1 यहून्ना 3:21 - जीवन को च्यानणो (सेकावाटी नया नियम की पोथ्या)

²¹ ओ लाडला भाई-भाणो, ज आपणो हियो आपानै मूरती पूजा नइ करबा बेई दोसी कोनी मानै जणा आपानै परमेसर क सामै सरमिन्दो कोनी होणो पड़ै।

1 यहून्ना 3:21 Referans Kwoze

1 यहून्ना 2:28

ओ टाबरो, इ ताँई थे ईसु मसी म बण्या रेह्ओ, जिऊँ बो परगट होसी जणा आपा बिस्वास म मजबूत रेह्‍वां अर जद बो ओज्यु आसी बि टेम का आपानै बिकै सामै सरमिंदा नइ होणो पड़ै।

इबरानीआ 4:16

जणा आओ, आपा हिमत बां'दर परमेसर की दया का सिंघासन कानि चालां, जिऊँ आपणानै दया अर किरपा मिलै अर जुर्त की टेम प आपणी मदद हो सकै।

2 कुरन्थीयो 1:12

म्हानै गुमान ह क म्हें साप अन्तर-आत्माऊँ आ खे सकां हां, क म्हें इ दुनिया का मिनखा क सागै अर खासकर थारै सागै परमेसर की खराई अर ईमानदारीऊँ रिह्या हां। अंय्यां म्हें परमेसरऊँ मिलबाळी दयाऊँ कर्या हां, दुनियादारीऊँ मिलबाळी बुदीऊँ नइ।

1 यहून्ना 5:14

आपा परमेसर प अंय्यां को बिस्वास करां हां क, जद बिऊँ बिकी इंछ्या गेल अरदास करां हां जणा बो आपणी सुणै ह।

1 यहून्ना 4:17

इऊँ आपणा म परेम साबित होयो ह क, जद न्याय होसी जणा बिस्वास म बण्या रेह्‍वां, क्युं क आपा बंय्यांई इ दुनिया म जीवन जीवां हां जंय्यांकी मसी जीवन जियो हो।

इबरानीआ 10:22

जणा आओ, आपा सचा हिया अर पूरा बिस्वास क सागै मन का बुरा बिचारानै छिड़कावऊँ सुद करवार कायानै पबितर पाणीऊँ धुलवार परमेसर क कनै चालां।

1 कुरन्थीयो 4:4

मेरो हियो साप ह। पण इऊँ ओ साबित कोनी होवै क म सचमई निरदोस हूँ। पण बो एकई परबु ह जखो मेरो न्याय करै ह।

1 तिमूतियूस 2:8

जणा इब म चाऊँ हूँ क, हर कठै मोट्यार बिना झाळ भर्या अर बिना मनमुटाव कर्या, खुदका पबितर हातानै जो'ड़र अरदास करै।

रोमीयो 14:22

इ ताँई आ बाता क बारां म थारो जखो बी बिस्वास ह बिनै तेरै अर परमेसर क बिच राख। भागहाळा हीं बे मिनख जखा जि बातनै चोखी समजीं हीं बामै खुदनै दोसी कोनी मानी।

इफिसुस 3:12

ईसु मसी क सागै संगत अर बिपै आपणा बिस्वास की बजेऊँई आपा बेधड़क अर सगळा भरोसा क सागै परमेसर क सामै जा सकां हां।

1 यहून्ना 2:7

ओ लाडलो, म थानै कोई नयो आदेस कोनी देर्यो हूँ, पण जखो म थानै बताऊँ हूँ बो जुगादऊँ थानै सुणायो गयो ह। ओ पुराणो हुकम जखो चोखो समचार ह जिनै थे सुण चुक्या हो।

1 यहून्ना 3:2

ओ लाडलो, इब आपा परमेसर का टाबर हां, पण आबाळा टेम म आपा काँई होस्यां इकै बारां म आपानै ज्ञान कोनी करायो गयो ह। पण चाए जखोबी हो आपा आ जाणा हां क जद मसी ओज्यु परगट होसी जणा आपा बिकै जंय्यां का होज्यास्यां, क्युं क जंय्यां बो ह बंय्यांई बिनै आपा देखस्यां।

1 यहून्ना 3:20

पण ज इकै पाछै बी आपणो हियो आपणा बुरा कामाऊँ सरमिन्दो होवै, जणा आपानै याद राखबो चाए क परमेसर हाल बी आपणा हियाऊँ बडो ह अर बो हर बातनै समजै ह।