1 यहून्ना 2:16 - जीवन को च्यानणो (सेकावाटी नया नियम की पोथ्या)

¹⁶ क्युं क इ दुनिया म बुरी इंछ्या, घमंड, काया की बुरी लालसा ह अ बाता परम-पिता क कानिऊँ कोनी पण इ दुनिया क कानिऊँ आवै ह।

1 यहून्ना 2:16 Referans Kwoze

रोमीयो 13:14

पण परबु ईसु मसी का सुभावनै लेर आपणा पापी सुभावनै अर मन की इंछ्यानै मारो।

गलातियो 5:17

क्युं क काया की बुरी इंछ्या पबितर आत्मा क खिलाप मो राखै अर पबितर आत्मा काया की बुरी इंछ्या क खिलाप मो राखै ह। अर अ दोन्युई एक दुसरा क खिलाप म हीं। जणाई तो थे जोक्यु करबो चाओ हो बो कोनी कर सको।

इफिसुस 2:3

साचली तो आ ह क आपा सगळा बी बाकी जंय्यांई पेल्या बुरी इंछ्या गेल दिन काटर्या हा जखी काया अर मन की इंछ्या होती बिनैई करर्या हा। अर आ सगळा की जंय्यांई आपा बी परमेसर का परकोपनै भोगबा जोगा हा।

याकूब 3:15

अंय्यां की बुदी ईस्बर नगरीऊँ कोनी आवै पण आ धरती की, मिनख सुभाव अर सेतान की बुदी होवै।

1 पतरस 2:11

ओ लाडलो, म थानै हात जोड़र खेऊँ हूँ क, थे इ दुनिया म खुदनै परदेसी अर सरणारथी जाणर जीवन जीओ। अर पाप करबा की बुरी इंछ्याऊँ खुदनै बचार राखो, जखी थारै आत्मा क खिलाप लड़ै ह।

2 पतरस 2:10

आ बात खासकर बा मिनखा प लागू होवै ह जखा काया की बुरी इंछ्या गेल चालीं हीं। अर परमेसर का अधिकारनै कोनी मानी। बे ढिट अर बादिला हीं, अर अंय्यां का मिनख ईस्बर नगरी की सक्‍तिया की बुराई करबाऊँ कोनी डरै।

तितूस 2:12

आ दया सीखावै ह क आपा बि जीवननै जिमै परमेसर कोनी अर दुनियादारी की बुरी इंछ्यानै छोडर इ जुग म खुद क बस म रेह्बाळो, खराईऊँ भर्यो जीवन जीवां जिमै परमेसर ह,

2 पतरस 2:18

क्युं क अ मिनख बा मिनखानै जखा पेल्या भटकेड़ा हा पण इबारई सई गेला प आया हीं, बाऊँ गुमान हाळी बाता कर बाकी बुरी इंछ्यानै जगावीं हीं। अर बानै गेलो भटकावै ह।

1 पतरस 1:14

खयो मानबाळा टाबरा की जंय्यां जीओ। पेली थारा जीवन प बुरी इंछ्या को जोर चालतो हो, बंय्यां इब थारा जीवन प बुरी इंछ्या को जोर मना चालबा द्‍यो।

तितूस 3:3

क्युं क मसीनै मानबाऊँ पेली आपा बी बेबुदी का, खयो नइ मानबाळा, भटकेड़ा अर हरतर्या की मो-माया का गुलाम हा। आपणो जीवन बुराई अर बळोकड़ा पुणाऊँ भरेड़ो हो। अर आपा एक दुसराऊँ नफरत करता हा।

मत्ती 5:28

पण म थारूँ अंय्यां बोलुँ हूँ क ज कोई मिनख पराई लूगाईनै बुरी नजर्याऊँ देखै ह जणा बो आपका हिया म बि लूगाईऊँ कुकरम कर लिआ।

लूका 4:5

जणा सेतान बिनै उची झघा म लेज्यार आँख मीचताई जगत को सगळो राज दिखायो

गलातियो 5:24

बे मिनख जखा मसी ईसु का हीं बे आपकी काया की बुरी इंछ्या अर बुरी लालसानै सुळी प चढा दिआ हीं।

मत्ती 4:8

बिकै पाछै सेतान बिनै एक उचासा डूँगर प लेगो अर सगळो जगत को राजपाट अर ठाट-बाट दिखायो।

1 कुरन्थीयो 10:6

अर अ बाता आपणा ताँई सीख ह क आपा बुरी बाता की इंछ्या नइ करां, जंय्यांकी बे कर्या हा,

याकूब 4:16

पण थे तो थारा झूठा पाखंडाऊँ खुद प गुमान करो हो। अंय्यां को गुमान करबो बुरो ह।