1 कुरन्थीयो 9:1 - जीवन को च्यानणो (सेकावाटी नया नियम की पोथ्या)

¹ के म अजाद कोनी हूँ? अर म भेजेड़ो चेलो कोनी के? के मनै आपणा परबु ईसु को दरसाव कोनी होयो? अर के थे बी परबु म मेरै काम की बजेऊँ कोनी हो?

1 कुरन्थीयो 9:1 Referans Kwoze

भेजेड़ा चेला का काम 9:17

इकै पाछै हनन्या खड़्यो होर बि घर म गयो जठै साऊल हो अर बिपै आपका हात धर'र बोल्यो, “मेरा लाडला बिस्वासी भाईड़ा, मनै परबु ईसु जखो गेला म तेरै सामै परगट होयो हो बो भेज्यो ह, जिऊँ तू ओज्यु देखबा लागै अर पबितर आत्माऊँ भर जावै।”

1 तिमूतियूस 2:7

अर इ गुवाईनै गैर-यहूदि मिनखानै सुणाबा ताँई म एक सचा बिस्वास की सीख देबाळो अर ईसु को भेजेड़ो चेलो बणायो गयो हूँ। जिऊँ म बिस्वास का समचार अर सच को हेलो पाड़ सकूँ। म झूठो कोनी हूँ म सच बोलर्यो हूँ।

1 कुरन्थीयो 3:6

म बीज बोयो, अपुलोस सिंच्यो, अर परमेसर बिनै बोजो बणायो।

भेजेड़ा चेला का काम 23:11

बि रात परबु बिनै दरसाव देर बोल्यो, “हिमत बांद अर जंय्यां तू मेरै बारां म अठै गुवाई दि ह, ठिक बंय्यांई तनै रोम म बी देणी पड़सी।”

भेजेड़ा चेला का काम 9:3

अर जद चालता-चालता बो दमिसक क सांकड़ै लाग्योक जणा चाणचुकई आसमान मऊँ एक च्यानणो बिपै चमक्यो।

1 कुरन्थीयो 9:19

म कोई कई बंदण म कोनी जणा पाछै बी म खुदनै सगळा को दास बणा लिओ। जिऊँ म मसी म बोळा मिनखानै जीत सकूँ।

2 तिमूतियूस 1:11

परमेसर मनै चोखा समचार को हेलो सुणाबा ताँई एक हलकारा, सीखाबाळा अर ईसु का भेजेड़ा चेला को काम दिओ ह।

गलातियो 5:1

मसी आपानै अजाद रेह्बा ताँई अजाद कर्यो हो, जणा मसी मई बण्या रेह्‍वो। अर गुलाम बणाबाळी बाता म ओज्यु मना जाओ।

2 कुरन्थीयो 6:1

परमेसर का संगी होबा क नातै म्हें थानै समजावां हां क परमेसर की दया थार प होई ह बिनै बेकार मना जाबाद्‍यो।

रोमीयो 1:1

म ईसु मसी को दास, भेजेड़ो चेलो पोलुस, जिनै परमेसर बुलायो अर चोखो समचार परचार करबा ताँई टाळ्यो, आ चिठी रोम की बिस्वासी मंडळीनै मांडूँ हूँ। रोम म रेह्बाळा थारै सगळा प जखा परमेसर का लाडला अर पबितर होबा ताँई बुलाया गया हीं। आपणा परम-पिता परमेसर अर परबु ईसु मसी की दया अर स्यांती बणी रेह्‍वै। चोखा समचार को बादो परमेसर की खेबाळा क जरिए पेलीऊँई कर्यो गयो, जंय्यां क पबितर सास्तर म मंडर्यो ह, ओ चोखो समचार परमेसर का बेटा क बारां म ह अर ओ काया रूप म दाऊद क कूणबा म जलम्यो। अर बिनै पबितर आत्माऊँ मरेड़ा मऊँ जीवार सक्‍ति क सागै ओ साबित कर्यो गयो क ओ परमेसर को बेटो ह जखो आपणो परबु ईसु मसी ह। मसी क जरिए परमेसर म्हानै ओ सोभाग अर भेजेड़ा चेला को ओदो दिओ, जिऊँ जगत का सगळा मिनख बिस्वास करीं अर बिकी मानी जिऊँ बिका नाम की मेमा होवै। थारी बी गिणती आमई आवै ह, थानै ईसु मसी का होबा ताँई बुलायो गयो ह।

गलातियो 1:1

इ चिठी म, म पोलुस मेरो अर मेरै सागैहाळा सगळा भायां को, गलातिया दिसावर की बिस्वासी मंडळ्यानै नमस्कार मांडूँ हूँ। म बोई पोलुस हूँ जिनै भेजेड़ो चेलो होबा ताँई मिनख कोनी बुलाया पण ईसु मसी अर परम-पिता परमेसर जखो ईसु मसीनै मरेड़ा मऊँ जिंदो कर्यो हो बे टाळ्या हीं।

1 थिसलूनिकी 2:6

अर म्हें आ कोनी चावां क मिनख म्हारो मान करै अर नइ म्हें थारूँ अर दुसराऊँ आदरमान चायो। जदकी म्हें मसी का भेजेड़ा चेला होबा क नातै थारै प हक जमा सका हा।

2 कुरन्थीयो 11:5

पण म खुदनै बा मिनखाऊँ छोटो कोनी जाणू जखा खुदनै थारा भेजेड़ा चेला बतावीं हीं।

1 कुरन्थीयो 1:1

परमेसर की इंछ्या गेल मसी ईसु म भेजेड़ो चेलो होबा ताँई टाळ्यो गयो, म पोलुस जखो बिस्वासी भाईड़ा सोस्थिनेस की मददऊँ आ चिठी,

रोमीयो 11:13

आ इब म थारूँ, जखा यहूदि कोनी बोलर्यो हूँ, क्युं क जंय्यां खास तोर प तो म गैर-यहूदि मिनखा ताँई भेजेड़ो चेलो हूँ अर मनै मेरा काम प गुमान ह क्युं क इनै पूरी जीज्यानऊँ करूँ हूँ ,

भेजेड़ा चेला का काम 14:14

अर जद भेजेड़ा चेला पोलुस अर बरनाबासनै इ बात को बेरो पड़्यो जणा बे आपका गाबा पा'ड़र बि भीड़ म कुदगा अर बाऊँ जोरऊँ खेबा लागगा,

भेजेड़ा चेला का काम 14:4

अर नगरी म अंय्यां होयो क मिनखा म फूट पड़गी। कोई भेजेड़ा चेला को तो कोई यहूदि पंथ को हिमायत्यो होयो।

भेजेड़ा चेला का काम 13:2

जद बे बरत क सागै परमेसर की भगती करर्या हा बि टेमई पबितर आत्मा बाऊँ बोली, “मेर ताँई बरनाबास अर साऊलनै बि काम ताँई नाकै टाळो जि काम ताँई बानै बुलायो गयो ह।”

भेजेड़ा चेला का काम 9:15

पण परबु बिनै बोल्यो, “तू तो जा! क्युं क म इनै गैर-यहूदि, राजा-म्हराजा अर इजरायली मिनखा म मेरो नाम फेलाबा ताँई मेरो दास कर टाळ्यो हूँ।

भेजेड़ा चेला का काम 9:5

जणा साऊल बुज्यो “परबु थे कूण हो?” जणा उवाज आई, “म ईसु हूँ जिनै तू सतावै ह।

1 कुरन्थीयो 10:29

अर मेरै खेबा को मतबल थारी अन्तर-आत्माऊँ कोनी ह पण बी दुसरा मिनखऊँ ह। क्युं क मेरी अजादि दुसरा मिनख की अन्तर-आत्माऊँ क्युं परखी जावै?

1 कुरन्थीयो 10:30

अर ज म परबुनै धनेवाद देर रोटी म पाँती पताऊँ हूँ जणा बि ताँई मेरी बुराई नइ करबो चाए।

1 कुरन्थीयो 11:16

पण ज कोई मिनख जिदा-जादि करबो चावै जणा बो आ जाणले की इ रीत क अलावा नइ तो म्हारी अर नइ परमेसर की बिस्वासी मंडळी की ओर कोई रीत ह।

2 कुरन्थीयो 10:7

थे तो बा चिजानैई देखो हो जखी आँख्या क सामै ह। अर ज कोई खेवै क मनै बिस्वास ह क म मसी को हूँ। जणा बिनै आ बी मान लेणो चाए क जंय्यां बो मसी को ह जणा म्हें बी मसी का हां।