1 यहून्ना 2:20 - जीवन को च्यानणो (सेकावाटी नया नियम की पोथ्या)

²⁰ पण थारो अभिसेक मसीऊँ होयो ह, जखो पबितर ह। इ ताँई थे सचाईनै जाणो हो।

1 यहून्ना 2:20 Referans Kwoze

यहून्ना 14:26

मदद करबाळी पबितर आत्मा, जिनै परम-पिता मेरा नामऊँ भेजसी थानै सगळी बाता सीखासी। अर जखी बाता म थारूँ बोल्यो हो बे सगळी थानै याद दिवासी।

1 यहून्ना 2:27

अर जठै ताँई थारी बात ह थारो अभिसेक बिऊँ होयो ह, थार म बण्यो रेह्‍वै ह। इ ताँई थानै तो आ जुर्तई कोनी क कोई थानै सीखावै। पण थानै जखी आत्मा दिनी गई ह बा सक्यु सीखावै ह। बा आत्मा सची ह, बा झूठी कोनी जंय्यां बा थानै सीखावै बंय्यांई करो अर मसी म बण्या रेह्ओ।

भेजेड़ा चेला का काम 10:38

जंय्यां क थे जाणोई हो क परमेसर, कंय्यां पबितर आत्मा अर सक्‍तिऊँ ईसु नासरी को अभिसेक कर्यो। बो च्यारूमेर जार भलाई करतो अर सेतान का सतायड़ा सगळानै निरोगो करतो क्युं क परमेसर बिकै सागै हो।

यहून्ना 16:13

पण जद सच की आत्मा आसी जणा बा, थारी सगळी सची बाता को गेलो दिखासी। बा थानै अगाऊ होबाळी बाता क बारां म बतासी। बा खुद क्युंई कोनी खेसी पण जोक्यु बा सुणै बाई खेसी।

इबरानीआ 1:9

तू धरमीऊँ प्यार अर नियमानै नइ मानबाळाऊँ नफरत करी, इ बजेऊँ परमेसर, तेरो परमेसर, तेर प आनंद का तेलऊँ अभिसेक कर तनै तेरा सात्याऊँ उचो कर्यो।”

1 यहून्ना 4:13

अर आपानै पूरो बिस्वास बी ह क बो आपणा म बास करै ह अर आपा बी बिकै सागै चालां हां क्युं क बो आपानै खुदकी पबितर आत्मा दिओ ह।

भेजेड़ा चेला का काम 3:14

बो पबितर अर धरमी हो। पण थे बिनै तज दिआ, अर एक हत्यारानै छोडबा की पीळातुसऊँ दरखास्त करी।

लूका 4:18

“परबु की पबितर आत्मा मेर प ह, क्युं क बे मेरो अभिसेक करर भेज्यो ह, क म बोदानै चोखो समचार सुणाऊँ, केद्‍या की अजादि को हेलो पाड़ूँ, आँदानै आँख्या द्‍युँ, दब्या-चिथ्यानै उठाऊँ,

मरकुस 1:24

बोल्यो, “ओ ईसु नासरी थारो म्हारो काँई लेणदेण के तू म्हानै तबा करबा ताँई आयो ह, म जाणू हूँ क तू परमेसर को खरो मिनख ह!”

दरसाव 4:8

बा च्यारू जीवता पराण्या क छ: छ: पंख हा बाकै च्यारूमेर आँख्याई आँख्या ही, अठै ताँई बाकै पांखड़ा क तळै बी आँख्या ही अर बे रात-दिन एकई बात बोलता रेह्ता हा, “‘सऊँ सक्‍तिसाली परबु परमेसर पबितर, पबितर, पबितर ह,’ जखो हो, जखो ह, जखो आबाळो ह।”

दरसाव 3:7

“फिलीदिलफिआ की बिस्वासी मंडळी का मुखियानै मांड। अ बाता बिकै कानिऊँ ह जखो पबितर अर सचो ह अर जिकै कनै दाऊद राजा की नगरी की ताळी ह। अर बो जि दरूजानै खोलै ह बिनै कोईबी कोनी जुड़ सकै अर जिनै बो जुड़ै ह बिनै कोईबी खोल कोनी सकै।

इबरानीआ 8:11

अर इकै पाछै कोईबी आपका पाड़ोसी भाईनै सीख कोनी देसी, अर नइ आपका भाईऊँ खेसी क, ‘परबुनै जाण।’ क्युं क छोटाऊँ लेर बडा ताँई सगळा मनै जाण ज्यासी।

1 कुरन्थीयो 2:15

अर जखो आत्मिक मिनख ह बो सगळी बातानै परखै ह, पण बिनै कोईबी कोनी परख सकै।

लूका 4:34

“ओ ईसु नासरी थारो म्हारो काँई लेणदेण? तू के म्हानै नास करबा आयो ह? म तनै जाणू हूँ तू कूण ह? तू परमेसर को पबितर मिनख ह।”

मत्ती 13:11

ईसु बाऊँ बोल्यो, “थानै तो ईस्बर नगरी राज का भेद को ज्ञान दिओ गयो ह पण बानै कोनी दिओ गयो।

यहूदा 1:5

थे तो बा बातानै जाणोई हो, पण म थानै ओज्यु याद दिलाबो चाऊँ हूँ, क परबु आपका मिनखानै मिसर देसऊँ निकाळर बचार ल्यायो हो। पण बा मिनखा मऊँ कई बिस्वासऊँ मुकरगा इ ताँई बोई बा मिनखानै नास कर दिओ जखा बिस्वासऊँ मुकरगा हा।