1 यहून्ना 1:8 - जीवन को च्यानणो (सेकावाटी नया नियम की पोथ्या)

⁸ अर ज आपा आ खेवां क म्हें कोई पाप कोनी कर्या, जणा खुदनै धोको देवां हां अर आपा सच कोनी बोलां।

1 यहून्ना 1:8 Referans Kwoze

रोमीयो 3:23

क्युं क सगळा पाप कर्या अर परमेसर की मेमाऊँ दूर होगा।

याकूब 3:2

क्युं क आपणाऊँ बोळीबर चूक होवै ह। पण जखो बचन म चूक कोनी करै बो सिद मिनख ह अर बो आपकी सगळी काया प लगाम लगा सकै ह।

1 यहून्ना 2:4

पण ज कोई मिनख अंय्यां खेवै ह क, “म परमेसरनै जाणू हूँ,” पण बिका हुकमानै कोनी मानै जणा बो मिनख झूठो ह अर बिका हिया म सचाई कोनी।

1 यहून्ना 1:10

अर ज आपा खेवां क म्हें क्युंई पाप कोनी कर्या जणा आपा परमेसरनै झूठो बतावां हां अर इ बजेऊँ बिको बचन बी आपणा म कोनी।

गलातियो 6:3

ज कोई मिनख सोचै क, म सक्यु हूँ जदकी बो होवै क्युंई कोनी, अंय्यां को मिनख खुदनै धोको देवै ह।

याकूब 1:26

अर ज कोई खुदनै भगत मानै अर आपकी जीबनै बस म नइ राखै जणा बो खुदनै धोको देवै ह अर बिकी भगती ख्याई काम की कोनी।

1 तिमूतियूस 6:5

अर बा मिनखा म राड़ होवै ह जाकी मत्ती मारी गई ह, अर जखा सचऊँ दूर होगा हीं, बे सोचीं हीं क, परमेसर की सेवा धन कमाबा को सादन ह।

1 कुरन्थीयो 3:18

थे खुदनै धोको मना द्‍यो। अर ज कोई मिनख ओ सोचतो हो की बो इ दुनियादारी म ज्ञानी ह जणा इऊँ चोखो ओ ह क बो बेबुदी को बण्यो रेह्‍वै जिऊँ बो ज्ञानी बण सकै।

2 यहून्ना 1:2

ओ बि सच की बजेऊँ होयो ह जखो आपणा म बास करै ह अर जखो सदाई आपणै सागै रेह्सी।

1 यहून्ना 1:6

अर ज आपा खेवां क आपा बिकै सागै चालां हां, पण हाल बी पाप का अँधकार को जीवन जीवां जणा आपा झूठ बोलां हां अर सचनै कोनी माना।

याकूब 1:22

बचननै सुणबाळाई मना बणो, पण बिपै चालबाळा बी बणो। ज थे सुणबाळाई हो जणा खुदनै धोको द्‍यो हो।

2 तिमूतियूस 3:13

अर पापी अर धोकेबाज मिनख धोको देता अर धोको खाता बिगड़ताई जावीं।

3 यहून्ना 1:3

अर जद तेरै बारां म आपणा भाईड़ा मऊँ क्युं क जणा मनै बताया क तू सचाई प चालै ह अर सचनैई मानै ह जणा म आ सुणर बोळो राजी होयो।

2 पतरस 2:13

अ बुराई करी ह, जणा अ बुराई को फळ भोगसी। आनै रात-दिन कुकरम करबो चोखो लागै ह। अ मिनखा क नाम प कळंक हीं। अ मिनख जद थारै सागै बार त्युंहार प खाबा-पीबा ताँई भेळा होवीं हीं जणा अ खुद क कानिऊँ खाबो-पीबो कर आपकी इंछ्यानै पूरी करीं हीं।

यहून्ना 8:44

थारो बाप सेतान ह, अर थे बिकी इंछ्या प चालबो चाओ हो। बो तो सरूसई हत्यारो ह अर कदैई सच कानि कोनी रिह्यो क्युं क बिमै सच कोनी। बिको झूठ बोलबाळो सुभाव ह क्युं क बो झूठो अर झूठ को बाप ह,

रोमीयो 3:10

जंय्यां की पबितर सास्तर म मंडेड़ो ह, “कोई धरमी कोनी, एकई कोनी!”

1 यहून्ना 4:20

अर ज आपा खेवां क, “म्हानै परमेसरऊँ परेम ह।” पण मेरा भाईऊँ नफरत ह जणा आपा झूठा हां, क्युं क जि पाड़ोसी भाईड़ानै आपा देखां हां बिऊँई परेम कोनी करां, जणा बि परमेसरऊँ जिनै कदै देख्याई कोनी कंय्यां परेम कर सकां हां?