1 कुरन्थीयो 3:1 - जीवन को च्यानणो (सेकावाटी नया नियम की पोथ्या)

¹ मेरा लाडला बिस्वास्यो, म थारै सागै बंय्यां बात कोनी कर्यो जंय्यां आत्मिक मिनखा क सागै करूं हूँ। पण मनै थारै सागै अंय्यां बात करनी पड़ी जंय्यां दुनिया का मिनखा क अर मसी म नया बिस्वास्या क सागै करी जावै ह।

1 कुरन्थीयो 3:1 Referans Kwoze

इबरानीआ 5:13

क्युं क जखो दुद क पाण जीवै बो तो हाल ताँई टाबरई ह, बिनै धारमिक्‍ता की काँई पिछाण?

1 कुरन्थीयो 2:6

आपा परमेसर की आत्मा म पक्का मिनखानै इ ज्ञान क बारां म बतावां हां। पण ओ ज्ञान दुनिया अर इ दुनिया प राज करबाळी सक्‍ति को कोनी ह जखी नास होरी ही।

1 कुरन्थीयो 14:20

मेरा लाडला बिस्वास्यो, थे थारी समज म टाबर मना बणो। बुराई ताँई टाबर बण्या रेह्ओ पण समज म स्याणा बणज्याओ।

रोमीयो 7:14

क्युं क आपा जाणा हां क नेम-कायदा आत्मिक ह पण म हाड-मास को मिनख हूँ जखो पाप की गुलामी ताँई बिकेड़ो हूँ।

1 यहून्ना 2:12

ओ मेरा टाबरो, म थानै मांडू हूँ, क्युं क ईसु मसी की बजेऊँ थारा पाप धोया गया हीं।

गलातियो 6:1

ओ मेरा लाडला बिस्वास्यो, थे जखा आत्मिक जीवन जीओ हो, ज थारी नजर्या म थार मऊँ कोई पाप करतो पकड़्यो जावै, जणा बिकै सागै नरमाईऊँ बरताव कर बिकी मदद करो जिऊँ बो पाछो बिस्वास म आज्यावै। अर थे बी हुस्यार रेहज्यो कदै थे पाप म नइ पड़ जाओ।

मत्ती 16:23

ईसु पतरस कानि मुड़र बोल्यो, “सेतान! मेरै कनैऊँ चल्योजा, तू मनै अंय्यां करबाऊँ रोकबो चावै ह, क्युं क तू परमेसर की जंय्यां कोनी सोचै पण मिनखा की जंय्यां सोचै ह।”

1 कुरन्थीयो 14:37

ज कोई खुदनै परमेसर की खेबाळो समजै ह अर बिकन आत्मिक बरदान बी होवै जणा बिनै आ जाण लेणो चाए क म थानै जोक्यु बी मांड्यो ह ओ परबु को हुकम ह।