1 कुरन्थीयो 4:9 - जीवन को च्यानणो (सेकावाटी नया नियम की पोथ्या)

⁹ क्युं क अंय्यां लागै ह क परमेसर म्हानै जखा भेजेड़ा चेला हां बानै सऊँ आखरी म झघा दिनी ह, जंय्यां क कोई मिनखनै अखाड़ा म मरबा की सजा दि गई हो। क्युं क म्हें सगळी सरस्टि, ईस्बर नगरी दुता अर सागै की सागै मिनखा ताँई तमासो बणाया गया हां।

1 कुरन्थीयो 4:9 Referans Kwoze

इबरानीआ 10:33

कई बर तो मिनखा क सामै थारी बेजती करी गई अर सतायो गयो, अर कई बर थे बाका साती होर बाकै सागै खड़्या होया जाकै सागै अंय्यां को बरताव कर्यो जार्यो हो।

रोमीयो 8:36

जंय्यां क पबितर सास्तर म मंडेड़ो ह: “क्युं क तेरी बजेऊँ म्हानै हर टेम मोत को मुंडो देखणो पड़ै; म्हें कटबाळी लल्डी समज्या जावां हां।”

इबरानीआ 1:14

इ ताँई सगळा ईस्बर नगरी दुत छुटकारो पाबाळा मिनखा की सेवा करबा ताँई भेजेड़ी आत्मा हीं।

इबरानीआ 11:36

कया को तमासो बणायो गयो, कया क बेत मारी गई, कयानै बां'दर जेळ म गेर्यो गयो।

1 थिसलूनिकी 3:3

जिऊँ परख्या जाबा की टेम थे हिमत नइ हारो। क्युं क थे खुद, इ बातनै जाणो हो क परमेसर की आई इंछ्या ह क आपा दुख की घड़ी म मजबूत बण्या रेह्‍वां

2 कुरन्थीयो 6:9

म्हानै सूल जाणता बुजता बी मिनख म्हारी अनदेखी करीं हीं। म्हें मोत की छांया म हां पण हाल जीवां हां। म्हानै मार्या तो सई पण ज्यानऊँ कोनी मार्या।

भेजेड़ा चेला का काम 19:31

एसिया परदेस का क्युंक अधिकारी पोलुस का भाईला हा बे बी पोलुसनै खुवा भेज्यो क बो मैदान म नइ आवै।

भेजेड़ा चेला का काम 19:29

अर अंय्यां पूरी नगरी म हो-हल्लो मचगो अर बे लोग मकीदुनिया का रेह्बाळा गयुस अर अरिस्तखुसनै जखा सफर म पोलुस क सागै हा बानै पकड़ लिआ अर सगळा बानै नगरी का मैदान कानि भगाताई लेग्या।

1 कुरन्थीयो 15:19

अर ज आपा इ दुनिया की मो-मायानै पाबा ताँई मसीऊँ आस लगा राखी ह जणा आपा सगळा मिनखाऊँ अभागा मिनख हां।

2 कुरन्थीयो 11:23

बे मसी का दास हीं जणा म बावळा की जंय्यां खेऊँ हूँ, म बाऊँ बी बढर मसी को दास हूँ। म बाऊँ बेत्ती मेनत करी ह, बार-बार केद म गयो हूँ, अर बोळीबर कोड़ा खाया, बार-बार मोत को सामनो कर्यो हूँ।