेलै नइ पण भलाई क गेलै चालजे। क्युं क जखो बी मिनख भलाई करै ह, बो परमेसर को ह। अर जखो बुराई करै ह बो परमेसरनै कोनी जाणै।