1 कुरन्थीयो 3:3 - जीवन को च्यानणो (सेकावाटी नया नियम की पोथ्या)

³ क्युं क थे हाल ताँई इ दुनिया का मिनखा की जंय्यां हो। थे आपसरी म बळोकड़ोपूणो अर कळै राखो हो। जणा थे इ दुनिया का मिनखा की जंय्यां कोनी के? अर इ दुनिया का मिनखा की जंय्यां बरताव कोनी कर्या के?

1 कुरन्थीयो 3:3 Referans Kwoze

याकूब 3:16

क्युं क जठै बळोकड़ोपूणो अर मतलबीपुणो ह बठै बिरोद अर सगळा बुरा काम होवीं हीं।

तितूस 3:3

क्युं क मसीनै मानबाऊँ पेली आपा बी बेबुदी का, खयो नइ मानबाळा, भटकेड़ा अर हरतर्या की मो-माया का गुलाम हा। आपणो जीवन बुराई अर बळोकड़ा पुणाऊँ भरेड़ो हो। अर आपा एक दुसराऊँ नफरत करता हा।

गलातियो 5:15

पण थे एक दुसरानै पाड़ खाबो चाओ हो, जणा थे चेता म रेह्ओ, कदै अंय्यां नइ होज्या क थे एक दुसरा को नास कर द्‍यो।

2 कुरन्थीयो 12:20

म डरूँ हूँ क, जद म थारै कनै आऊँ, जणा कदै अंय्यां नइ होवै क, जंय्यां म थानै देखबो चाऊँ हूँ, बिऊँ न्याराई दिखो। अर जंय्यांको थे मनै नइ देखबो चाओ हो, बिऊँ न्यारोई देखो। अर मनै ओ बी डर ह क, कदै थारै मांयनै आपसरी म राड़, एक दुसराऊँ बळबो, झाळ काडबो, मतलबीपुणो, बदनामी अर बेजती करबो, काना-फूसी अर हेकड़ोपूणो अर काम बिगाड़बो नइ देखूँ।

1 कुरन्थीयो 11:18

पेली बात तो म आ सुण्यो हूँ क जद थे बिस्वासी मंडळी म एक सागै भेळा होवो हो जणा थारै म गुटबाजी होवै ह। अर मनै क्युंक हद ताँई आ बात सची बी लागै ह।

1 कुरन्थीयो 1:11

क्युं क, मेरा लाडला बिस्वास्यो, खलोए क कूणबा का क्युंक मिनख मनै बताया हीं क थारै मांयनै राड़ होवै ह।

रोमीयो 13:13

जणा क्युंना आपा सूल रेह्‍वां जंय्यां मिनख दिन का उजाळा म रेह्‍वै। खा पीर धुत्त रेह्बाळासा नइ, नइ कुकरम अर रांडबाज की जंय्यां, नइ लड़बाळा की जंय्यां अर नइ बळोकड़ा की जंय्यां।

1 पतरस 4:2

इको ओ मतबल ह क थे थारा बचेड़ा जीवन भर थारी इंछ्यानै नइ पण जखो परमेसर चावै ह बिनै मानस्यो।

1 कुरन्थीयो 1:10

जणा इब मेरा लाडला बिस्वास्यो, म आपणा परबु ईसु मसी क नाम म था सगळाऊँ अरदास करूं हूँ। जोक्यु थे बोलो बिपै सगळा एक मत होवो, जिऊँ थारै मांयनै फूट ना होवै। अर थारा बिचार अर इंछ्या एकई होवै।

1 कुरन्थीयो 3:4

क्युं क थारै मऊँ एक बोलै ह, “म पोलुस को चेलो हूँ” अर दुसरो बोलै ह, “म अपुलोस को हूँ” जणा थे दुनिया का मिनखा की जंय्यां कोनी जिर्या के?