1 यहून्ना 2:15 - जीवन को च्यानणो (सेकावाटी नया नियम की पोथ्या)

¹⁵ थे नइ तो इ दुनियाऊँ अर नइ इ दुनिया की चिजाऊँ परेम करज्यो। क्युं क जखो बी इ दुनियाऊँ परेम करै ह, बिकै हिया म परम-पिता बेई परेम कोनी ह।

1 यहून्ना 2:15 Referans Kwoze

याकूब 4:4

ओ कुकरमी मिनखो, के थे ओ कोनी जाणो क, इ दुनियादारीऊँ भाईलाचारी करबो परमेसरऊँ बेर राखबो ह ? इ ताँई जखो बी दुनियादारीऊँ भाईलाचारी करै ह बो खुदनै परमेसर को बेरी बणावै ह।

रोमीयो 12:2

दुनिया की बाता प मना चालो। पण लगातार परमेसरनै थारा मनानै पूरीतर्या बदलबा द्‍यो। क्युं क अंय्यां होबाऊँ थे परख'र जाणस्यो क परमेसर की काँई इंछ्या ह, काँई चोखो ह, काँई बिनै राजी करै अर काँई सिद ह।

मत्ती 6:24

“कोईबी मिनख एक सागै दो मालिका की सेवा कोनी कर सकै। क्युं क बो एकऊँ तो परेम राखसी अर दुसराऊँ नफरत करसी, एकऊँ तो बफादार रेह्सी दुसरानै छोटो जाणसी। अंय्यांई थे परमेसर अर धन की सेवा एक सागै कोनी कर सको।

लूका 16:13

कोईबी नोकर दो मालिका की सेवा एक सागै कोनी कर सकै, अंय्यां होसी तो एकऊँ तो बेर राखसी अर दुसराऊँ परेम, बो एक क सागै तो बफादार रेह्सी अर दुसरानै छोटो जाणसी। अंय्यांई थे परमेसर अर धन की सेवा एक सागै कोनी कर सको।”

यहून्ना 15:19

ज थे इ जगतऊँ लगाव राखता जणा ओ जगत थारूँ परेम करतो। पण म थानै इ जगतऊँ टाळ लिआ क्युं क थे इ जगत का कोनी जणाई ओ थारूँ बैर राखै ह।

1 यहून्ना 3:17

ज थारै मऊँ कोई मिनख सादन सम्पन होवै अर बिका बिस्वासी भाईड़ानै ख्या चिज की जुर्त होवै अर ज बो जुर्तमंद पाड़ोसी भाईड़ा प तरस नइ खावै जणा आपा कंय्यां खे सकां हां क बिकै मांयनै पिता-परमेसर को परेम ह?

1 तिमूतियूस 6:10

क्युं क पिसा को मो सगळी बुराया की जड़ ह। क्युंक मिनख पिसा का लालच म बिस्वासऊँ मुंडो मोड़र बोळा दुख मोल ले लिआ।

गलातियो 1:10

के म मिनखाऊँ मंजुरी लेबो चाऊँ? मनै इकी जुर्त कोनी! जिकी मनै जुर्त ह बा परमेसर की मंजुरी ह! म मिनखानै राजी करबो कोनी चाऊँ ज म अंय्यां करबो चाऊँ जणा म मसी को सेवक कोनी।

1 यहून्ना 4:5

बे झूठा परमेसर की खेबाळा इ दुनिया का हीं, अर इकै बारां मई बात करीं हीं अर आ दुनियाई बाकी बाता सुणै ह।

इफिसुस 2:2

अर गेलड़ा दिना म थे इ जगत का कूगेला प चालता हा, अर सगळी सूगली ओपरी बलाया का राजा को कह्यो कर्या करता हा, आ आत्मा बा मिनखा प हक जमावै ह जखा परमेसर का हुकमानै कोनी मानै।

1 यहून्ना 5:10

अर जखो बी मिनख परमेसर का बेटा प बिस्वास करै ह, बो परमेसर की गुवाईनै मानै ह। अर ज कोई परमेसर की खेईड़ी बाता प बिस्वास कोनी करै, बो परमेसरनै झूठो बोलै ह। क्युं क परमेसर आपका बेटा ताँई गुवाई दिनी ह।

मत्ती 4:8

बिकै पाछै सेतान बिनै एक उचासा डूँगर प लेगो अर सगळो जगत को राजपाट अर ठाट-बाट दिखायो।

याकूब 1:27

पण परमेसर अर परम-पिता की नजर्या म खरी अर पबितर भगती तो आ ह क अनाथ अर खाली होईड़ीनै बाकै दुख दरद म समाळै अर खुदनै इ दुनियादारीऊँ बेदाग राख।