1 यहून्ना 3:4 - जीवन को च्यानणो (सेकावाटी नया नियम की पोथ्या)

⁴ पण जखो बी मिनख पाप करै ह, बो परमेसर का हुकमानै कोनी मानै अर परमेसर का हुकमानै नइ मानबोई पाप ह।

1 यहून्ना 3:4 Referans Kwoze

1 यहून्ना 5:17

सगळा बुरा काम पाप ह पण अंय्यां का पाप बी ह जिको फळ जुग-जुग की मोत कोनी।

रोमीयो 3:20

नेम-कायदा का काम करबाऊँ कोईबी मिनख परमेसर क सामै धरमी कोनी हो सकै। क्युं क नेम-कायदाऊँ तो पाप की पिछाण होवै।

2 कुरन्थीयो 12:21

अर मनै ओ बी डर ह क, जद म थारूँ मिलबा आऊँ, जणा मनै परमेसर क सामै सरमिंदा नइ होणो पड़ै। अर मनै बा ताँई रोबो नइ पड़ै जखा पेल्या पाप करता हा, बे कुकरम, सूगली बाता, अर रांडबाजी म जीवन जीता हां, इकै पाछै बी, बे आपका पापऊँ तौबा कोनी कर्या।

रोमीयो 4:15

क्युं क नेम-कायदा का नियमानै तोड़बाऊँ परमेसर की झाळ मिनखा प पड़ै ह अर जठै नेम-कायदा कोनी बठै बिनै तोड़बा की गुंजाईस कोनी।

याकूब 5:15

बिस्वासऊँ करेड़ी अरदासऊँ रोगलो, निरोगो होज्यासी अर परबु बिनै खड़्यो कर देसी। अर ज बो पाप कर्यो हो जणा परबु बिका पाप धो देसी।

मत्ती 5:19

इ ताँई जखो बी मिनख आ छोटाऊँ छोटा आदेसा मऊँ एकनैई कोनी मानै अर बो बंय्यांई दुसरा मिनखानै बी करबा की सीख देवै बो ईस्बर नगरी म छोटाऊँ बी छोटो खुवासी। पण जखो मिनख बा बातानै मानै ह अर दुसरा मिनखानै बी मानबा ताँई सीखावै ह बो ईस्बर नगरी राज म बडो खुवासी।

भेजेड़ा चेला का काम 23:3

आ बात सुणर पोलुस बिनै बोल्यो, “ओ कपटी तू तो चुनाऊँ लिपेड़ी भीत ह, परमेसर तनै मारसी। तू मूसा का नेम-कायदा गेल मेरो न्याय करबा अठै बेठ्यो ह, पण तूई नेम-कायदा क खिलाप मनै मारबा ताँई ओडावै ह।”