1 कुरन्थीयो 4:7 - जीवन को च्यानणो (सेकावाटी नया नियम की पोथ्या)

⁷ थानै दुसराऊँ चोखो कूण बणायो? जोक्यु थारै कनै ह के बो थानै परमेसर कोनी दिओ? जणा थे ओ गुमान क्युं करो जंय्यां थे खिकन क्युं लेयड़ाई कोनी?

1 कुरन्थीयो 4:7 Referans Kwoze

यहून्ना 3:27

यहून्ना जुबाब दिओ, “जद ताँई परमेसर नइ दे, कोईनै क्युंई कोनी मिलै।

1 पतरस 4:10

अर जिनै बी परमेसर कानिऊँ आत्मिक बरदान मिलेड़ो ह। बिनै चाए क बो परमेसर का चोखा भंडारी की जंय्यां बि आत्मिक बरदाननै एक दुसरा की सेवा करबा ताँई सूल काम म लेवै।

याकूब 1:17

क्युं क सगळा दान बरदान अर चोखा इनाम उपरऊँई मिलै ह अर अ उजाळा को परम-पिता देवै ह जखो कदैई कोनी बदलै अर इमै बदलती दसा की बजेऊँ आबाळी काळी छाया बी कोनी।

रोमीयो 12:6

बिकी दया गेल आपानै भात-भात का बरदान मिल्या हीं। ज कोईसानै परमेसर की खेबाळो होबा को बरदान मिल्यो ह जणा बो आपका बिस्वास गेल परमेसर की बाता बोलै।

यहून्ना 1:16

बिकी दया की भरपुरीऊँ आपानै एक क पाछै एक आसिरबाद मिल्यो ह।

लूका 19:13

जाबाऊँ पेल्या बो आपका दस दासानै बुलाया, अर बुलार बानै एक-एक सोना की म्होर दिनी अर बोल्यो, ‘म जि दिन ताँई पाछो नइ आऊँ बि दिन ताँई आऊँ लेणदेण करज्यो।’

1 कुरन्थीयो 15:10

अर आज म जोक्यु बी हूँ परमेसर की दयाऊँ हूँ, अर बिकी दया मेर ताँई बेकार कोनी गई म दुसरा भेजेड़ा चेलाऊँ बढचढ'र मेनत करी ह। पण आ मेरी काबलीयत कोनी आ तो परमेसर की दया ह।

1 कुरन्थीयो 7:7

अर म अंय्यां चाऊँ हूँ क सगळा मिनख मेरी जंय्यांई बिना ब्या क रेह्ता। पण एक कनै एक बरदान ह जणा दुसरा कनै दुसरो। अंय्यां सगळा मिनखानै परमेसर कानिऊँ न्यारो-न्यारो बरदान मिलेड़ो ह।

रोमीयो 12:3

इ ताँई जखी दया मनै मिली ह, बिऊँ म थानै बोलुँ हूँ, थे खुदनै जखा थे हो बिऊँ बेत्ती मना समजो। पण थारा बिस्वास गेल जत्ती उजमा परमेसर थानै दिनी ह बत्तोई खुदनै समजो।

1 कुरन्थीयो 5:6

थारो गुमान करबो चोखो कोनी ह। अर थे आ खेबत तो सुण्याई हो क, “चिनोसोक खमिर सगळा गुंदेड़ा आटानै खमिर बणा देवै ह।”

1 कुरन्थीयो 3:5

जणा थेई बताओ अपुलोस कूण ह अर पोलुस कूण ह? म्हें तो परमेसर का मामुलीसा सेवक हा जाकी बजेऊँ थे बिस्वास म आया। म्हारै मऊँ हरेक जणो बो काम करै ह जखो परमेसर म्हानै करबा ताँई दिओ ह।