1 यहून्ना 2:1 - जीवन को च्यानणो (सेकावाटी नया नियम की पोथ्या)

¹ ओ मेरा टाबरो, म थानै अ बाता इ ताँई मांडूँ हूँ क, थे पाप नइ करो। पण ज कोई मिनख पाप करै ह बिका पाप धोबा ताँई धरमी ईसु मसी आपणै अर परम-पिता क बिचमै बकिल ह जखो आपणानै परमेसर क सामै सई बणावै ह।

1 यहून्ना 2:1 Referans Kwoze

1 तिमूतियूस 2:5

क्युं क परमेसर एकई ह अर परमेसर अर मिनखा क बिचमै बिचोलिओ बी एकई ह, मतबल मसी ईसु जखो खुद एक मिनख ह।

रोमीयो 8:34

कूण ह जखो आपणा प दोस लगासी? क्युं क मसी ईसु आपणा ताँई मर्यो अर आई नइ, बो मरेड़ा मऊँ ओज्यु जियो जखो इब परमेसर क दाया हात कानि बेठ्यो ह अर आपणा ताँई बिचोली करै ह।

यहून्ना 14:6

ईसु बिऊँ बोल्यो, “सच, जीवन अर गेलो मई हूँ। मेरै बिना कोई परम-पिता कनै कोनी जा सकै।”

2 कुरन्थीयो 5:21

अर जखो कदैई पाप कोनी कर्यो बिनै परमेसर आपणा ताँई पापबली बणायो जिऊँ आपा परमेसर क सामै धरमी बाजां।

1 यहून्ना 4:4

ओ टाबरो, थे परमेसर का हो। इ ताँई थे झूठा परमेसर की खेबाळानै जीत लिआ हो। क्युं क थारै मांयनै रेह्बाळो परमेसर, इ दुनिया म रेह्बाळा सेतानऊँ बडो ह।

1 यहून्ना 3:18

ओ मेरा टाबरो, आपा बोली अर जबानऊँई प्यार-परेम नइ करां पण ओ प्यार-परेम करमाऊँ अर सचो होणो चाए।

1 यहून्ना 3:7

ओ टाबरो, थे कोई कई भंगर्या म मना आज्यो। क्युं क जखो मिनख धरम का काम करै ह बोई मसी की जंय्यां धरमी ह।

यहून्ना 8:11

बा बोली, “कोई कोनी म्हराज।” जणा ईसु बोल्यो, “म बी तनै सजा कोनी द्‍युँ। जा, आगैऊँ कदैई पाप मना करजे।”

इबरानीआ 9:24

क्युं क मसी बि पबितर झघा म कोनी गयो जखी हातऊँ बणाएड़ी अर असली परमेसर का पबितर तम्मू की नकल ह पण बो तो ईस्बर नगरी मई गयो, जिऊँ क बो आपणै कानिऊँ परमेसर क सामै बिचोली करै।

1 यहून्ना 3:5

क्युं क थे आ तो जाणोई हो क मसी मिनखा का पापनै धोबा ताँई आयो , अर आबी जाणो हो क बिकै मांयनै क्युंई पाप कोनी।

इफिसुस 2:18

मसी की बजेऊँई आपा सगळा एकई पबितर आत्माऊँ परम-पिता क सामै पुग्या हां।

यहून्ना 6:27

रोट्या ताँई मेनत मना करो क्युं क बे तो बुसज्यावै, पण अजर-अमर जीवन देबाळी रोटी ताँई मेनत करो। आ बा रोटी ह जखी मिनख को बेटो थानै देसी, क्युं क परम-पिता परमेसर बिनै ओ अधिकार दिओ ह।”

1 पतरस 3:18

क्युं क मसी सगळा का पाप ताँई एकर मर्यो जखो धरमी होर बी पाप की बजेऊँ दुख भोग्यो जिऊँ आपानै परमेसरऊँ मिलावै। बो काया म मर्यो पण आत्मा म जीवायो गयो।

इफिसुस 4:26

थे झाळ तो काडो, पण पाप मना करो; सूरज ढळबाऊँ पेली थारी झाळ खतम होणी चाए।

गलातियो 4:19

ओ मेरा टाबरो, जद ताँई थार म मसी को सुभाव नइ आज्यावै, जद ताँई म जच्चा की सी पिड़ा भोगर्यो हूँ।

यहून्ना 10:15

ठिक बंय्यांई जंय्यां परम-पिता मनै जाणै ह अर म बिनै, अर म मेरी लल्ड्या ताँई पिराण द्‍युँ हूँ।

यहून्ना 5:36

“पण मेरै कनै एक ओर गुवा ह, जिकी गुवाई यहून्ना की गुवाईऊँ बढर ह। क्युं क परम-पिता जखो काम मनै करबा ताँई सूप्यो ह, जखा काम म करूं हूँ। बेई मेरै बारां म गुवाई देवीं ही क, परम-पिता मनै भेज्यो ह।

लूका 10:22

“मेरो परम-पिता मनै सक्यु दे दिओ अर परम-पिता क सिवाय कोई कोनी जाणै क बेटो ईसु कूण ह? अर बेटा ईसु क सिवाय कोई कोनी जाणै क परम-पिता कूण ह? अर के बो जाणै जिनै बेटो ईसु बतावै।”

1 पतरस 2:22

“नइ तो बो पाप कर्यो, अर नइ मुंडाऊँ छळ की बात बोली।”

1 कुरन्थीयो 15:34

चेता म आओ, अर पाप को गेलो छोड द्‍यो। म थानै थारी सरमिंदगी दिखाऊँ हूँ क्युं क थारै म क्युंक मिनख परमेसरनै कोनी जाणै।

यहून्ना 5:14

इकै पाछै बो ईसुनै मनदर म मिल्यो, जणा ईसु बिऊँ बोल्यो, “देख, इब तू निरोगो होगो ह, जणा पाप करबो छोडदे, कदै अंय्यां नइ होज्या क इऊँ बी भारी तुमत तेर प आ पड़ै।”

याकूब 1:27

पण परमेसर अर परम-पिता की नजर्या म खरी अर पबितर भगती तो आ ह क अनाथ अर खाली होईड़ीनै बाकै दुख दरद म समाळै अर खुदनै इ दुनियादारीऊँ बेदाग राख।

1 यहून्ना 5:21

मेरा भाईड़ो, थे खुदनै मूरती धोकबाऊँ बचार राखज्यो।

याकूब 3:9

आपा जीबऊँई परबु अर परम-पिता की जे-जैकार करां हां अर इऊँई परमेसर का रूप म बणाएड़ा मिनखनै सराप देवां हां।

रोमीयो 6:15

आपा नेम-कायदा क साराऊँ कोनी जीवां, पण परमेसर की दया म जीवां हां। जणा आपा काँई करां? के आपा पाप करां? नइ, कदैई नइ।

यहून्ना 13:33

“मेरा टाबरो म क्युंक टेम ताँई थारै सागै हूँ। थे मनै ढुंढस्यो, अर इब म थानै बी बात बोलुँ हूँ जखी यहूदि बडकाऊँ कही ही, क जठै म जार्यो हूँ, बठै थे कोनी आ सको।

1 तिमूतियूस 3:14

म तावळोई तेरै कनै आर मिलबा की आस राखूँ हूँ, पण हाल म तनै आ चिठी बी मांडूँ हूँ।

यहून्ना 21:5

जणा ईसु बाऊँ बोल्यो, “भाईड़ो, थारै कनै मछ्या ह के?” बे बोल्या, “कोनी।”

यहून्ना 14:16

म थारै ताँई परम-पिताऊँ एक मददगार की माँग करस्युं, जखो सदाई थारै सागै रेह्सी।

भेजेड़ा चेला का काम 7:52

अंय्यां को कोई परमेसर की खेबाळो होयो हो के जिनै थारा बाप-दादा कोनी सताया हो? बे बा परमेसर की खेबाळानै मार गेर्या जखा बि परमेसर का धरमी दास क आबा को समचार पेल्याई दिआ करता हा। अर ठिक बंय्यांई थे बी बिनै धोकाऊँ पकड़ाबाळा अर मारबाळा होया।

रोमीयो 5:10

क्युं क बि टेम का जद आपा परमेसर का बेरी हा, जणा परमेसर आपका बेटा की मोत क जरिए आपणो मेळमिलाप खुदऊँ कर्यो। अर इब जद आपणो मेळमिलाप होगो जणा मसी क जिबाऊँ पक्काई बचाया ज्यास्यां।

1 यहून्ना 5:17

सगळा बुरा काम पाप ह पण अंय्यां का पाप बी ह जिको फळ जुग-जुग की मोत कोनी।

3 यहून्ना 1:4

मनै इऊँ बेत्ती राजी कोई बात कोनी करै क मेरा टाबर सचाई प चालै ह।