1 कुरन्थीयो 8:1 - जीवन को च्यानणो (सेकावाटी नया नियम की पोथ्या)

¹ आपा मूरत्या क आगै चढाईड़ा परसाद क बारां म जाणा हां, “क्युं क आपा सगळा ज्ञानी हा।” अर ज्ञान मिनखानै गुमान म फुलावै ह। पण परेम करबाऊँ सको भलो होवै ह।

1 कुरन्थीयो 8:1 Referans Kwoze

1 कुरन्थीयो 8:7

पण ओ ज्ञान सगळा मिनखानै कोनी। अर कई मिनख तो इब ताँई मूरती धोकी हीं, अर बे आ सोचर अंय्यां की चिजा खावीं क ओ तो परसाद ह। अर बाकै अंय्यां करबाऊँ बाकी अन्तर-आत्मा असुद हो जावै ह क्युं क बाको मांयलो माड़ो ह।

रोमीयो 14:3

जखा सक्यु खावीं हीं बे बाको तिरस्कार नइ करै जखा साग-पात खावीं हीं। अर साग-पात खाबाला बानै गळत नइ बतावै जखा सक्यु खावीं हीं। क्युं क परमेसर बानै अपणायो ह।

दरसाव 2:14

क्युंबी हो पण इब बी तेर म क्युंक कमीया ह अर बे अ ह क, तेरी बिस्वासी मंडळी म अंय्यां का क्युंक मिनख ह जखा बिलाम की सीख प चालै ह। क्युं क बिलाम, बालाकनै सीखायो हो क बो इजरायली मिनखानै मूरती प चढाईड़ो चढावो खाबा अर कुकरम करबा ताँई उकसावै।

1 कुरन्थीयो 8:4

आपा मूरत्या क चढाईड़ा परसाद क खाबा क बारां म बी जाणा हां, अर ओ बी जाणा हा क इ सरस्टि म परमेसर क अलावा कोई दुसरो परमेसर आथई कोनी।

1 कुरन्थीयो 8:2

अर ज कोई खेवै क बो क्युं जाणै अर जिकै बारां म बिनै जाणबो चाए बिकै बारां म कोनी जाणै जणा बो क्युंई कोनी जाण्यो।

रोमीयो 15:14

मेरा लाडला बिस्वास्यो, मनै पक्को बेरो ह क थे भलो करबाळा हो, सगळा ज्ञानऊँ भर्यापूरा हो अर एक दुसरानै सीखा सको हो।

1 कुरन्थीयो 15:34

चेता म आओ, अर पाप को गेलो छोड द्‍यो। म थानै थारी सरमिंदगी दिखाऊँ हूँ क्युं क थारै म क्युंक मिनख परमेसरनै कोनी जाणै।

भेजेड़ा चेला का काम 15:29

क थे मूरत्या प चढाईड़ी चिजा, गळो मोसेड़ा मास, लोयऊँ अर पराई लूगाया क सागै गळत कामाऊँ परै रेहज्यो, अर थारो भलो होवै।”

1 कुरन्थीयो 10:28

पण ज कोई थानै बतावै क, “ओ देवता क चढाईड़ो चढावो ह,” जणा थानै बताबाळा अर अन्तर-आत्मा ताँई मना खाज्यो।

भेजेड़ा चेला का काम 21:25

अर जठै ताँई गैर-यहूदिआ का बिस्वास्या को सुवाल ह बा ताँई म्हें कागद मांडर दे दिओ क बे मूरती क आगै चढाईड़ो मास, लोय अर गळो घोटेड़ो ज्यानबर को मास खाबाऊँ अर पराई लूगाया क सागै गळत कामाऊँ परै रेह्‍वै।”

भेजेड़ा चेला का काम 15:10

जणा पाछै इब थे क्याले परमेसरनै बिचासर बिस्वास्या की गरदना प हाळी धरर्या हो, जिनै नइ तो म्हारा बाप-दादा उठा सक्या अर नइ म्हें उठा सकां।

दरसाव 2:20

क्युंबी हो पण इब बी तेर म एक कमी ह अर बा आ ह क, तू इजेबैल नाम की बि लूगाईनै तेरै बिचमै राखै ह, जखी खुदनै परमेसर की खेबाळी बतावै। अर आपकी सीखऊँ मेरा दासानै कुकरम करबा अर मूरत्या प चढाईड़ा चढावानै खाबा ताँई उकसावै ह।

कलुसीयो 2:18

जखो मिनख देख-दिखावा की नरमाई बरतै अर ईस्बर नगरी दुतानै पूजबा को काम करै ह बिनै थारा इनाम पाबा म रोड़ो मना बणबा द्‍यो। अंय्यांलको मिनख सदाई बा दिव्य दरसावा की फांप मारतो रेह जखा बो देख्या हा अर बो आपका अर मिनखा का बिचार म झूठोई गुमान म फुल्यो रेह्‍वै ह,

1 कुरन्थीयो 14:20

मेरा लाडला बिस्वास्यो, थे थारी समज म टाबर मना बणो। बुराई ताँई टाबर बण्या रेह्ओ पण समज म स्याणा बणज्याओ।

1 कुरन्थीयो 5:6

थारो गुमान करबो चोखो कोनी ह। अर थे आ खेबत तो सुण्याई हो क, “चिनोसोक खमिर सगळा गुंदेड़ा आटानै खमिर बणा देवै ह।”

1 कुरन्थीयो 5:2

अर थे अंय्यां कर गुमान म फूलर्या हो जदकी थानै दुखी होणो चाए। अर थानै अंय्यां करबो चाए की जखो मिनख अंय्यां को काम करै ह बिनै थारूँ न्यारो कर देणो चाए।

1 कुरन्थीयो 4:18

अर थारै म कई मिनख तो अंय्यां सोचर गुमान म फूलर्या हीं क म इब थारै कनै कदै आस्युंई कोनी।

1 कुरन्थीयो 4:10

हां, सई ह भाईड़ो म्हें मसी ताँई बेबुदी का हां, पण थे मसी म बोळा ज्ञानी हो! म्हें तो माड़ा हां पण थे तो तगड़ा हो। म्हें तो बेजत हां पण थे तो मान्या-थान्या हो।

1 कुरन्थीयो 1:5

क्युं क मसी म थानै बोलबा, सगळा ज्ञान अर सगळी बाता म सागेड़ो बणायो गयो ह।

रोमीयो 14:22

इ ताँई आ बाता क बारां म थारो जखो बी बिस्वास ह बिनै तेरै अर परमेसर क बिच राख। भागहाळा हीं बे मिनख जखा जि बातनै चोखी समजीं हीं बामै खुदनै दोसी कोनी मानी।

रोमीयो 14:14

परबु ईसु क सागै एका म, म सचमई मानू हूँ क खाबाळी कोई चिज असुद कोनी। बा खाली बि ताँई असुद ह जखो बिनै असुद मानै ह।

रोमीयो 14:10

जणा थे दुसरा को क्युं न्याय करो हो? अर दुसरा बिस्वासी भायानै निचो क्युं जाणो हो? क्युं क आपा सगळा परमेसर का न्याय सिंघासन क सामै खड़्या होस्यां।

रोमीयो 12:16

आपसर्या म एक चित रेह्ओ घमंड मना करो पण दीन हीन की सोबत करो। अर खुदनै अंय्यां मना जाणो क खाली मई बुदीमान हूँ।

रोमीयो 11:25

मेरा लाडला बिस्वास्यो! म थानै इ लुखेड़ा सचऊँ अणजाण कोनी राखबो चाऊँ, क थे खुदनै घणा चतर नइ समजबा लागो। क्युं क इजरायल का मिनखा को ढिटपुणो सदाई कोनी बण्यो रेह्सी। ओ तो जद ताँई ह जद ताँई गैर-यहूदि मिनखा मऊँ जत्ता टाळेड़ा हीं, बे सगळा परमेसर कनै नइ आज्यावै।

रोमीयो 14:19

जणा, बा बाता म लाग्या रेह्ओ जखी स्यांतीनै बढावै ह अर एक दुसरा की आत्मिक बढोतरी म मदद करै ह।

1 कुरन्थीयो 4:6

मेरा लाडला बिस्वास्यो, थारै ताँई म अ बाता जखी म थानै सीखायो हूँ बानै अपुलोस अर खुद प लागू करी ह, जिऊँ थे म्हारूँ खेबत का मतबलनै सीख सको अर आ खेबत आ ह, “जोक्यु पबितर सास्तर म मंडेड़ो ह थे बिनै नइ उंडाळ ज्याओ।” अर थानै दुसरा को विरोध करबा ताँई एक की भीड़ लेर गुमानऊँ नइ फुलबो चाए।

1 कुरन्थीयो 10:15

अर आ बात म थानै स्याणा जा'णर खेऊँ हूँ। अर जखो म थानै खेर्यो हूँ इनै थेई परख ल्यो।