1 कुरन्थीयो 5:11 - जीवन को च्यानणो (सेकावाटी नया नियम की पोथ्या)

¹¹ पण मेरो अंय्यां मांडबा को ओ मतबल ह क थे अंय्यां का मिनखाऊँ नातो मना राखज्यो जखा देख दिखाई का बिस्वासी भाई बणी हीं पण बे कुकरमी, लालची, मूरतीपुजबाळा, गाळीगळोच करबाळा, पियाचरी करबाळा अर ठग हीं। अंय्यां का मिनखा क सागै उठा-बेठी मना राखज्यो।

1 कुरन्थीयो 5:11 Referans Kwoze

रोमीयो 16:17

मेरा लाडला बिस्वास्यो, म थारूँ खेऊँ हूँ क, थानै जखी सीख मिली, बिकै खिलाप थारै म फूट गेरबाळा अर दुसरा का बिस्वासनै बिगाड़बाळाऊँ दूर रेह्ओ।

2 थिसलूनिकी 3:14

ज कोई म्हारी इ चिठी म मांडेड़ी बातानै कोनी मानै बापै निगा राखो अर बाका संगराऊँ दूरई रह्यो जिऊँ बाको सीर निचो होज्यावै।

2 थिसलूनिकी 3:6

मेरा लाडला बिस्वास्यो, म्हें थानै परबु ईसु मसी म ओ आदेस देवां हां क, हरेक अंय्यां का बिस्वासी भाईड़ाऊँ नाकैई रेह्ज्यो जखो कामऊँ जी चुरावै ह। अर जखी सीख म्हें बिनै दिनी ह बिकै गेल कोनी चालै।

मत्ती 18:17

अर ज बो बाकी बात बी कोनी मानै जणा बिस्वासी मंडळी का मिनखानै बिकै बारां म बता। अर बो ज बिस्वासी मंडळी का मिनखा की बात बी कोनी मानै तो थे बिकै सागै बंय्यां को बरताव करो जंय्यां की चुंगी लेबाळा अर परमेसरनै नइ ध्यारबाळा क सागै कर्यो जावै ह।

1 कुरन्थीयो 5:13

जखा अबिस्वासी हीं बाको न्याय तो परमेसरई करसी। अर सास्तर म जंय्यां मंडर्यो ह क “थे थारै मांयनैऊँ बुरा मिनखनै निकाळ द्‍यो।”

2 यहून्ना 1:10

अर ज कोई थानै मसी की सीख कोनी देवै जणा थे बि मिनखनै थारै घर म मना आबा द्‍यो अर नइ बिकी आवभगत करज्यो।

दरसाव 22:15

पण जादू-टोणा करबाळा, हत्यारा, कुकरमी, मूरती धोकबाळा अर बे हरेक जखा झूठनै चावै ह अर बिपै चालै ह बे हड़कायड़ा गंडक की जंय्यां हीं अर बे नगरी क बारनै रेह्सी।

दरसाव 21:8

पण डरपोक, परमेसर म बिस्वास नइ करबाळा, भरस्ट, हत्यारा, कुकरमी, जादू-टोणा करबाळा, मूरती धोकबाळा अर झूठा मिनखानै तिजाब हाळा नरक का भबकती आग का कूंड म गेर्यो जासी। आई दुसरी मोत ह।”

1 तिमूतियूस 3:3

बो दारूड़ो नइ हो, मारपीट करबाळो नइ हो, पण दयाऊँ भरेड़ो अर स्यांतीऊँ रेह्बाळो होवै, बिको मो रिपीआ म नइ होवै।

मत्ती 23:25

“सास्तर्यो अर फरिसीयो! थार प धिक्कार ह, थे लालची अर मतलबी हो। थे बि कचोळा अर थाळी की जंय्यां हो जखा मांयनैऊँ नइ पण बारनै-बारनैऊँ मांज्या जावीं हीं।

दरसाव 2:20

क्युंबी हो पण इब बी तेर म एक कमी ह अर बा आ ह क, तू इजेबैल नाम की बि लूगाईनै तेरै बिचमै राखै ह, जखी खुदनै परमेसर की खेबाळी बतावै। अर आपकी सीखऊँ मेरा दासानै कुकरम करबा अर मूरत्या प चढाईड़ा चढावानै खाबा ताँई उकसावै ह।

इफिसुस 5:5

थानै इ बातनै सूल जाणणोई ह क कुकरमी, सूगला काम करबाळा, अर लोभी मिनखा को जखा मूरतीपुजा करबाळा की जंय्यां हीं, मसी अर परमेसर का राज म आकी कोई पाँती कोनी।

लूका 21:34

“इ ताँई चेता म रेह्‍वो, कदै अंय्यां नइ होज्या क थे तो लाग्या रेह्‍वो पीबा-खाबा अर आटा चून की चिंत्या म अर बो दिन थार प फंदा की जंय्यां आ पड़ै।

1 कुरन्थीयो 6:10

चोर लूटेरा, लालची, दारूखोर्या, भिड़ाबाळा, अर ठग परमेसर का राज का वारिस कोनी होसी।

कलुसीयो 3:5

इ ताँई थारै मांयनै जोक्यु दुनियादारी की इछ्या गेल काम करै ह बानै मार द्‍यो, जंय्यां मुंडा काळा होबाळा नाजायज कुकरम बासना भर्या काम, बुरी इंछ्या अर लोभ-लालच जखो परमेसर की नजर्या म बुरो ह अठै ताँई की मूरती पूजा की जंय्यां ह।

1 कुरन्थीयो 8:11

अर तेरै इ ज्ञानऊँ बि बिस्वास म कमजोर भाई को नास होज्यासी जि ताँई परबु ईसु मसी खुदकी जान दि ह।

1 कुरन्थीयो 6:6

पण थे जखा बिस्वासी भाई होर एक दुसरा क खिलाप मुकदमो करो हो अर थारी बाता को न्याय बिस्वास नइ करबाळा मिनखा कनै करवार्या हो।

रोमीयो 13:13

जणा क्युंना आपा सूल रेह्‍वां जंय्यां मिनख दिन का उजाळा म रेह्‍वै। खा पीर धुत्त रेह्बाळासा नइ, नइ कुकरम अर रांडबाज की जंय्यां, नइ लड़बाळा की जंय्यां अर नइ बळोकड़ा की जंय्यां।

दरसाव 2:14

क्युंबी हो पण इब बी तेर म क्युंक कमीया ह अर बे अ ह क, तेरी बिस्वासी मंडळी म अंय्यां का क्युंक मिनख ह जखा बिलाम की सीख प चालै ह। क्युं क बिलाम, बालाकनै सीखायो हो क बो इजरायली मिनखानै मूरती प चढाईड़ो चढावो खाबा अर कुकरम करबा ताँई उकसावै।

1 तिमूतियूस 6:5

अर बा मिनखा म राड़ होवै ह जाकी मत्ती मारी गई ह, अर जखा सचऊँ दूर होगा हीं, बे सोचीं हीं क, परमेसर की सेवा धन कमाबा को सादन ह।

इफिसुस 5:18

दारू पीर मतवाळा मना बणो, क्युं क इऊँ मत्त मारी ज्यावै, पण इकी बजाय पबितर आत्मा म भर्यापूरा होता जाओ।

गलातियो 2:12

क्युं क बो गैर-यहूदि मिनखा क सागै रोटी खातो हो, पण जद याकूब क कनैऊँ मिनख बिकै बठै गया, जणा बो बा मिनखाऊँ डर जखा गैर-यहूदि मिनखा की सुन्नत करबो चाता हा गैर-यहूदि मिनखाऊँ न्यारो रेह्बा लाग्यो।

1 कुरन्थीयो 11:21

क्युं क थारै मऊँ क्युंक ओराऊँ पेल्याई पेट भरली हीं जणा घणकरा क क्युंई हात कोनी आवै। अर कई तो अंय्यां का हीं जखा पीर मतवाळा होज्यावीं हीं।

1 कुरन्थीयो 10:14

ओ लाडलो मूरती पूजा मना करज्यो।

1 कुरन्थीयो 7:15

अर इकै पाछै बी कोई बिस्वास नइ करबाळा मोट्यार लूगाई न्यारो होबो चावै जणा बो न्यारो हो सकै ह। क्युं क अंय्यां की बाता प मसी मोट्यार लूगाई अजाद हीं। क्युं क परमेसर आपानै सुक-स्यांतीऊँ रेह्बा ताँई बुलायो ह।

1 कुरन्थीयो 7:12

अर इब आकै अलावा जखा मिनख रेह्गा बानै परबु कोनी पण म खेऊँ हूँ, ज कोई बिस्वासी भाईड़ा क लूगाई होवै अर बा बिस्वास कोनी करै पण बिकै सागै रेह्बा ताँई राजी ह जणा बो मिनख आपकी लूगाईनै नइ छोडै।

भेजेड़ा चेला का काम 9:17

इकै पाछै हनन्या खड़्यो होर बि घर म गयो जठै साऊल हो अर बिपै आपका हात धर'र बोल्यो, “मेरा लाडला बिस्वासी भाईड़ा, मनै परबु ईसु जखो गेला म तेरै सामै परगट होयो हो बो भेज्यो ह, जिऊँ तू ओज्यु देखबा लागै अर पबितर आत्माऊँ भर जावै।”

लूका 18:11

बो फरिसी नाकैई खड़्यो होर अंय्यां खेर अरदास करबा लाग्यो, ‘परमेसर थारी जे हो, क म दुसरा की जंय्यां लोभी, दुसरा को बुरो करबाळो, कुकरमी कोनी अर नइ म इ चुंगी लेबाळा की जंय्यां हूँ।

भेजेड़ा चेला का काम 1:15

जणा पाछै बा दिना म पतरस बा बिस्वासी भाई-भाणा म खड़्यो होर बोल्यो जखा गिणत-माणत का एक सो बिस हा,

1 कुरन्थीयो 6:9

के थे पक्काई कोनी जाणो क बुराई करबाळा मिनख परमेसर का राज का वारिस कोनी होसी? बावळा मना बणो! गंदा काम करबाळा, मूरतीपुजा करबाळा, कुकरमी, लुच्चा काम करबाळा अर लुच्चा-लफंगा,