1 कुरन्थीयो 8:7 - जीवन को च्यानणो (सेकावाटी नया नियम की पोथ्या)

⁷ पण ओ ज्ञान सगळा मिनखानै कोनी। अर कई मिनख तो इब ताँई मूरती धोकी हीं, अर बे आ सोचर अंय्यां की चिजा खावीं क ओ तो परसाद ह। अर बाकै अंय्यां करबाऊँ बाकी अन्तर-आत्मा असुद हो जावै ह क्युं क बाको मांयलो माड़ो ह।

1 कुरन्थीयो 8:7 Referans Kwoze

रोमीयो 14:14

परबु ईसु क सागै एका म, म सचमई मानू हूँ क खाबाळी कोई चिज असुद कोनी। बा खाली बि ताँई असुद ह जखो बिनै असुद मानै ह।

भेजेड़ा चेला का काम 15:20

पण बानै आ जरूर मांडर भेज्या क बे मूरत्या प चढाईड़ी चिज नइ खावै अर पराई लूगाया क सागै गळत काम नइ करै अर गळो मोसेड़ो मास नइ खावै अर नइ लोय पिवै।

रोमीयो 15:14

मेरा लाडला बिस्वास्यो, मनै पक्को बेरो ह क थे भलो करबाळा हो, सगळा ज्ञानऊँ भर्यापूरा हो अर एक दुसरानै सीखा सको हो।

1 कुरन्थीयो 8:1

आपा मूरत्या क आगै चढाईड़ा परसाद क बारां म जाणा हां, “क्युं क आपा सगळा ज्ञानी हा।” अर ज्ञान मिनखानै गुमान म फुलावै ह। पण परेम करबाऊँ सको भलो होवै ह।

1 कुरन्थीयो 8:4

आपा मूरत्या क चढाईड़ा परसाद क खाबा क बारां म बी जाणा हां, अर ओ बी जाणा हा क इ सरस्टि म परमेसर क अलावा कोई दुसरो परमेसर आथई कोनी।

1 कुरन्थीयो 10:25

अर गोस बजार म जोक्यु बिकै बिनै अन्तर-आत्मा क खया गेल खायो अर बिका बारां म कोई सुवाल मना उठायो।

1 थिसलूनिकी 5:14

मेरा लाडला बिस्वास्यो, म्हें थानै समजावां हां क, जखा कामऊँ जी चुरावै ह बानै समजाओ, डरपोकानै हिमत बंधाओ, माड़ानै समाळो अर सगळा क सागै नरमाई बरतो।