1 कुरन्थीयो 2:3 - जीवन को च्यानणो (सेकावाटी नया नियम की पोथ्या)

³ जणाई म थारै कनै डरपतो, धुजतो अर कमजोरी क सागै आयो,

1 कुरन्थीयो 2:3 Referans Kwoze

2 कुरन्थीयो 13:4

बो कमजोरी म हो जणा बो सुळी प मर्यो, पण बो परमेसर की सक्‍तिऊँ जिंदो ह। अर म्हें बी बिमै तो कमजोर हां पण परमेसर की सक्‍ति की बजेऊँ बिकै सागै जीवां हां जिऊँ थानै सुदार सकां।

2 कुरन्थीयो 13:9

म्हें राजी हां जद म्हें कमजोर अर थे ताकतबर हो। अर आ अरदास बी करां हां क, थे मजबूतऊँ बी मजबूत बणो।

2 कुरन्थीयो 10:10

क्युं क क्युंक मिनख मेरै बारां म बोलै ह क, “बिकी चिठ्या हिया प ठेस लगाबाळी अर दुख देबाळी ह। पण जद बो म्हारै सामै होवै जणा बो खाट काटेड़ोसो लागै अर बिकी बाता म बी दम कोनी होवै ह।”

2 कुरन्थीयो 10:1

मसी की दिनता अर नरमाई क सागै म पोलुस निजी तोरऊँ बोलुँ हूँ। थारै मऊँ क्युं क जणा मेरै बारां म बोलीं हीं क जद म थारै आमै-सामै होऊँ बि टेम थारै सागै नरमाईऊँ रेह्ऊँ हूँ अर जद म थारूँ दूर रेह्ऊँ बि टेम सकताई बरतुँ हूँ।

2 कुरन्थीयो 6:4

पण म्हें सगळी बाता म कळेस, दुख, मुसीबत भोगर थ्यावस क सागै परमेसर का दासा की जंय्यां होबा की कोसिस करता रेह्‍वां हां।

2 कुरन्थीयो 4:16

इ ताँई कदैई हिमत मना हारो, चाए आपणी बारली काया कमजोर होती जारी ह, पण आपणो मांयलो नित नयो होतो जार्यो ह।

2 कुरन्थीयो 4:1

म्हारै प परमेसर की दया होई जिऊँ म्हानै आ सेवा मिली ह, जणा म्हें हिमत कोनी हारां।

भेजेड़ा चेला का काम 18:12

जद गलिओ अखाया परदेस को राजपाल हो बि टेम सगळा यहूदि एको कर पोलुसनै पकड़र कचेरी म खड़्यो कर दिओ अर बे बोल्या,

भेजेड़ा चेला का काम 18:6

पण जद बे मिनख पोलुस को बिरोद अर बिकी बुराई करबा लागगा जणा बो आपको पल्लो झाड़ लिओ अर बोल्यो, “थारी करनी थेई पाओ! इमै मेरी कोई जुबाबदारी कोनी अर इबऊँ म गैर-यहूदि मिनखा क कनै जास्युं।”

2 कुरन्थीयो 7:5

जद म्हें मकीदुनिया गया हा जद बी म्हानै अराम कोनी मिल्यो, पण म्हानै काया म राड़-दंगा अर हिया म डर की बजेऊँ कई ढाळ दुख भोगणो पड़्यो।

भेजेड़ा चेला का काम 17:1

इकै पाछै बे अम्फिपुलिस अर अपुलोनिया होताहोया थिसलूनिकी म आया, जठै यहूदि मिनखा की एक अरदास करबाळी झघा ही।

भेजेड़ा चेला का काम 18:1

जणा पाछै पोलुस एथेंसऊँ कुरन्थी म आयो।

2 कुरन्थीयो 7:15

बो जदबी आ याद करै ह क थे कंय्यां बिकी बात मान्या अर आदरमान क सागै कंय्यां बिकी मनवार करी ही जणा बिको परेम थारै बेई ओर बी बेत्ती उमड़ै ह।

इफिसुस 6:5

ओ गुलामो, जखा मिनख इ धरती प थारा मालिक हीं बाकी सेवा सचा मनऊँ डर'र धुजता होया करो जंय्यां मानो की थे मसी की सेवा करर्या होवो।