1 कुरन्थीयो 5:1 - जीवन को च्यानणो (सेकावाटी नया नियम की पोथ्या)

¹ मेरै सुणबा म आयो ह क थारै मांय कुकरम फेलर्यो ह अर अंय्यां का कुकरम तो परमेसरनै नइ ध्यारबाळा मिनख बी कोनी करै। अर कई तो आपकी सोतेली माँ क सागैई काळो मुंडो करै ह।

1 कुरन्थीयो 5:1 Referans Kwoze

दरसाव 21:8

पण डरपोक, परमेसर म बिस्वास नइ करबाळा, भरस्ट, हत्यारा, कुकरमी, जादू-टोणा करबाळा, मूरती धोकबाळा अर झूठा मिनखानै तिजाब हाळा नरक का भबकती आग का कूंड म गेर्यो जासी। आई दुसरी मोत ह।”

दरसाव 2:21

म बिनै बिका कुकरमाऊँ हियो बदलबा को मोको दिओ हो, पण बा पापऊँ तौबा कोनी करी।

कलुसीयो 3:5

इ ताँई थारै मांयनै जोक्यु दुनियादारी की इछ्या गेल काम करै ह बानै मार द्‍यो, जंय्यां मुंडा काळा होबाळा नाजायज कुकरम बासना भर्या काम, बुरी इंछ्या अर लोभ-लालच जखो परमेसर की नजर्या म बुरो ह अठै ताँई की मूरती पूजा की जंय्यां ह।

इफिसुस 5:3

थे परमेसर का मिनख हो इ ताँई थारै म कुकरमा की, लुचापुणा की अर लोभ-लालच की चरचा बी नइ होणी चाए;

गलातियो 5:19

काया का काम तो सामै हीं जंय्यांकी, कुकरम, सूगला काम, उदफेली,

1 थिसलूनिकी 4:7

क्युं क परमेसर आपानै सूगलो नइ पण पबितर जीवन जीबा ताँई बुलायो ह।

2 कुरन्थीयो 12:21

अर मनै ओ बी डर ह क, जद म थारूँ मिलबा आऊँ, जणा मनै परमेसर क सामै सरमिंदा नइ होणो पड़ै। अर मनै बा ताँई रोबो नइ पड़ै जखा पेल्या पाप करता हा, बे कुकरम, सूगली बाता, अर रांडबाजी म जीवन जीता हां, इकै पाछै बी, बे आपका पापऊँ तौबा कोनी कर्या।

1 कुरन्थीयो 6:18

कुकरम मना करो। क्युं क इकै अलावा जत्ता बी पाप मिनख करै ह बो आपकी काया क बारनैऊँ करै। पण जखो मिनख कुकरम करै ह बो आपकी काया क सागै ही पाप करै ह।

1 कुरन्थीयो 6:13

खेबत म आवै ह क, “रोटी पेट ताँई अर पेट रोटी ताँई होवै ह” पण परमेसर आ दोन्यानैई नास कर देसी। अर आपणी काया कुकरम करबा ताँई कोनी पण परबु की सेवा करबा ताँई ह। अर काया ताँई परबु बंदोबस्त करै ह।

1 कुरन्थीयो 6:9

के थे पक्काई कोनी जाणो क बुराई करबाळा मिनख परमेसर का राज का वारिस कोनी होसी? बावळा मना बणो! गंदा काम करबाळा, मूरतीपुजा करबाळा, कुकरमी, लुच्चा काम करबाळा अर लुच्चा-लफंगा,

1 कुरन्थीयो 5:11

पण मेरो अंय्यां मांडबा को ओ मतबल ह क थे अंय्यां का मिनखाऊँ नातो मना राखज्यो जखा देख दिखाई का बिस्वासी भाई बणी हीं पण बे कुकरमी, लालची, मूरतीपुजबाळा, गाळीगळोच करबाळा, पियाचरी करबाळा अर ठग हीं। अंय्यां का मिनखा क सागै उठा-बेठी मना राखज्यो।

भेजेड़ा चेला का काम 15:29

क थे मूरत्या प चढाईड़ी चिजा, गळो मोसेड़ा मास, लोयऊँ अर पराई लूगाया क सागै गळत कामाऊँ परै रेहज्यो, अर थारो भलो होवै।”

भेजेड़ा चेला का काम 15:20

पण बानै आ जरूर मांडर भेज्या क बे मूरत्या प चढाईड़ी चिज नइ खावै अर पराई लूगाया क सागै गळत काम नइ करै अर गळो मोसेड़ो मास नइ खावै अर नइ लोय पिवै।

2 कुरन्थीयो 7:12

मेरो थानै चिठी मांडबा को मकसद ओ बताबो कोनी हो क कूण गळती करी ही नहिस किकै खिलाप करी। पण ओ हो क परमेसर क सामै खुद देख सको क थे म्हारै बेई कत्ताक बफादार हो।

1 कुरन्थीयो 1:11

क्युं क, मेरा लाडला बिस्वास्यो, खलोए क कूणबा का क्युंक मिनख मनै बताया हीं क थारै मांयनै राड़ होवै ह।

2 कुरन्थीयो 2:5

इब म बि मिनख क बारां म मांडबो चाऊँ हूँ जखो आपका करमाऊँ मनैई नइ पण थानै मेरूँ बेत्ती दिन घाल्यो ह। इकै बावजुद बी म इ मामलानै ओर बेत्ती कोनी खिचबो चाऊँ।