1 यहून्ना 1:7 - जीवन को च्यानणो (सेकावाटी नया नियम की पोथ्या)

⁷ पण ज आपा च्यानणा म चालां जंय्यांकी बो च्यानणा म चालै ह, जणा आपा बिस्वासी होबा क नातै एक दुसराको सागो देस्यां, अर परमेसर का बेटा ईसु को लोय आपानै आपणा सगळा पापऊँ सुद कर देसी।

1 यहून्ना 1:7 Referans Kwoze

इफिसुस 5:8

क्युं क थे इब अँधकार म नइ पण परबु का उजाळा म हो, उजाळो भलाई, धारमिक्‍ता अर सच जंय्यां का फळ ल्यावै ह। इ ताँई उजाळा का टाबरा की जंय्यां जीओ।

रोमीयो 13:12

रात ढळबाळी ह, अर दिन उगबाळो ह। अँधेरा का काम करबो छोडो अर उजाळा का हतियार उठाल्यो।

इफिसुस 1:7

ईसु मसी की खुदकी मरजीऊँ बिका लोयऊँई आपणो छुटकारो होयो ह अर पापऊँ माफी मिली ह। आ परमेसर की बोळी बडी दया ह,

इबरानीआ 9:14

ज अ बाता साची ह जणा मसी को लोय कतो सक्‍तिसाली ह। अर अजर-अमर पबितर आत्मा क जरिए बो खुदनै निरदोस चढावा क रूप म परमेसरनै चढा दिओ, अंय्यां करबाऊँ अर लोयऊँ आपानै बो, मोत क गेलै लेज्याबाळा कामाऊँ सुद कर दिओ जिऊँ आपा जीवता परमेसर की सेवा कर सकां।

दरसाव 7:14

म बिऊँ बोल्यो, “म्हराज, थे जाणो हो।” जणा बो मेरूँ बोल्यो, “अ बे मिनख ह जखा कळेस भोगर आया हीं अर आपका गाबल्यानै उन्या का लोयऊँ धोर पबितर कर्या हीं।

1 यहून्ना 1:5

म्हें जखो समचार ईसु मसीऊँ सुण्या हा, बोई थानै सुणावां हां क परमेसर च्यानणो ह अर बिमै चिनोसो बी अँधेरो कोनी ह।

1 कुरन्थीयो 6:11

अर थारै म बी पेल्या क्युंक मिनख अंय्यां का हा, पण इब थानै परबु ईसु मसी अर परमेसर की पबितर आत्मा क जरिए पापऊँ धोर पबितर कर परमेसर क सागै सई होबा ताँई परमेसरनै सूप दिओ गयो ह।

1 पतरस 1:19

पण थारो छुटकारो परमेसर का पबितर अर बेदाग उन्या मसी का लोयऊँ होयो ह, जिको मोल कोनी लगायो जा सकै।

यहून्ना 12:35

ईसु बोल्यो, “क्युं क टेम ताँई थारै बिचमै च्यानणो होसी। जद ताँई थारै कनै च्यानणो ह, थारा गेला प चालता रेह्ओ जिऊँ अँधकार थारै कनै नइ आ सकै। जखो अँधकार म चालै ह बो कोनी जाणै क बो कठै जार्यो ह।

1 यहून्ना 5:6

ईसु मसी जखो आपणै कनै पाणी अर लोय क सागै आयो। बो बस पाणी को बतिस्मो लेबाई कोनी आयो पण बोतो इकै सागै आपको लोय बहाबा ताँई आयो। इ बात की गुवाई परमेसर की आत्मा देवै ह अर आत्मा की गवाई सची ह।

1 यहून्ना 1:3

म्हें जोक्यु सुण्या अर देख्या बिको हेलो थारै मांयनै पाड़ां हां, जिऊँ थेबी म्हारै सागै पाँतीवाळ होवो। क्युं क म्हें बी परम-पिता अर बिका बेटा ईसु मसी क सागै पाँतीवाळ हां।

दरसाव 12:11

बे उन्या का लोयऊँ अर खुदकी गुवाईऊँ, बिपै जीत हासिल करी। बे आपका पिराणानै बी प्यारा कोनी जाण्या अर मोतनै बी गळै लगा लिआ।

1 तिमूतियूस 6:16

बो एकलोई अजर-अमर ह! बो बि च्यानणा म बास करै ह जिकनै कोई कोनी पुग सकै। नइ कोई बिनै कदै देख्यो ह! अर नइ कोई कदै देख सकै। बिको मान-समान अर राज जुग-जुग होतो रेह्‍वै! अंय्यांई होवै।

1 यहून्ना 5:8

पबितर आत्मा, पाणी अर लोय आ तीन्या की गुवाई एकई ह , अर अ इमै सेमत बी हीं।

याकूब 1:17

क्युं क सगळा दान बरदान अर चोखा इनाम उपरऊँई मिलै ह अर अ उजाळा को परम-पिता देवै ह जखो कदैई कोनी बदलै अर इमै बदलती दसा की बजेऊँ आबाळी काळी छाया बी कोनी।

यहून्ना 1:29

आगलै दिन ईसुनै आप कानि आतो देखर यहून्ना बोल्यो, “देखो, ओ परमेसर को उन्यो ह, जखो जगत का मिनखा का पाप ताँई बलिदान होसी।

3 यहून्ना 1:4

मनै इऊँ बेत्ती राजी कोई बात कोनी करै क मेरा टाबर सचाई प चालै ह।

2 यहून्ना 1:4

म, इ बातऊँ बोळो राजी हूँ क, थारा क्युंक टाबर सच प चालै ह जंय्यां क परम-पिता आपानै सच प चालबा ताँई हुकम दिओ हो।

मत्ती 6:12

अर जंय्यां म्हें म्हारै खिलाप बुराई करबाळानै माफ कर्या हा बंय्यांई थे म्हानै माफ करो।

तितूस 2:14

बो आपणा ताँई खुदकी ज्यान दे दिनी। जिऊँ बो आपानै सगळा पापऊँ बचावै अर आपानै सुद कर खुद ताँई अंय्यां का मिनख बणावै जखा भला काम करबा ताँई उतावळा रेह्‍वै।

यहून्ना 5:4

(बे पाणी का हालबानै उडिकता हा, क्युं क बाको बिस्वास हो क टेम-टेम परमेसर आपका दुतनै पाणी हलाबा ताँई भेजतो हो। अर जद पाणी हालतो जणा जखो बी मिनख पेली बिकै मांयनै उतरतो बो निरोगो होज्यातो हो। चाए बिकै किसोई रोग क्युं नइ हो।)