1 यहून्ना 3:16 - जीवन को च्यानणो (सेकावाटी नया नियम की पोथ्या)

¹⁶ मसी आपणा ताँई आपको जीवन तज दिओ इ बात की बजेऊँई आपा जाण सकां हां क परेम काँई ह। इ ताँई आपानै बी खुदका बिस्वासी भाईड़ा ताँई ज्यान देबानै त्यार रेह्णो चाए।

1 यहून्ना 3:16 Referans Kwoze

इफिसुस 5:2

अर प्यार-परेमऊँ जीवन बसर करो, जंय्यां मसी आपणाऊँ प्यार-परेम कर्यो अर परमेसर क सामै आपणै ताँई खुदकी भेंट चढा दि बिको आपणा ताँई ओ परेम चोखी सुगंद हाळी धूप की जंय्यां ह जखी परमेसरनै भावै ह।

यहून्ना 13:34

“अर इ टेम म थानै नयो हुकम देऊँ हूँ क एक दुसराऊँ प्यार-परेम राखो। जंय्यां को प्यार-परेम म थारूँ कर्यो, बंय्यांई आपसरी म थे बी करो।

यहून्ना 3:16

“क्युं क परमेसर जगत का मिनखाऊँ अंय्यां को परेम कर्यो, जिकै चलतै बो आपको इकलोतो बेटो दे दिओ। जिऊँ जखो बी बिपै बिस्वास करै बो नास नइ होवै पण अजर-अमर जीवन पावै।

रोमीयो 5:8

पण परमेसर आपणाऊँ अंय्यां को परेम कर्यो क जद आपा पापीई हा बि टेम का बो मसीनै आपणै ताँई मरबा भेज्यो।

1 पतरस 3:18

क्युं क मसी सगळा का पाप ताँई एकर मर्यो जखो धरमी होर बी पाप की बजेऊँ दुख भोग्यो जिऊँ आपानै परमेसरऊँ मिलावै। बो काया म मर्यो पण आत्मा म जीवायो गयो।

मत्ती 20:28

थे मिनख का बेटा की जंय्यां बणो जखो सेवा-पाणी कराबा ताँई कोनी आयो। पण सेवा-पाणी करबा अर बोळासारा मिनखानै छुटाबा ताँई आपका पिराण देबा आयो ह।”

भेजेड़ा चेला का काम 20:28

जणा इब थे बिस्वासी मंडळी का रूखाळा हो आ जिमेदारी थानै पबितर आत्मा सूपी ह। बा लल्ड्या का रेवड़ा का गुवाळ्या बणो, जिनै परमेसर आपका बेटा का लोयऊँ मोल लिओ ह।

इफिसुस 5:25

ओ मोट्यारो, थे बी थारी लूगायाऊँ प्यार-परेम राखो जंय्यां मसी बिस्वासी मंडळीऊँ प्यार-परेम राख'र खुदकी ज्यान बिस्वासी मंडळी ताँई दे दिनी।

तितूस 2:13

अर आपा जखी भागहाळी आस राखां हां बिकै पूरो होबानै उडिकां हां, जद आपणो म्हान परमेसर अर छुटकारो देबाळो ईसु मसी मेमा म परगट होसी।

रोमीयो 16:4

मेरी ज्यान बचाबा ताँई बे आपकी ज्याननै बी दाव प लगादि ही, मई नइ पण गैर-यहूदि मिनखा की सगळी बिस्वासी मंडळ्या बी बाको एसान मानै।

1 यहून्ना 2:6

अर जखोबी मिनख आ खेवै ह क, बो परमेसर म मजबूत ह, जणा बिनै ईसु मसी क जंय्यां जीवन जिबो चाए।

यहून्ना 10:15

ठिक बंय्यांई जंय्यां परम-पिता मनै जाणै ह अर म बिनै, अर म मेरी लल्ड्या ताँई पिराण द्‍युँ हूँ।

फलिपी 2:17

थारो बिस्वास परमेसर क सामै बलि अर याजक की सेवा जंय्यां को ह अर इ बलि प ज मेरो लोय बी चढाणो पड़ै जणा म इ बात ताँई राजी हूँ अर आ खुसी म था सगळा क सागै बाटर्यो हूँ।

दरसाव 5:9

बे एक नयो गीत गार्या हा, “तूई, इ कागदनै अर इपै लगाईड़ी म्होरा की चेपीनै, खोलबा जोगो ह, क्युं क तू बलि होयो, थारा लोयऊँ, सगळा कूणबा का मिनखानै, सगळी बोली बोलबाळानै, देस-देस का मिनखानै परमेसर ताँई मोल लिआ हो।

1 पतरस 2:24

बो आपणा पापनै खुदकी काया प लेर सुळी प चढगो, जिऊँ आपा पाप करबा बेई मर्या समान होवां अर जखो सई ह बिनै करबा बेई जीवां। थानै निरोगो कर्यो जा सकै, इ ताँई बो आपकी काया प घाव लिआ।

1 पतरस 1:18

क्युं क थे जाणो हो क, थारो बेकार चाल-चलन जखो थारै बडकाऊँ चालतो आर्यो ह, बिऊँ थारो छुटकारो, सोना-चाँदी जंय्यांकी नास होबाळी चिजाऊँ कोनी होयो।

फलिपी 2:30

क्युं क मसी का काम ताँई बो आपकी ज्यान प खेलर मोत क सांकड़ै आग्यो हो, जिऊँ जखी सेवा थारै कानिऊँ मेरी कोनी हो सकी बिनै बो पूरी करी।

यहून्ना 10:11

“म चोखो गुवाळ्यो हूँ, चोखो गुवाळ्यो खुदकी लल्ड्या ताँई पिराण देवै।

1 थिसलूनिकी 2:8

पण थारै ताँई म्हारा प्यार-परेम क चलतै म्हें थानै चोखो समचारई कोनी सुणाया, पण इकै सागै थारै ताँई ज्यान देबानै बी राजी हां क्युं क थे म्हारा प्यारा बणग्या हा।

1 यहून्ना 2:9

अर जखो बी मिनख अंय्यां खेवै क, बो च्यानणा म चालै ह पण आपका बिस्वासी भाण भायाऊँ नफरत करै ह, जणा बो इब बी अँधेरा मई ह।

2 कुरन्थीयो 4:12

इ बजेऊँई म्हें मोत की छांया म जीवां हां जिऊँ थे अजर-अमर जीवन म बड़ सको।