1 कुरन्थीयो 6:3 - जीवन को च्यानणो (सेकावाटी नया नियम की पोथ्या)

³ अर थे ओ कोनी जाणो के आपा दुता को न्याय करस्यां? जणा इ जीवन की आ छोटी-छोटी बाता को काँई खेबो?

1 कुरन्थीयो 6:3 Referans Kwoze

यहूदा 1:6

म थानै बा दुता क बारां म बी याद दिलाबो चाऊँ हूँ, जखा आपका अधिकार का पदनै समाळर कोनी राख्या पण बि झघानै छोडर भाग्या जिनै परमेसर बानै रेह्बानै दिओ हो। जणा परमेसर बानै सदा ताँई की आग की भटी म न्यायहाळै दिन ताँई बंद कर दिओ, जिऊँ न्याय क दिन बानै सजा दे।

मत्ती 25:41

बाकै पाछै बो राजा आपकै बाया हात खड़्या मिनखाऊँ खेसी, ‘हाय ह थार प। थे मेरै कनैऊँ चल्या जाओ। अर जखी कदैई नइ बुत्तबाळी आग सेतान अर बिका दुता ताँई बाळ राखी ह बिमै पड़ मरो।

1 कुरन्थीयो 6:4

ज थारै मांय अंय्यां की बाता होवै जणा थानै अंय्यां का मिनखा क कनै नइ जाणो चाए जाको बिस्वासी मंडळीऊँ कोई लेणदेण कोनी।

लूका 8:14

अर जखा बीज झाड़्या म पड़्या बिको मतबल ओ ह की बे मिनख जखा बचननै सुणी पण जद बे बापै चाली जणा चिंत्या, धन-दोलत अर जिंदगी का मजा बानै दबा देवै ह जिऊँ बे सूल कोनी फळै।

लूका 21:34

“इ ताँई चेता म रेह्‍वो, कदै अंय्यां नइ होज्या क थे तो लाग्या रेह्‍वो पीबा-खाबा अर आटा चून की चिंत्या म अर बो दिन थार प फंदा की जंय्यां आ पड़ै।

2 तिमूतियूस 4:10

क्युं क देमास तो इ दुनियादारी का मो म पड़र मनै छोडर थिसलूनिकी नगरी चलेगो ह, करेसकन्स गलातिया अर तितूस दलमतिया नगरी चलेगो।

2 तिमूतियूस 2:4

एक सिपाई जद खुदका काम म लाग्यो रेह्‍वै ह जणा बो खुदऊँ उपला अधिकार्यानै खुदका कामाऊँ राजी राखबो चावै ह अर इ बजेऊँई बो खुदनै दुसरा झंझटामै कोनी गेरै।

2 पतरस 2:4

क्युं क परमेसर बा दुतानै जखा पाप कर्या हा बानैई कोनी बकस्यो। अर बानै पताळ क मांयनै अँधेरा कूंड म गेर दिओ, जिऊँ क बे न्यायहाळै दिन ताँई बिकै मांयनै केद रेह्‍वै।

रोमीयो 6:16

के थे ओ कोनी जाणो क, थे कोई क हाता म खुदनै दास की जंय्यां सूपो हो जणा थे बिको कह्यो मानबा ताँई बिका गुलाम हो। जणा पाछै चाए थे मरबा ताँई पाप का दास बणो नहिस कह्यो करबाळा बणो जखो थानै धारमिक्‍ता कानि लेज्यासी।

1 कुरन्थीयो 6:15

के थे जाणो हो थारी काया परबु ईसुऊँ जुड़ेड़ी ह? जणा पाछै म आ अंगानै जखा मसी का हीं, आनै रांड का अंग कोनी बणबा द्‍युँ।

1 कुरन्थीयो 6:16

थे कोनी जाणो के जखो मिनख रांड क सागै रेह्‍वै ह बो बिकै सागै एक तन होज्यावै ह? क्युं क पबितर सास्तर म मंडेड़ो ह क, “बे दोन्यु एक काया हो होज्यासी।”

1 कुरन्थीयो 6:19

अर थे ओ कोनी जणो के थारी काया पबितर आत्मा को मनदर ह आ आत्मा थारै मांयनै रेह्‍वै ह जिनै परमेसर थानै दिओ ह। थे खुदका कोनी हो, पण परमेसर का हो।