1 कुरन्थीयो 5:10 - जीवन को च्यानणो (सेकावाटी नया नियम की पोथ्या)

¹⁰ अर मेरो खेबा को ओ मतबल बि कोनी हो क थे इ दुनिया का कुकरम करबाळाऊँ, लालच्याऊँ, ठगाऊँ, मूरतीपुजबाळाऊँ कोई नातो मना राखज्यो। ज थे अंय्यां करस्योक जणा तो थानै इ जगत का मिनखाऊँ न्यारो रेह्णो पड़सी।

1 कुरन्थीयो 5:10 Referans Kwoze

1 कुरन्थीयो 10:27

ज कोई बिस्वास नइ करबाळा मिनख थानै रोटी खाबा ताँई बुलावै जणा थारै सामै जखो बी परूस्यो जावै जणा थारी अन्तर-आत्मा की बजेऊँ बिनै कोई सुवाल बुज्या बिना बिनै खाल्यो।

दरसाव 12:9

अर बि बडासारा अजगरनै धरती प फेक दिओ गयो, ओ बोई पुराणो बडो नाग ह जिनै दानव, सेतान बोल्यो गयो ह। ओ सगळा जगत का मिनखानै भंगरावै ह। बो आपका दुता क सागै धरती प फेक दिओ गयो।

1 यहून्ना 5:19

आपा आबी जाणा हां क, सगळा जगत का मिनख सेतान क बस म ह, पण आपा परमेसर का हां।

1 यहून्ना 4:5

बे झूठा परमेसर की खेबाळा इ दुनिया का हीं, अर इकै बारां मई बात करीं हीं अर आ दुनियाई बाकी बाता सुणै ह।

फलिपी 2:15

जिऊँ थे इ जगत म रेह्बाळा कुटिचर अर पापी मिनखा म परमेसर का खरा अर बिना बलेम हाळा सायर टाबर बण सको। अर आसमान म तारा जंय्यां चिलकै ह बंय्यां थानै बी जगत का मिनखा म चिलकणो चाए,

इफिसुस 2:2

अर गेलड़ा दिना म थे इ जगत का कूगेला प चालता हा, अर सगळी सूगली ओपरी बलाया का राजा को कह्यो कर्या करता हा, आ आत्मा बा मिनखा प हक जमावै ह जखा परमेसर का हुकमानै कोनी मानै।

2 कुरन्थीयो 4:4

अर इ दुनिया को ईस्बर जखो सेतान ह बो बा मिनखा की मत मार राखी ह जखा बिस्वास कोनी करीं। जिऊँ बे चोखा समचार का मेमाभर्या उजाळानै कोनी देख सकीं अर मसी जखो परमेसर को रूप ह बिकी मेमा का समचारनै कोनी समजीं।

1 कुरन्थीयो 1:20

कठै ह ज्ञानी? अर कठै ह सीखाबाळा? अर कठै हीं इ दुनिया का जिरैबाज? के परमेसर इ दुनिया का ज्ञाननै बेबुदी को कोनी बतायो?

यहून्ना 8:23

ईसु बोल्यो, “म इ दुनिया को कोनी जिका थे हो। थे धरती का हो पण म ईस्बर नगरीऊँ आयो हूँ।

1 यहून्ना 4:7

लाडलो, आपा एक दुसराऊँ प्यार-परेम करां। क्युं क परमेसरई परेम ह अर जखा बी प्यार-परेम करै ह बे परमेसर का बेटा-बेटी बणग्या हीं अर बे परमेसरनै जाणी हीं।

यहून्ना 17:9

“म बा ताँई अरदास करूं हूँ। म जगत ताँई अरदास कोनी करर्यो पण म तो बा ताँई अरदास करूं जानै थे मनै दिआ हो क्युं क बे थारा हीं।

यहून्ना 17:6

इ जगत का मिनखा मऊँ जखा मिनख थे मनै दिआ, बानै म थारा नाम की सक्‍ति को ज्ञान करवायो। बे सगळा थाराई मिनख हा। थे बानै मनै दिआ अर बे तेरा खयानै मान्या।

यहून्ना 15:19

ज थे इ जगतऊँ लगाव राखता जणा ओ जगत थारूँ परेम करतो। पण म थानै इ जगतऊँ टाळ लिआ क्युं क थे इ जगत का कोनी जणाई ओ थारूँ बैर राखै ह।

लूका 18:11

बो फरिसी नाकैई खड़्यो होर अंय्यां खेर अरदास करबा लाग्यो, ‘परमेसर थारी जे हो, क म दुसरा की जंय्यां लोभी, दुसरा को बुरो करबाळो, कुकरमी कोनी अर नइ म इ चुंगी लेबाळा की जंय्यां हूँ।

1 कुरन्थीयो 5:9

अर म थानै मेरा गेलड़ा कागद म मांड्यो हो क थे कुकरमीयाऊँ कोई नातो मना राखज्यो।

1 कुरन्थीयो 5:11

पण मेरो अंय्यां मांडबा को ओ मतबल ह क थे अंय्यां का मिनखाऊँ नातो मना राखज्यो जखा देख दिखाई का बिस्वासी भाई बणी हीं पण बे कुकरमी, लालची, मूरतीपुजबाळा, गाळीगळोच करबाळा, पियाचरी करबाळा अर ठग हीं। अंय्यां का मिनखा क सागै उठा-बेठी मना राखज्यो।