1 यहून्ना 3:15 - जीवन को च्यानणो (सेकावाटी नया नियम की पोथ्या)

¹⁵ बे सगळा मिनख जखा खुदका बिस्वासी भाईऊँ नफरत करै ह बे हत्यारा हीं अर थे आ तो जाणोई हो क जखो मिनख हत्यारो ह बिकन अजर-अमर जीवन की आस कोनी।

1 यहून्ना 3:15 Referans Kwoze

दरसाव 21:8

पण डरपोक, परमेसर म बिस्वास नइ करबाळा, भरस्ट, हत्यारा, कुकरमी, जादू-टोणा करबाळा, मूरती धोकबाळा अर झूठा मिनखानै तिजाब हाळा नरक का भबकती आग का कूंड म गेर्यो जासी। आई दुसरी मोत ह।”

यहून्ना 8:44

थारो बाप सेतान ह, अर थे बिकी इंछ्या प चालबो चाओ हो। बो तो सरूसई हत्यारो ह अर कदैई सच कानि कोनी रिह्यो क्युं क बिमै सच कोनी। बिको झूठ बोलबाळो सुभाव ह क्युं क बो झूठो अर झूठ को बाप ह,

भेजेड़ा चेला का काम 23:14

बे, बा परधान याजका अर यहूदि नेता क कनै जार बोल्या, “म्हें सोगन खाई ह क पोलुसनै मार्या पेली जीब प क्युंई कोनी धरां।

याकूब 1:15

अर बा बुरी इंछ्या बिकै मांयनै बढर पाप करावै ह अर पाप मोतनै जलम देवै ह।

भेजेड़ा चेला का काम 23:12

सुआरै क्युंक यहूदि पोलुसनै मारबा को जाळ बिछायो अर सोगन खाई क बिनै मार्या पेली म्हें क्युंई कोनी खावां पिवां

यहून्ना 4:14

पण ज मेरा दियड़ा पाणी मऊँ कोई पिसी जणा बो ओज्यु कदैई कोनी तिसायो होसी। बि पाणीऊँ जखो म बानै देस्युँ, बिऊँ बे अजर-अमर जीवन ताँई जीवन देबाळा पाणी को झरनो बणज्यासी।”

मरकुस 6:19

इ बजेऊँ हेरोदिआ यहून्नाऊँ बेर राखबा लागी। अर चाती ही क यहून्ना मार्यो जावै। पण बा बिनै मार कोनी सकी।

मत्ती 5:28

पण म थारूँ अंय्यां बोलुँ हूँ क ज कोई मिनख पराई लूगाईनै बुरी नजर्याऊँ देखै ह जणा बो आपका हिया म बि लूगाईऊँ कुकरम कर लिआ।

1 पतरस 1:23

क्युं क थे नयो जीवन पाया हो। अर थारो ओ नयो जीवन मिनखऊँ कोनी आयो जिको अंत होवै ह। पण थारो ओ जीवन परमेसरऊँ आयो ह, जिको कोई अंत कोनी। क्युं क थे परमेसर का बचन प बिस्वास कर्या, जखो सदा-सदाई बण्यो रेह्‍वै ह।

1 यहून्ना 2:9

अर जखो बी मिनख अंय्यां खेवै क, बो च्यानणा म चालै ह पण आपका बिस्वासी भाण भायाऊँ नफरत करै ह, जणा बो इब बी अँधेरा मई ह।

1 यहून्ना 2:11

पण जखो बी मिनख आपका बिस्वासी भाण भायाऊँ नफरत करै ह बो इब बी अँधेरा मई हात मारतो भटकै ह अर अँधेरा मई जीवन जीवै ह। अर बो आबी कोनी जाणै क इ अँधेरा क मांयनै कठै जार्यो ह। क्युं क अँधेरो बिनै आँदो कर दिओ ह।