1 यहून्ना 2:10 - जीवन को च्यानणो (सेकावाटी नया नियम की पोथ्या)

¹⁰ जखो बी मिनख आपका बिस्वासी भाण भायाऊँ परेम करै ह बो च्यानणा म ह , अर बिकै जीवन म अंय्यां की कोईबी बात कोनी घटसी जिऊँ क बो पाप करै।

1 यहून्ना 2:10 Referans Kwoze

1 यहून्ना 3:14

क्युं क आपा मोतऊँ बचर जीवन पाबा ताँई आग्या हां अर इकी बजे आ ह क आपा भाईड़ाऊँ प्यार-परेम करां हां। अर जखो बी मिनख परेम कोनी करै बो इब बी मोत को गुलाम ह।

रोमीयो 14:13

जणा आपा एक दुसराकी गळती निकाळबो बंद करां। इकी झघा इ बात म पक्का होवां क दुसरा भायानै पाप म गिरबा ताँई नइ उकसावां।

2 पतरस 1:10

ओ मेरा लाडला बिस्वास्यो, थे थारा बुलाया जाबानै, अर टाळ्या जाबानै पक्को करो। क्युं क ज थे अंय्यां करस्यो जणा कदैई आखळी कोनी खास्यो,

यहून्ना 8:31

जणा ईसु बाऊँ बोल्यो जखा बिपै बिस्वास कर्या हा, “ज थे मेरी सीख प चालो हो जणा सचमई थे मेरा चेला हो।

मत्ती 18:7

हाय ह जगत का मिनखा प जखा मेर प बिस्वास करबाळा ताँई आखळी बणै ह। आतो हो कोनी सकै क मेर प बिस्वास करबाळा मिनखानै बिस्वास म कमजोर करबाळा मिनख नइ मिलै। पण अंय्यां करबाळा प हाय पड़सी।

मत्ती 13:21

पण बचन हिया क मांयनै कोनी भसावै जद परमेसर प बिस्वास करबा की बजेऊँ मिनख बाऊँ बुरो बरताव अर बानै सतावै जणा बे थोड़ाई दिना म बिस्वास करबो छोड देवै ह।

फलिपी 1:10

जिऊँ थे घणो चोखो काँई ह इनै टाळर, मसी क ओज्यु आबा का दिन म सगळा बुरा कामाऊँ अर कळंकऊँ पबितर होज्यास्यो।

यहून्ना 11:9

ईसु बोल्यो, “दिन म बारा घंटा च्यानणा का होवै ह। जणा जखा दिन का च्यानणा म चाली हीं बे आखड़'र कोनी पड़ै, क्युं क बानै दिन का च्यानणा म सक्यु सुजै ह।

यहून्ना 12:35

ईसु बोल्यो, “क्युं क टेम ताँई थारै बिचमै च्यानणो होसी। जद ताँई थारै कनै च्यानणो ह, थारा गेला प चालता रेह्ओ जिऊँ अँधकार थारै कनै नइ आ सकै। जखो अँधकार म चालै ह बो कोनी जाणै क बो कठै जार्यो ह।

1 यहून्ना 2:11

पण जखो बी मिनख आपका बिस्वासी भाण भायाऊँ नफरत करै ह बो इब बी अँधेरा मई हात मारतो भटकै ह अर अँधेरा मई जीवन जीवै ह। अर बो आबी कोनी जाणै क इ अँधेरा क मांयनै कठै जार्यो ह। क्युं क अँधेरो बिनै आँदो कर दिओ ह।