1 कुरन्थीयो 4:4 - जीवन को च्यानणो (सेकावाटी नया नियम की पोथ्या)

⁴ मेरो हियो साप ह। पण इऊँ ओ साबित कोनी होवै क म सचमई निरदोस हूँ। पण बो एकई परबु ह जखो मेरो न्याय करै ह।

1 कुरन्थीयो 4:4 Referans Kwoze

2 कुरन्थीयो 1:12

म्हानै गुमान ह क म्हें साप अन्तर-आत्माऊँ आ खे सकां हां, क म्हें इ दुनिया का मिनखा क सागै अर खासकर थारै सागै परमेसर की खराई अर ईमानदारीऊँ रिह्या हां। अंय्यां म्हें परमेसरऊँ मिलबाळी दयाऊँ कर्या हां, दुनियादारीऊँ मिलबाळी बुदीऊँ नइ।

2 कुरन्थीयो 5:10

क्युं क आपा इ काया म जीर जखो बी भलो-बुरो काम कर्या हां बिको फळ पाबा ताँई मसी क न्याय सिंघासन क सामै पक्कोई खड़्यो होणो पड़सी।

1 कुरन्थीयो 4:5

जणा सई टेम आबाऊँ पेली कोईबी बात को न्याय मना करो। परबु क आबा का टेमऊँ पेली आखरी न्याय कोनी होवै। बो अँधेरा म लुखेड़ी बातानै च्यानणा म ल्यासी अर चित का बिचारानै परगट करसी बी टेमई हरेक की बडाई परमेसर कानिऊँ होसी।

रोमीयो 2:13

क्युं क नेम-कायदानै सुणबाळा परमेसर की नजर्या म धरमी कोनी होवै, पण बिपै चालबाळो धरमी बाजै।

भेजेड़ा चेला का काम 23:1

पोलुस म्हापंचायत क कानि एक टक देखर बोल्यो, “इजरायल का यहूदि भाईड़ो, म हाल ताँई परमेसर क सामै ईमानदारी क सागै साप मनऊँ जियो हूँ।”

यहून्ना 21:17

ईसु तीसरका पतरसऊँ बोल्यो, “यहून्ना का बेटा समोन, तू मेरूँ परेम करै ह के?” पतरस बोळो दुखी होयो क्युं क ईसु तीसरका बिऊँ आ बात बुजी ही, “तू मेरूँ परेम करै ह के?” जणा पतरस ईसुऊँ बोल्यो, “परबु थे तो सक्यु जाणो हो थे जाणो हो क म थारूँ परेम करूं हूँ।” ईसु बिऊँ बोल्यो, “मेरी लल्ड्यानै चरा।

रोमीयो 4:2

क्युं क ज अब्राहमनै बिका कामा की बजेऊँ धरमी गिण्यो जातो, जणा आतो बि ताँई गुमान करबा की बात ही, पण परमेसर क सामै नइ।

1 कुरन्थीयो 4:3

अर मेर ताँई आ बात कोई मांयनै कोनी राखै क थे अर मिनखा की कचेरी को कोई बी न्याय करबाळो मेरो न्याय करै। पण म खुदबी मेरो न्याय कोनी करूं।