1 कुरन्थीयो 2:10 - जीवन को च्यानणो (सेकावाटी नया नियम की पोथ्या)

¹⁰ पण परमेसर पबितर आत्मा क जरिए बानै आपणा प परगट करी ह। क्युं क पबितर आत्मा सक्यु ढुंढले ह अठै ताँई क परमेसर की उंडी बातानै बी।

1 कुरन्थीयो 2:10 Referans Kwoze

यहून्ना 14:26

मदद करबाळी पबितर आत्मा, जिनै परम-पिता मेरा नामऊँ भेजसी थानै सगळी बाता सीखासी। अर जखी बाता म थारूँ बोल्यो हो बे सगळी थानै याद दिवासी।

इफिसुस 3:5

गेलड़ा दिना म मिनख जातनै ओ भेद कोनी बताएड़ो हो। पण इब परमेसर आनै पबितर आत्मा क हाता परमेसर का भेजेड़ा चेला अर परमेसर की खेबाळा प परगट कर्यो ह।

लूका 10:21

बि घड़ी ईसु पबितर आत्माऊँ भर'र राजी होर बोल्यो, “ओ परम-पिता ईस्बर नगरी अर धरती का मालिक म तेरो गुणगान करूं की तू आ बातानै ज्ञानीद्यान्याऊँ लखोर राखी अर गुठा छाप प आका भेदानै खोल्या। क्युं क ओ थारी नजर्या म चोखो हो।

इफिसुस 3:3

परमेसर आपका भेदनै मेर प परगट कर्यो ह। पिछै बी म, इ कागद म आ बाता क बारां म थोड़ो-भोत थानै मांड्यो हूँ।

गलातियो 1:12

क्युं क ओ मनै कोई मिनखऊँ कोनी मिल्यो अर नइ कोई मनै सीखायो, पण ओ मेर प ईसु मसी क जरिए परगट कर्यो गयो।

मत्ती 16:17

ईसु अंय्यां सुणर बिनै बोल्यो, “ओ समोन योना का बेटा तू भागहाळो ह क्युं क आ बात तू कोई मिनख की सुणर कोनी बोली पण तेर प ईस्बर नगरी म रेह्बाळो मेरो परम-पिता परगट करी ह।

मत्ती 13:11

ईसु बाऊँ बोल्यो, “थानै तो ईस्बर नगरी राज का भेद को ज्ञान दिओ गयो ह पण बानै कोनी दिओ गयो।

यहून्ना 16:13

पण जद सच की आत्मा आसी जणा बा, थारी सगळी सची बाता को गेलो दिखासी। बा थानै अगाऊ होबाळी बाता क बारां म बतासी। बा खुद क्युंई कोनी खेसी पण जोक्यु बा सुणै बाई खेसी।

1 पतरस 1:12

पण बानै ओबी बतायो गयो क, बे खुदकी नइ पण थारी सेवा ताँई अ बाता बोल्या हीं। बे थारै ताँई ईस्बर नगरीऊँ आईड़ी पबितर आत्मा की सक्‍तिऊँ चोखा समचार को हेलो पाड़्या। जदकी आ बातानै जाणबा ताँई ईस्बर नगरी दुत बी तरसीं हीं, पण इकै वावजुद बी अ बाता बस थारै ताँई परचार करी गई।

1 यहून्ना 2:27

अर जठै ताँई थारी बात ह थारो अभिसेक बिऊँ होयो ह, थार म बण्यो रेह्‍वै ह। इ ताँई थानै तो आ जुर्तई कोनी क कोई थानै सीखावै। पण थानै जखी आत्मा दिनी गई ह बा सक्यु सीखावै ह। बा आत्मा सची ह, बा झूठी कोनी जंय्यां बा थानै सीखावै बंय्यांई करो अर मसी म बण्या रेह्ओ।

1 कुरन्थीयो 2:11

मिनख की खुदकी आत्मा क अलावा बिकै मन की बात कोई दुसरो जाण सकै ह के? बंय्यांई परमेसर की बातानै बिकी पबितर आत्मानै छोडर कोई कोनी जाण सकै।

1 यहून्ना 2:20

पण थारो अभिसेक मसीऊँ होयो ह, जखो पबितर ह। इ ताँई थे सचाईनै जाणो हो।

1 कुरन्थीयो 14:30

अर ज बठै बेठ्या मिनख म कोईनै परमेसरऊँ दरसाव मिल्यो ह जणा बोलबाळा मिनखनै चुप होर बि मिनखनै बोलबा को मोको देणो चाए क परमेसर काँई परगट कर्यो ह।

लूका 2:26

अर पबितर आत्मा बिनै आ बता राखी ही क परबु का भेजेड़ा मसीनै देख्या बिना तनै मोत कोनी आवै।

दरसाव 1:1

इ पोथी म बे बाता मांडी गई जखी ईसु मसी दरसाव क जरिए बताई ह। अ बाता ईसु मसीनै परमेसर बताई ह जिऊँ बो आपका दासानै, दरसावा क जरिए बतावै क आबाळा टेम म काँई होबाळो ह। ईसु मसी आपका ईस्बर नगरी दुतनै यहून्ना क कनै भेजर अ बाता बताई।

1 तिमूतियूस 4:1

पबितर आत्मा साप-साप बोलै ह क, क्युंक टेम क पाछै क्युंक मिनख बिस्वास करबो छोड देसी, बे ओपरी बलाया की सीखनै मानसी अर भंगराबाळी आत्मा क कह्या म चालसी।

दरसाव 2:24

इब म थुआतिरा बिस्वासी मंडळी का बा मिनखानै खेबो चाऊँ हूँ जखा बि लूगाई की सीखनै कोनी मानै अर सेतान की भेद भरी बातानै कोनी जाणै। ‘म थार प ओर बोज कोनी लादूँ,