1 यहून्ना 1:6 - जीवन को च्यानणो (सेकावाटी नया नियम की पोथ्या)

⁶ अर ज आपा खेवां क आपा बिकै सागै चालां हां, पण हाल बी पाप का अँधकार को जीवन जीवां जणा आपा झूठ बोलां हां अर सचनै कोनी माना।

1 यहून्ना 1:6 Referans Kwoze

1 यहून्ना 4:20

अर ज आपा खेवां क, “म्हानै परमेसरऊँ परेम ह।” पण मेरा भाईऊँ नफरत ह जणा आपा झूठा हां, क्युं क जि पाड़ोसी भाईड़ानै आपा देखां हां बिऊँई परेम कोनी करां, जणा बि परमेसरऊँ जिनै कदै देख्याई कोनी कंय्यां परेम कर सकां हां?

1 यहून्ना 2:4

पण ज कोई मिनख अंय्यां खेवै ह क, “म परमेसरनै जाणू हूँ,” पण बिका हुकमानै कोनी मानै जणा बो मिनख झूठो ह अर बिका हिया म सचाई कोनी।

1 यहून्ना 1:10

अर ज आपा खेवां क म्हें क्युंई पाप कोनी कर्या जणा आपा परमेसरनै झूठो बतावां हां अर इ बजेऊँ बिको बचन बी आपणा म कोनी।

यहून्ना 8:12

ईसु ओज्यु बोल्यो, “म इ जगत का मिनखा को च्यानणो हूँ। जखो बी मेरै गेल चालसी बो सचो जीवन जिसी, अर बो कदैई पाप का गेला प कोनी जावै।”

यहून्ना 12:35

ईसु बोल्यो, “क्युं क टेम ताँई थारै बिचमै च्यानणो होसी। जद ताँई थारै कनै च्यानणो ह, थारा गेला प चालता रेह्ओ जिऊँ अँधकार थारै कनै नइ आ सकै। जखो अँधकार म चालै ह बो कोनी जाणै क बो कठै जार्यो ह।

याकूब 2:14

मेरा लाडला बिस्वास्यो, ज कोई खेवै क मनै बिस्वास ह पण बो बिकै गेल करम कोनी करै जणा बिनै काँई फाईदो। अंय्यां को बिस्वास बिको छुटकारो कर सकै ह के?

यहून्ना 12:46

म जगत म च्यानणा की जंय्यां आयो, जिऊँ मेर प बिस्वास करबाळा अँधेरा म नइ पड़्या रेह्‍वै।

1 यहून्ना 1:3

म्हें जोक्यु सुण्या अर देख्या बिको हेलो थारै मांयनै पाड़ां हां, जिऊँ थेबी म्हारै सागै पाँतीवाळ होवो। क्युं क म्हें बी परम-पिता अर बिका बेटा ईसु मसी क सागै पाँतीवाळ हां।

यहून्ना 11:10

पण ज बे अँधेरा म चालीं जणा आखड़'र पड़ै, क्युं क अँधेरा म सुजै कोनी।”

याकूब 2:18

पण कोई खेवै, “तेरै कनै बिस्वास ह अर मेरै कनै करम।” तू मनै थाकाळो बिस्वास बिना करम क दिखा अर म तनै माखाळो बिस्वास करम क सागै दिखास्युं।

1 यहून्ना 1:8

अर ज आपा आ खेवां क म्हें कोई पाप कोनी कर्या, जणा खुदनै धोको देवां हां अर आपा सच कोनी बोलां।

याकूब 2:16

अर थार मऊँ कोई बिनै बोलै क, “राजी-खुसी चल्योजा, धाप्यो-धुस्यो अर गरम रेह।” पण बिकी काया की जुर्त हाळी चिजा नइ दे जणा काँई फाईदो?

मत्ती 7:22

बि न्यायहाळै दिन बोळा मिनख मनै खेसी, ‘परबु हे परबु! म्हें थारै नामऊँ थारी बाता कोनी बताया हा के? अर थारै नामऊँ ओपरी बलायानै कोनी भगाया के? अर थारै नामऊँ बोळासारा ताजूब का काम कोनी कर्या हा के?’

1 तिमूतियूस 4:2

अर अ सीख झूठा पाखंडी मिनखा की बजेऊँ फेलसी, जाकी अन्तर-आत्मा मरेड़ी ह।

यहून्ना 8:55

थे बिनै कोनी जाण्या, पण म बिनै जाणू हूँ। अर ज म बोलतो क म बिनै कोनी जाणू, जणा म बी थारी जंय्यांई झूठो होतो। पण म बिनै जाणू हूँ, अर बिका खयानै मानू हूँ।