1 यहून्ना 2:3 - जीवन को च्यानणो (सेकावाटी नया नियम की पोथ्या)

³ परमेसरनै सचमई जाणबा ताँई एकई गेलो ह क, आपा बिका हुकमानै माना, अर ज आपा अंय्यां करां हां, जणा बिनै सचमई जाण लिआ हां।

1 यहून्ना 2:3 Referans Kwoze

यहून्ना 14:15

ईसु आपका चेलाऊँ बोल्यो, “ज थे मेरूँ परेम करो हो, जणा थे मेरै हुकमा प चालज्यो।

यहून्ना 15:10

ज थे मेरा हुकमानै मानस्यो, जणा मेरै परेम म बण्या रेहस्यो जंय्यां क म परम-पिता का हुकमानै मानू हूँ, अर बिका परेम म बण्यो रेह्ऊँ हूँ।

1 यहून्ना 5:3

परमेसरऊँ परेम करबा को मतबल ओ ह क, आपा बिका हुकमानै माना अर बिका हुकमानै मानबो दोरो कोनी।

लूका 6:46

“जद थे मेरो खेणो मानोई कोनी जणा पाछै मनै हे परबु हे परबु क्याले बोलो हो?

यहून्ना 15:14

ज थे मेरा बताया गेला प चालो जणा थे मेरा भाईला हो।

1 यहून्ना 4:13

अर आपानै पूरो बिस्वास बी ह क बो आपणा म बास करै ह अर आपा बी बिकै सागै चालां हां क्युं क बो आपानै खुदकी पबितर आत्मा दिओ ह।

इबरानीआ 5:9

बो सगळी बाता म निधान होर बा सगळा मिनखा ताँई जखा बिका हुकमानै मानै ह, जुग-जुग ताँई छुटकारा को आधार बणगो।

1 यहून्ना 3:19

अर इऊँ बेरो चालै ह क आपा सचा हां, अर जद आपा परमेसर क सामै जावां जणा आपानै सरमिन्दो कोनी होणो पड़ै।

यहून्ना 17:3

अजर-अमर जीवन ओ ह क बे थानै, जखा इकलोता सचा परमेसर हो, अर ईसु मसीनै जाणै जिनै थे भेज्या हो।

1 यहून्ना 5:19

आपा आबी जाणा हां क, सगळा जगत का मिनख सेतान क बस म ह, पण आपा परमेसर का हां।

1 यहून्ना 3:14

क्युं क आपा मोतऊँ बचर जीवन पाबा ताँई आग्या हां अर इकी बजे आ ह क आपा भाईड़ाऊँ प्यार-परेम करां हां। अर जखो बी मिनख परेम कोनी करै बो इब बी मोत को गुलाम ह।

2 कुरन्थीयो 4:6

क्युं क बो परमेसरई ह जखो बोल्यो क, “अँधेरा म च्यानणो हो” अर बोई म्हारा हिया म होयो, जिऊँ म्हानै ईसु मसी म परमेसर की मेमा की ज्ञान को च्यानणो मिल सकै।

दरसाव 22:14

“भागहाळा हीं बे जखा हुकमानै मानी हीं जिऊँ बानै जीवन का दरखत का फळ खाबा की छुट होसी। बानै दरवाजा होर नगरी म बड़बा की छुट होसी।

1 यहून्ना 2:13

ओ बूडा ठेरो, म थानै मांडूँ हूँ, क्युं क थे बिनै जाणो हो जखो जुगादऊँ ह। ओ मोट्यारो म थानै मांडूँ हूँ, क्युं क थे बुराईनै हराया हो।

1 यहून्ना 3:6

अर जखोबी मिनख मसीनै मानै ह बो पाप करतो कोनी रेह्‍वै। अर जखो बी पाप करतो रेह्‍वै ह बिनै नइ तो मसी को दरसाव मिल्यो ह अर नइ बो मसीनै जाण्यो ह।

1 यहून्ना 4:7

लाडलो, आपा एक दुसराऊँ प्यार-परेम करां। क्युं क परमेसरई परेम ह अर जखा बी प्यार-परेम करै ह बे परमेसर का बेटा-बेटी बणग्या हीं अर बे परमेसरनै जाणी हीं।

1 यहून्ना 5:2

अर ज आपा परमेसर का टाबराऊँ परेम करां हां, जणा इऊँ आ साबित होवै ह क, आपा परमेसरऊँ परेम करां हां अर बिका हुकमानै बी माना हां।

दरसाव 12:17

जणा बो अजगर बि लूगाई प झाळ्या भर्यो, अर बो बि लूगाई का वंसजा प जखा परमेसर का हुकमानै मान्या करता हा अर ईसु मसी की गुवाई देता हा बाऊँ लड़बा ताँई निकळ्यो।

दरसाव 14:12

जखा मिनख परमेसर का हुकमानै मानै, अर ईसु प बिस्वास करै ह बानै थ्यावस अर बिस्वास राखबा की जुर्त ह।