1 यहून्ना 2:8 - जीवन को च्यानणो (सेकावाटी नया नियम की पोथ्या)

⁸ म थानै एक ओर नयो आदेस मांडूँ हूँ। इकी सचाई मसी का जीवन म अर थारा जीवन म परगट होई ह। क्युं क अँधेरो मिटर्यो ह अर सचो च्यानणो चमकबा लागगो ह।

1 यहून्ना 2:8 Referans Kwoze

इफिसुस 5:8

क्युं क थे इब अँधकार म नइ पण परबु का उजाळा म हो, उजाळो भलाई, धारमिक्‍ता अर सच जंय्यां का फळ ल्यावै ह। इ ताँई उजाळा का टाबरा की जंय्यां जीओ।

रोमीयो 13:12

रात ढळबाळी ह, अर दिन उगबाळो ह। अँधेरा का काम करबो छोडो अर उजाळा का हतियार उठाल्यो।

यहून्ना 13:34

“अर इ टेम म थानै नयो हुकम देऊँ हूँ क एक दुसराऊँ प्यार-परेम राखो। जंय्यां को प्यार-परेम म थारूँ कर्यो, बंय्यांई आपसरी म थे बी करो।

यहून्ना 8:12

ईसु ओज्यु बोल्यो, “म इ जगत का मिनखा को च्यानणो हूँ। जखो बी मेरै गेल चालसी बो सचो जीवन जिसी, अर बो कदैई पाप का गेला प कोनी जावै।”

यहून्ना 1:9

सगळा मिनखानै च्यानणो दिखाबाळो, सचो च्यानणो जगत की नजर्या म आर्यो हो।

यहून्ना 12:46

म जगत म च्यानणा की जंय्यां आयो, जिऊँ मेर प बिस्वास करबाळा अँधेरा म नइ पड़्या रेह्‍वै।

1 यहून्ना 4:21

मसी आपानै ओ हुकम दिओ ह क, ज आपा परमेसरऊँ परेम करां हां जणा आपानै पाड़ोसी भाईड़ाऊँ बी परेम करबो चाए।

1 यहून्ना 4:11

लाडलो, जदकी परमेसर आपणाऊँ अंय्यां को परेम कर्यो ह जणा पाछै आपानै बी एक दुसराऊँ प्यार-परेम करबो चाए।

2 तिमूतियूस 1:10

पण इब आपणा बचाबाळा मसी ईसु क आबा की बजेऊँ आपणा प परगट होयो ह। जखो चोखा समचार की बजेऊँ मोत को नास कर, अजर-अमर का जीवननै परगट कर्यो।

2 कुरन्थीयो 8:9

क्युं क थे आपणा परबु ईसु मसी की दयानै जाणो हो। बो सक्याको मालिक होर बी थारै ताँई गरीब बण्यो। जिऊँ थे बिकी गरीबी की बजेऊँ हर चिज का धणी बण सको।

भेजेड़ा चेला का काम 26:18

जिऊँ तू बाकी आँख्या खोलै अर बानै अँधेराऊँ च्यानणा म अर सेतान की सक्‍तिऊँ परमेसर कानि ल्यावै, अर मेर प बिस्वास करबाऊँ बानै पापऊँ माफी मिलसी अर जखी बापोत मेरा टाळेड़ा मिनखा ताँई ह बिमै बाको बी हिस्सो होसी।’

भेजेड़ा चेला का काम 17:30

परमेसर बि टेम का मिनखा को लेखो कोनी लेबो चायो जद बे बिनै कोनी जाणता हा, पण इब बो हुकम देवै ह क सगळी धरती का सगळा मिनख पापऊँ तौबा करै।

लूका 1:79

जिऊँ बो च्यानणो मोत की छाया म सोबाळा अर अँधकार म जिबाळा प चमकसी अर आपानै स्यांती म लेज्यासी।”

यहून्ना 12:35

ईसु बोल्यो, “क्युं क टेम ताँई थारै बिचमै च्यानणो होसी। जद ताँई थारै कनै च्यानणो ह, थारा गेला प चालता रेह्ओ जिऊँ अँधकार थारै कनै नइ आ सकै। जखो अँधकार म चालै ह बो कोनी जाणै क बो कठै जार्यो ह।

मत्ती 4:16

जखा अँधेरा म बेठ्या हा, बे च्यानणो देख्या; अर जखा मोत का काळ म हा बाकै उपर बी च्यानणो चमक्यो।”

1 पतरस 1:21

जोक्यु मसी कर्यो बिकी बजेऊँ थे परमेसर प बिस्वास करो हो। परमेसर जखो बिनै मरेड़ा मऊँ जीवायो अर मेमा दि, इ बजेऊँई थे परमेसर म आस अर बिस्वास राखो हो।

1 यहून्ना 3:23

अर परमेसर को हुकम ओ ह क, आपा बिका बेटा ईसु मसी का नाम प बिस्वास करां अर इकै सागैई ईसु मसी क कह्या गेल एक दुसराऊँ प्यार-परेम करां।