1 यहून्ना 3:12 - जीवन को च्यानणो (सेकावाटी नया नियम की पोथ्या)

¹² आपानै कैन की जंय्यां कोनी बणणो ह जखो सेतान को हो, जखो आपका भाईड़ानै मार गेर्यो ह। अर बो अंय्यां इ ताँई कर्यो क्युं क बिका खुदका काम तो बुरा हा पण बिका भाई का काम धरम का हा।

1 यहून्ना 3:12 Referans Kwoze

इबरानीआ 11:4

हाबिल क बिस्वास करबा की बजेऊँई बो कैनऊँ चोखो बलिदान परमेसर क चढायो। बिस्वास करबा की बजेऊँई बिकै धरमी होबा की बडाई करी गई अर परमेसर बिका चढावानै मान्यो अर बिकै मरबा क पाछै बी आपा इब ताँई बिऊँ सीखां हां।

यहूदा 1:11

बापै स्यामत पड़सी! अ मिनख तो कैन की जंय्यांई बुराई का गेला प चालीं हीं, अर अ धन का लालच म बिलाम की जंय्यांई पाप करीं हीं। अ मिनख परमेसर क सामै होगा हीं जंय्यां कोरह होयो हो। जणा आ सगळी बाता बेई आको बी नास कर्यो जासी।

लूका 11:51

म थानै बोलुँ हूँ, हाबिलऊँ लेर जकरयाह ताँई की मोत को हिसाब, जिनै मनदर अर बलिनै जळाबा की बेदी क बिचमै मार्यो गयो हो। बा सगळा ताँई इ पिडी का मिनखाऊँ लेखो लिओ जासी।

मत्ती 23:35

इ ताँई थे हाबिलऊँ लेर बराखिया का बेटा जकरयाह ताँई जिनै थे मनदर अर बेदी क बिचमै मार्या हा जत्ता बी धरमी मिनखा की हत्या इ धरती प होई ह। बाकी सजा भोगस्यो।

1 पतरस 4:4

पण इब जद थे बाका बा बुरा कामा म सामिल कोनी होवो जणा बानै ताजूब होवै ह। अर बे थारी बुराई करै ह।

इबरानीआ 12:24

अर नया करार का बिचोलिआ ईसु कनै आग्या हो अर छिड़कबाळा लोय क कनै आग्या हो जखो हाबिल का लोयऊँ बी चोखा बचन बोलै ह।

1 यहून्ना 3:8

जखोबी मिनख पाप करतो रेह्‍वै ह बो सेतान को ह, क्युं क सेतान जुगादऊँई पाप करतो आयो ह। जणाई तो परमेसर को बेटो परगट होयो जिऊँ क बो सेतान का कामा को नास करदे।

भेजेड़ा चेला का काम 7:52

अंय्यां को कोई परमेसर की खेबाळो होयो हो के जिनै थारा बाप-दादा कोनी सताया हो? बे बा परमेसर की खेबाळानै मार गेर्या जखा बि परमेसर का धरमी दास क आबा को समचार पेल्याई दिआ करता हा। अर ठिक बंय्यांई थे बी बिनै धोकाऊँ पकड़ाबाळा अर मारबाळा होया।

यहून्ना 10:32

ईसु बाऊँ बोल्यो, “म थारै बिचमै बोळा चोखा काम कर्यो, जखा परम-पिता मनै करबा ताँई दिओ हो। बामैऊँ कूणसा ताँई थे मेर प भाठा बगाबो चाओ हो?”

मत्ती 27:23

पीळातुस बुज्यो, “क्युं ओ लाय काँई बुरो कर्यो ह?” पण बे ओर बी जोरऊँ बोल्या, “इनै सुळी प चढावो।”

मत्ती 13:38

खेत इ जगतनै दिखावै ह अर चोखा बीज ह बे परमेसर का राज का टाबर हीं अर खरप्तवार सेतान की ओलाद ह।

मत्ती 13:19

गेला क बिचमै पड़्या बीज बा मिनखानै परगट करै, जखा सुणै ह क परमेसर मिनखा क मना म कंय्यां राज करै ह पण बिनै समजै कोनी बे जोक्यु सुण्या बिनै आर सेतान भूला देवै ह।

दरसाव 17:6

म बि लूगाईनै परमेसर का मिनखा का लोय अर ईसु मसी की गुवाई देबाळा मिनखा का लोय पीबा की बजेऊँ मतवाळी होता देख्यो। बिनै देखर मनै बोळो ताजूब होयो।

1 थिसलूनिकी 2:14

भाई-भाणो थारै सागै बी बाई होई जखी यहूदिआ दिसावर म परमेसर की बिस्वासी मंडळी क सागै होई ही, क्युं क बे बी थारी जंय्यां मसी ईसुनै मानता हा। अर थानै बी थारा मिनखाऊँ बंय्यांई दुख मिल्यो जंय्यां बानै यहूदि मिनखाऊँ मिल्यो।

मत्ती 5:37

पण थारी बात ‘हाँ’ की ‘हाँ’ अर ‘ना’ की ‘ना’ हो। क्युं क जखो मिनख इकै अलावा क्युं बोलै ह जणा बो सेतान कानिऊँ ह।

यहून्ना 8:40

अर इब थे मनै मारबा की तक म हो क्युं क म थानै परमेसरऊँ सुणर सच बतायो। अब्राहम तो अंय्यां क्युंई कोनी कर्यो हो।

यहून्ना 8:41

थे बोई करो हो जखो थारो बाप कर्यो।” बे बोल्या, “म्हें कुकरम की ओलाद कोनी, पण परमेसरई म्हारो सचो परम-पिता ह।”