1 यहून्ना 2:5 - जीवन को च्यानणो (सेकावाटी नया नियम की पोथ्या)

⁵ पण जखोबी मिनख परमेसर को खयो करै ह, जणा बिकै मांयनै परमेसर को परेम सचमई बास करै ह। क्युं क ओई एक गेलो ह जिऊँ आपा परमेसर म मजबूत बण्या रेह सकां हां।

1 यहून्ना 2:5 Referans Kwoze

यहून्ना 14:23

ईसु बिऊँ बोल्यो, “जखा मेरूँ परेम करी हीं, बे मेरा खयानै मानसी। परम-पिता बाऊँ परेम करसी अर म्हें आर बाकै सागै रेहस्यां।

यहून्ना 14:21

जखा बी मेरा हुकमानै मानर बिपै चाली हीं, बे बामै हीं जखा मेरूँ परेम करी हीं, जखा मेरूँ परेम करी हीं बाऊँ परम-पिता परेम करसी अर म बी बाऊँ परेम करस्युं। अर खुदनै बापै परगट करस्युं।”

लूका 11:28

पण ईसु बोल्यो, “इऊँ बी बडा भागहाळा तो बे हीं जखा परमेसर का बचनानै सुणी अर बिपै चालीं हीं।”

1 यहून्ना 3:24

अर जखोबी मिनख परमेसर का हुकमानै मानै ह, बिकै मांयनै परमेसर को बास रेह्‍वै ह अर बो मिनख परमेसर म बण्यो रेह्‍वै ह। अर पबितर आत्मा की बजेऊँई जखी आपानै दि गई, आ जाण ज्यावां हां क आपणै मांयनै परमेसर को बास ह।

दरसाव 14:12

जखा मिनख परमेसर का हुकमानै मानै, अर ईसु प बिस्वास करै ह बानै थ्यावस अर बिस्वास राखबा की जुर्त ह।

1 यहून्ना 5:2

अर ज आपा परमेसर का टाबराऊँ परेम करां हां, जणा इऊँ आ साबित होवै ह क, आपा परमेसरऊँ परेम करां हां अर बिका हुकमानै बी माना हां।

यहून्ना 15:5

“म अँगूरा की बेल हूँ अर थे डाळ्यां हो। जखा बी मेर म अर म बामै बण्यो रेह्ऊँ जणा बे बोळा फळसी क्युं क मेरै बिना थे क्युंई कोनी कर सको।

1 यहून्ना 4:18

जखो मिनख परेम करै ह बो डरै कोनी क्युं क परेम डरनै दूर करै ह। डर को सागो सजाऊँ ह, इ ताँई जखोबी मिनख डरै ह बिमै परेम कदैई कोनी हो सकै।

2 कुरन्थीयो 5:17

इ ताँई इब जखो बी मसी म ह बो नई सरस्टि ह। गेलड़ी बाता बितगी। अर इब सक्यु नयो ह।

दरसाव 12:17

जणा बो अजगर बि लूगाई प झाळ्या भर्यो, अर बो बि लूगाई का वंसजा प जखा परमेसर का हुकमानै मान्या करता हा अर ईसु मसी की गुवाई देता हा बाऊँ लड़बा ताँई निकळ्यो।

1 यहून्ना 5:20

इ बातनै बी आपा जाणा हां क परमेसर को बेटो ईसु मसी आयो अर आपानै समज दिओ जिऊँ आपा सचा परमेसरनै जाण सकां, अर आपा बिकै सागै रेह्‍वां जखो सचो ह, मतबल ईसु मसी क सागै। ओई सचो परमेसर अर अजर-अमर जीवन देबाळो ह।

1 कुरन्थीयो 1:30

पण परमेसर थानै मसी ईसु म जोड़्यो अर मसीनै थारी बुदी बणायो। अर बिकै जरिएई आपा परमेसर की नजर्या म धरमी हां अर आपा परमेसर का पबितर मिनख बण्या अर अजाद कर्या गया।

रोमीयो 8:1

जणा इब मसी ईसु म जिबाळा ताँई कोई दंड कोनी,

याकूब 2:22

थे जाणो हो क बिको बिस्वास अर बिका करम एक सागै मिलरई काम कर्या , बिका करमऊँई बिको बिस्वास सिद होयो।

2 कुरन्थीयो 5:21

अर जखो कदैई पाप कोनी कर्यो बिनै परमेसर आपणा ताँई पापबली बणायो जिऊँ आपा परमेसर क सामै धरमी बाजां।

यहून्ना 6:56

जखो मिनख मेरो मास खावै अर मेरो लोय पिवै बो मेरै म अर म बिमै बण्यो रेह्ऊँ हूँ।

1 यहून्ना 4:17

इऊँ आपणा म परेम साबित होयो ह क, जद न्याय होसी जणा बिस्वास म बण्या रेह्‍वां, क्युं क आपा बंय्यांई इ दुनिया म जीवन जीवां हां जंय्यांकी मसी जीवन जियो हो।

2 यहून्ना 1:6

परेम करबा को मतबल ओ ह क, आपा परमेसर का हुकमा प चालां। अर ओ बोई हुकम ह जखो आपानै जुगाद म दिआ गयो हो क आपानै परेम क सागै जीवन जिबो चाए।