1 यहून्ना 3:6 - जीवन को च्यानणो (सेकावाटी नया नियम की पोथ्या)

⁶ अर जखोबी मिनख मसीनै मानै ह बो पाप करतो कोनी रेह्‍वै। अर जखो बी पाप करतो रेह्‍वै ह बिनै नइ तो मसी को दरसाव मिल्यो ह अर नइ बो मसीनै जाण्यो ह।

1 यहून्ना 3:6 Referans Kwoze

3 यहून्ना 1:11

मेरा लाडला, तू तो बुराई क गेलै नइ पण भलाई क गेलै चालजे। क्युं क जखो बी मिनख भलाई करै ह, बो परमेसर को ह। अर जखो बुराई करै ह बो परमेसरनै कोनी जाणै।

1 यहून्ना 3:9

जखोबी परमेसर को बेटो बणगो ह बो पाप करतो कोनी रेह्‍वै। क्युं क बिकै मांयनै मसी बास करै ह अर बो परमेसर को बेटो ह इ ताँई बो पाप करतो कोनी रेह्‍वै।

1 यहून्ना 2:4

पण ज कोई मिनख अंय्यां खेवै ह क, “म परमेसरनै जाणू हूँ,” पण बिका हुकमानै कोनी मानै जणा बो मिनख झूठो ह अर बिका हिया म सचाई कोनी।

1 यहून्ना 4:8

जखोबी मिनख परेम कोनी करै बो परमेसरनै कोनी जाण्यो। क्युं क परमेसरई परेम ह।

1 यहून्ना 3:2

ओ लाडलो, इब आपा परमेसर का टाबर हां, पण आबाळा टेम म आपा काँई होस्यां इकै बारां म आपानै ज्ञान कोनी करायो गयो ह। पण चाए जखोबी हो आपा आ जाणा हां क जद मसी ओज्यु परगट होसी जणा आपा बिकै जंय्यां का होज्यास्यां, क्युं क जंय्यां बो ह बंय्यांई बिनै आपा देखस्यां।

1 यहून्ना 5:18

आपा जाणा हां क, जखोबी मिनख परमेसर को ह बो पाप कोनी करतो रेह्‍वै क्युं क परमेसर बिनै बचावै ह अर बिकै सेतान हात कोनी अड़ा सकै।

2 कुरन्थीयो 4:6

क्युं क बो परमेसरई ह जखो बोल्यो क, “अँधेरा म च्यानणो हो” अर बोई म्हारा हिया म होयो, जिऊँ म्हानै ईसु मसी म परमेसर की मेमा की ज्ञान को च्यानणो मिल सकै।

1 यहून्ना 2:28

ओ टाबरो, इ ताँई थे ईसु मसी म बण्या रेह्ओ, जिऊँ बो परगट होसी जणा आपा बिस्वास म मजबूत रेह्‍वां अर जद बो ओज्यु आसी बि टेम का आपानै बिकै सामै सरमिंदा नइ होणो पड़ै।

2 कुरन्थीयो 3:18

इ ताँई आपणा मुंडा ढकेड़ा कोनी। बे परबु की मेमा का तेजनै दरसावीं हीं अर पबितर आत्मा आपानै होळ्या-होळ्या आपणा मेमाभर्या परबु की जंय्यां बणावै ह।

1 यहून्ना 2:3

परमेसरनै सचमई जाणबा ताँई एकई गेलो ह क, आपा बिका हुकमानै माना, अर ज आपा अंय्यां करां हां, जणा बिनै सचमई जाण लिआ हां।