1 यहून्ना 2:7 - जीवन को च्यानणो (सेकावाटी नया नियम की पोथ्या)

⁷ ओ लाडलो, म थानै कोई नयो आदेस कोनी देर्यो हूँ, पण जखो म थानै बताऊँ हूँ बो जुगादऊँ थानै सुणायो गयो ह। ओ पुराणो हुकम जखो चोखो समचार ह जिनै थे सुण चुक्या हो।

1 यहून्ना 2:7 Referans Kwoze

1 यहून्ना 3:11

थानै एक दुसरा क सागै प्यार-परेमऊँ रेह्णो चाए क्युं क ओ चोखो समचार थानै सरू मई सुणायो गयो हो।

1 यहून्ना 3:23

अर परमेसर को हुकम ओ ह क, आपा बिका बेटा ईसु मसी का नाम प बिस्वास करां अर इकै सागैई ईसु मसी क कह्या गेल एक दुसराऊँ प्यार-परेम करां।

1 यहून्ना 2:24

जखी बाता थे जुगादऊँ सुण्या हा बानै मानता रेहस्यो जणाई बेटो अर परम-पिता बी थारै म बास करसी,

मत्ती 5:43

“थारूँ ओ बी ओडायो गयो हो क, ‘थे थारा पड़ोसीऊँ परेम करज्यो अर थारा दुस्मनाऊँ नफरत करिओ।’

भेजेड़ा चेला का काम 17:19

जणा बे बिनै अरियुपगस की सभा म लेग्या अर बिऊँ बुज्या, “थे आ कूणसी नई सीख देर्या हो।

यहून्ना 13:34

“अर इ टेम म थानै नयो हुकम देऊँ हूँ क एक दुसराऊँ प्यार-परेम राखो। जंय्यां को प्यार-परेम म थारूँ कर्यो, बंय्यांई आपसरी म थे बी करो।

इबरानीआ 6:9

लाडलो, म्हें अंय्यां बोलर्या तो हां पण म्हानै बिस्वास ह क थारै सागै छुटकारा क बारां म ओर बी चोखो-चोखो होवै।

1 यहून्ना 3:2

ओ लाडलो, इब आपा परमेसर का टाबर हां, पण आबाळा टेम म आपा काँई होस्यां इकै बारां म आपानै ज्ञान कोनी करायो गयो ह। पण चाए जखोबी हो आपा आ जाणा हां क जद मसी ओज्यु परगट होसी जणा आपा बिकै जंय्यां का होज्यास्यां, क्युं क जंय्यां बो ह बंय्यांई बिनै आपा देखस्यां।

1 यहून्ना 3:21

ओ लाडला भाई-भाणो, ज आपणो हियो आपानै मूरती पूजा नइ करबा बेई दोसी कोनी मानै जणा आपानै परमेसर क सामै सरमिन्दो कोनी होणो पड़ै।

1 यहून्ना 4:1

लाडलो, हरेक मिनख की बाता को बिस्वास मना करो जखो खेवै ह क, म, आत्माऊँ बोलुँ हूँ। पण सदाई बाकी आत्मानै परखो अर देखो क बामै परमेसर ह क कोनी। म थारूँ अंय्यां इ ताँई खेर्यो हूँ, क्युं क इ दुनिया म बोळा झूठा परमेसर की खेबाळा घुमर्या हीं।

1 यहून्ना 4:7

लाडलो, आपा एक दुसराऊँ प्यार-परेम करां। क्युं क परमेसरई परेम ह अर जखा बी प्यार-परेम करै ह बे परमेसर का बेटा-बेटी बणग्या हीं अर बे परमेसरनै जाणी हीं।

1 यहून्ना 4:11

लाडलो, जदकी परमेसर आपणाऊँ अंय्यां को परेम कर्यो ह जणा पाछै आपानै बी एक दुसराऊँ प्यार-परेम करबो चाए।

1 यहून्ना 4:21

मसी आपानै ओ हुकम दिओ ह क, ज आपा परमेसरऊँ परेम करां हां जणा आपानै पाड़ोसी भाईड़ाऊँ बी परेम करबो चाए।