1 कुरन्थीयो 8:4 - जीवन को च्यानणो (सेकावाटी नया नियम की पोथ्या)

⁴ आपा मूरत्या क चढाईड़ा परसाद क खाबा क बारां म बी जाणा हां, अर ओ बी जाणा हा क इ सरस्टि म परमेसर क अलावा कोई दुसरो परमेसर आथई कोनी।

1 कुरन्थीयो 8:4 Referans Kwoze

1 तिमूतियूस 2:5

क्युं क परमेसर एकई ह अर परमेसर अर मिनखा क बिचमै बिचोलिओ बी एकई ह, मतबल मसी ईसु जखो खुद एक मिनख ह।

इफिसुस 4:6

सगळा को परमेसर अर परम-पिता एकई ह जखो सगळा क उपर, सगळा क मांयनै ह अर सगळा की बजेऊँ काम करै।

मरकुस 12:29

ईसु बिऊँ बोल्यो, “सगळा मऊँ बडोड़ो ओ ह। ‘सुणो इजरायलीओ आपणा परमेसरनै छोडर कोई परबु कोनी ह।

1 कुरन्थीयो 8:10

क्युं क ज कोई अंय्यां को मिनख जखो बिस्वास म कमजोर हो अर तनै, जिनै इ बारां म ज्ञान ह मनदर म परसाद खातो देखै जणा कदै बिनै मूरती क चढाईड़ो परसाद खाबा की हिमत नइ मिलज्यावै।

1 कुरन्थीयो 8:1

आपा मूरत्या क आगै चढाईड़ा परसाद क बारां म जाणा हां, “क्युं क आपा सगळा ज्ञानी हा।” अर ज्ञान मिनखानै गुमान म फुलावै ह। पण परेम करबाऊँ सको भलो होवै ह।

भेजेड़ा चेला का काम 19:26

अर थानै जंय्यां बेरोई ह क पोलुस इफिसुस मई नइ पण सगळा एसिया म मिनखानै भंगरा इ बातनै मनवावै ह क हातऊँ बणाएड़ी मूरती ईस्बर कोनी।

भेजेड़ा चेला का काम 14:15

“थे काँई करो हो म्हें बी तो थारी जंय्यां का मिनख हां, म्हें तो थानै चोखा समचार सुणाबा आया हां क थे आ बेकाम की चिजानै छोडर बि जीवता परमेसरनै जाणो, जखो ईस्बर नगरी अर धरती, समदर अर जोक्यु बिमै ह बानै बणायो ह।

1 तिमूतियूस 1:17

अर इब सदाई राज करबाळो राजा, अनदेख्यो, अमर अर बस बि एकई परमेसर को मान अर गुणगान जुग-जुग होतो रेह्‍वै। अंय्यांई होवै।

भेजेड़ा चेला का काम 15:20

पण बानै आ जरूर मांडर भेज्या क बे मूरत्या प चढाईड़ी चिज नइ खावै अर पराई लूगाया क सागै गळत काम नइ करै अर गळो मोसेड़ो मास नइ खावै अर नइ लोय पिवै।

1 कुरन्थीयो 8:11

अर तेरै इ ज्ञानऊँ बि बिस्वास म कमजोर भाई को नास होज्यासी जि ताँई परबु ईसु मसी खुदकी जान दि ह।

गलातियो 4:8

पेल्या थे परमेसरनै कोनी जाणता हा, थे बाका दास हा जखा सच म परमेसर कोनी हा।