1 कुरन्थीयो 7:10 - जीवन को च्यानणो (सेकावाटी नया नियम की पोथ्या)

¹⁰ अर इब म बानै आदेस देऊँ हूँ जखा ब्याईड़ा हीं, अर ओ मेरो आदेस कोनी पण परबु को हुकम ह क लूगाई आपका मोट्यारनै नइ छोडै

1 कुरन्थीयो 7:10 Referans Kwoze

मत्ती 5:32

पण सुणो, ज कोई मिनख आपकी लूगाईनै कुकरम क अलावा कोई ओर बजेऊँ छोडै ह अर बा लूगाई दुसरा मोट्यार क सागै रेह्‍वै जणा बिको कुकरमी होबा को जिमेबार बिको पेलड़ो मोट्यार ह अर बि छोडेड़ी लूगाईऊँ ब्या करबाळो बी कुकरम करै।

लूका 16:18

“जणा जखो बी मोट्यार आपकी लूगाईनै छोडर दुसरो ब्या करै बो कुकरम करै ह। अंय्यांई छोडेड़ी लूगाईऊँ ब्या करबाळो मिनख बी कुकरम करै ह।

1 कुरन्थीयो 7:15

अर इकै पाछै बी कोई बिस्वास नइ करबाळा मोट्यार लूगाई न्यारो होबो चावै जणा बो न्यारो हो सकै ह। क्युं क अंय्यां की बाता प मसी मोट्यार लूगाई अजाद हीं। क्युं क परमेसर आपानै सुक-स्यांतीऊँ रेह्बा ताँई बुलायो ह।

1 कुरन्थीयो 7:12

अर इब आकै अलावा जखा मिनख रेह्गा बानै परबु कोनी पण म खेऊँ हूँ, ज कोई बिस्वासी भाईड़ा क लूगाई होवै अर बा बिस्वास कोनी करै पण बिकै सागै रेह्बा ताँई राजी ह जणा बो मिनख आपकी लूगाईनै नइ छोडै।

1 कुरन्थीयो 7:25

कुंआरी ताँई परबु क कानिऊँ मनै कोई हुकम कोनी मिल्या। इ ताँई म परबु की दयाऊँ अर बिस्वास जोगो होबा की बजेऊँ सला देऊँ हूँ।

1 कुरन्थीयो 7:6

अर म आ बात मेरै कानिऊँ खेऊँ हूँ पण ओ हुकम कोनी ह।

1 कुरन्थीयो 7:40

अर ज बा जंय्यां ह बंय्यांई रेह्‍वै जणा राजी रेह्सी। ओ मेरो बिचार ह अर म आ सोच्यो हूँ क मेरै मांयनै बी परमेसर की पबितर आत्मा को बास ह।

मरकुस 10:2

जदई फरिसी बिकन आर ईसुनै बिचासबा ताँई बिऊँ बुजबा लाग्या क आपणा बिधान म कोई मोट्यार आपकी लूगाईनै छोड सकै ह के?

1 कुरन्थीयो 7:11

अर ज बा आपका मोट्यारनै छोड बी देवै जणा बिनै दुसरो ब्या नइ करबो चाए अर हो सकै तो बिनै ओज्यु आपका मोट्यार क सागै मेळमिलाप करलेणो चाए। अर अंय्यांई मोट्यारनै बी आपकी लूगाईनै नइ छोडणो चाए।