1 यहून्ना 3:2 - जीवन को च्यानणो (सेकावाटी नया नियम की पोथ्या)

² ओ लाडलो, इब आपा परमेसर का टाबर हां, पण आबाळा टेम म आपा काँई होस्यां इकै बारां म आपानै ज्ञान कोनी करायो गयो ह। पण चाए जखोबी हो आपा आ जाणा हां क जद मसी ओज्यु परगट होसी जणा आपा बिकै जंय्यां का होज्यास्यां, क्युं क जंय्यां बो ह बंय्यांई बिनै आपा देखस्यां।

1 यहून्ना 3:2 Referans Kwoze

फलिपी 3:21

बो सगळी चिजानै आपकै बस म करबाळी खुदकी सक्‍तिऊँ आपणी माड़ी अर नसबर कायानै बदलर खुदकी मेमाभरी काया जंय्यां की कर देसी।

2 कुरन्थीयो 3:18

इ ताँई आपणा मुंडा ढकेड़ा कोनी। बे परबु की मेमा का तेजनै दरसावीं हीं अर पबितर आत्मा आपानै होळ्या-होळ्या आपणा मेमाभर्या परबु की जंय्यां बणावै ह।

1 कुरन्थीयो 13:12

हाल तो आपा परमेसर क बारां म सगळी बाता आदी-अधुरी समजा हां जंय्यां धुँधळा सिसा म चिजा दिखै। पण बो टेम आसी जद आपा परमेसरनै आमै-सामै देखस्यां। हाल म जोक्यु जाणू हूँ बो अधुरो ह पण बि टेम म सक्यु सूल जाणस्युं जंय्यां परमेसर मनै जाणै ह।

रोमीयो 8:29

जिनै बो पेल्या टाळ्यो बानै बो बिका बेटा स्यारका बणाबा ताँई ते कर्यो। जिऊँ बोळा भायां म बो पेलीपोत को बणै।

1 कुरन्थीयो 15:49

अर जंय्यां आपा माटीऊँ सरजेड़ा मिनख आदम कोसो रूप धारण करां हां, बंय्यांई आपा ईस्बर नगरीऊँ आएड़ा मसी की जंय्यां रूप बी धारण करस्यां।

दरसाव 22:4

बे परमेसरनै आमै-सामै देखसी अर बिको नाम बाका माथा प मंड्यो रेह्सी।

2 पतरस 1:4

इ बजेऊँ बो आपणाऊँ बडा-बडा अर किमती करार कर्या हीं, जिऊँ आपणा म परमेसर को सुभाव आ सकै, जिऊँ आपा आपणी बुरी इंछ्या अर इ दुनिया की बुराईऊँ बच सकां।

1 कुरन्थीयो 2:9

पण पबितर सास्तर म मंडेड़ो ह, “जखी बातानै आँख कोनी देखी, अर कान कोनी सुण्या, अर जखी मिनखा क चित मई कोनी आई, बे बाता परमेसर क हाता बा मिनखा ताँई त्यार करी गई, जखा परमेसरऊँ परेम करीं हीं।”

1 यहून्ना 3:1

सोचो परम-पिता आपणाऊँ कतो बेत्ती परेम कर्यो ह, जिऊँ क आपा बिका टाबर खुवा सकां अर सच म आपा हां बी। आ दुनिया परमेसरनै कोनी जाणी आई बजे ह क बा आपानै बी कोनी जाणै।

गलातियो 4:6

जदकी थे तो बिका बेटा हो, अर परमेसर आपका बेटा की पबितर आत्मानै जखी हे अब्बा, हे परम-पिता बोलर हेलो देवै ह, आपणा हिया म भेज्यो ह।

रोमीयो 8:18

म सोचूँ हूँ क, इ टेम जखो दुख आपा भोगर्या हां बो आबाळी मेमा क आगै क्युंई कोनी।

गलातियो 3:26

थे सगळा इब मसी ईसु प बिस्वास करबा की बजेऊँ परमेसर का बेटा हो।

यहून्ना 17:24

ओ परम-पिताजी, जखा मिनख थे मनै सूप्या हो म चाऊँ हूँ क बे बी बठै मेरै सागै होवीं जठै म हूँ, जिऊँ क बे बि मेमानै देख सकीं जखी थे मनै दिआ हो, क्युं क इ सरस्टिनै रचबाऊँ पेली थे मेरूँ परेम कर्यो।

मत्ती 5:8

भागहाळा ह बे जाको मन परमेसर की नजर्या म पबितर ह; बे परमेसरनै देखसी!

1 यहून्ना 2:28

ओ टाबरो, इ ताँई थे ईसु मसी म बण्या रेह्ओ, जिऊँ बो परगट होसी जणा आपा बिस्वास म मजबूत रेह्‍वां अर जद बो ओज्यु आसी बि टेम का आपानै बिकै सामै सरमिंदा नइ होणो पड़ै।

इबरानीआ 9:28

बंय्यांई मसी बी बोळा मिनखा का पापनै धोबा ताँई एकर बलिदान होयो; अर मसी बा मिनखा ताँई जखा बिनै उडिकै ह बाका पाप धोबा ताँई नइ पण बाका छुटकारा ताँई दुसरकै परगट होसी।

2 कुरन्थीयो 4:17

अर ओ स्यातेक को कळेस आपणा ताँई जुग-जुग की मेमा लेर आसी जिकै सामै ओ स्यातेक को कळेस क्युंई कोनी।

1 यहून्ना 5:1

जखाबी मिनख ओ बिस्वास करीं हीं क, ईसुई मसी ह बे परमेसर का टाबर हीं, अर जखाबी परमेसरऊँ परेम करसी बे बिका टाबराऊँ बी परेम करसी।

लूका 17:30

बि दिन बी अंय्यां होसी जि दिन मिनख को बेटो परगट होसी।

लूका 20:36

अर बे मरेड़ा मऊँ ओज्यु जी उठबा की बजेऊँ परमेसर की ओलाद होसी। बिकै पाछै बे कदैई कोनी मरसी जिकी बजेऊँ बे ईस्बर नगरी दुता क जंय्यां होसी।

यहून्ना 1:12

इकै बावजुद जत्ता बी बिनै अपणाया अर बिका नाम प बिस्वास कर्या, बानै बो परमेसर का टाबरिया होबा को हक दिओ।

यहून्ना 11:52

अर खाली यहूदि मिनखा ताँई नइ पण तीनतेरा होईड़ा परमेसर का मिनखानै एक काया की जंय्यां एक सागै भेळा करबा ताँई बी मरसी।

रोमीयो 8:16

पबितर आत्मा खुद आपणी आत्मा क सागै मिलर गुवाई देवै ह क आपा परमेसर की ओलाद हां।

रोमीयो 8:19

क्युं क आ सरस्टि बोळी आसऊँ बि टेमनै उडिकरी ह जद परमेसर आपकी ओलादनै परगट करसी।

1 यहून्ना 2:7

ओ लाडलो, म थानै कोई नयो आदेस कोनी देर्यो हूँ, पण जखो म थानै बताऊँ हूँ बो जुगादऊँ थानै सुणायो गयो ह। ओ पुराणो हुकम जखो चोखो समचार ह जिनै थे सुण चुक्या हो।

1 यहून्ना 3:10

थे कंय्यां जाण सको हो क कूण परमेसर को बेटो ह अर कूण सेतान को बेटो ह? पण बे मिनख जखा धरम का काम कोनी करै अर आपका पाड़ोसी भाईऊँ परेम कोनी करै, बो पिता-परमेसर क कानिऊँ कोनी।

1 यहून्ना 3:21

ओ लाडला भाई-भाणो, ज आपणो हियो आपानै मूरती पूजा नइ करबा बेई दोसी कोनी मानै जणा आपानै परमेसर क सामै सरमिन्दो कोनी होणो पड़ै।

दरसाव 2:28

अर म बिनै भोर का तारा की जंय्यां चमकास्युं।