1 कुरन्थीयो 15:3 - जीवन को च्यानणो (सेकावाटी नया नियम की पोथ्या)

³ सऊँ खास बात जिको मनै बेरो पड़्यो बा म थानै खे सुणाई क सास्तर म मांडेड़ो ह क, मसी आपणा पाप की सजा भोगबा ताँई मर्यो,

1 कुरन्थीयो 15:3 Referans Kwoze

1 पतरस 2:24

बो आपणा पापनै खुदकी काया प लेर सुळी प चढगो, जिऊँ आपा पाप करबा बेई मर्या समान होवां अर जखो सई ह बिनै करबा बेई जीवां। थानै निरोगो कर्यो जा सकै, इ ताँई बो आपकी काया प घाव लिआ।

गलातियो 1:4

परम-पिता परमेसर की इंछ्यानै पूरी करबा ताँई मसी आपणा पाप ताँई खुदनै मरबा ताँई दे दिओ जिऊँ आपा बुरी दुनियाऊँ छुटाया जावां।

1 यहून्ना 2:2

बो आपणो मेळमिलाप परमेसरऊँ कराबा ताँई खुदनै एक बलिदान क रूप म दे दिओ। बो आपणा सगळा पाप धोवै ह , बो आपणाई नइ पण सगळा जगत का मिनखा का पाप धोवै ह।

गलातियो 1:12

क्युं क ओ मनै कोई मिनखऊँ कोनी मिल्यो अर नइ कोई मनै सीखायो, पण ओ मेर प ईसु मसी क जरिए परगट कर्यो गयो।

रोमीयो 4:25

ईसुनै आपणा पाप ताँई मरबानै दिओ गयो अर आपानै धरमी बणाबा ताँई मरेड़ा मऊँ ओज्यु जीवायो गयो।

इफिसुस 5:2

अर प्यार-परेमऊँ जीवन बसर करो, जंय्यां मसी आपणाऊँ प्यार-परेम कर्यो अर परमेसर क सामै आपणै ताँई खुदकी भेंट चढा दि बिको आपणा ताँई ओ परेम चोखी सुगंद हाळी धूप की जंय्यां ह जखी परमेसरनै भावै ह।

2 कुरन्थीयो 5:21

अर जखो कदैई पाप कोनी कर्यो बिनै परमेसर आपणा ताँई पापबली बणायो जिऊँ आपा परमेसर क सामै धरमी बाजां।

1 कुरन्थीयो 11:23

क्युं क आ बात मनै परबुऊँ मिली ह अर इब म आ थानै मांडर्यो हूँ। जि रात परबु ईसु धोकाऊँ पकड़ायो जार्यो हो, जणा बो रोटी ली,

भेजेड़ा चेला का काम 3:18

पण इ बातनै परमेसर बोळी पेल्याई परमेसर की खेबाळा क मुंडाऊँ खुवा दिओ हो, क मसी पिड़ा भोगसी जणा परमेसर बानै अंय्यांई पूरी कर्यो।

यहून्ना 1:29

आगलै दिन ईसुनै आप कानि आतो देखर यहून्ना बोल्यो, “देखो, ओ परमेसर को उन्यो ह, जखो जगत का मिनखा का पाप ताँई बलिदान होसी।

1 पतरस 1:11

परमेसर की खेबाळा म बाई पबितर आत्मा ही, जखी मसी म ह। आ आत्मा बानै बताई क मसीनै दुख भोगणो पड़सी अर इकै पाछै बिकी मेमा होसी। परमेसर की खेबाळा ओबी जाणबो चाता हा क ओ कद अर कंय्यां होसी।

इफिसुस 1:7

ईसु मसी की खुदकी मरजीऊँ बिका लोयऊँई आपणो छुटकारो होयो ह अर पापऊँ माफी मिली ह। आ परमेसर की बोळी बडी दया ह,

गलातियो 3:13

मसी आपणा सरापनै आपकै उपर लेर आपानै नेम-कायदा का सरापऊँ अजाद कर दिओ। क्युं क पबितर सास्तर म मंडेड़ो ह क, “जखो बी सुळी प लटकायो जासी बो सरापित ह।”

रोमीयो 3:25

ईसु की मोत प बिस्वास करबाळा मिनखा का छुटकारा ताँई परमेसर ईसुनै एक कुरबानी जंय्यां भेज्यो। आ बात परमेसर की धारमिक्‍तानै दिखावै ह, क्युंक परमेसर मिनखा का पेलड़ा पापनै ईस्बरीय सेनसिलताऊँ अनदेख्यो कर्यो।

मत्ती 26:28

क्युं क इ कचोळा की अँगूरी मेरा लोय को नयो करार ह। ओ लोय बोळा मिनखानै पापऊँ माफ करबा ताँई बहायो ज्यासी।

1 पतरस 3:18

क्युं क मसी सगळा का पाप ताँई एकर मर्यो जखो धरमी होर बी पाप की बजेऊँ दुख भोग्यो जिऊँ आपानै परमेसरऊँ मिलावै। बो काया म मर्यो पण आत्मा म जीवायो गयो।

इबरानीआ 5:3

इ ताँई बिनै चाए क जंय्यां बो मिनखा का पाप की माफी ताँई चढावो चढावै ह बंय्यांई खुदका पाप की माफी ताँई बी चढावो चढावै।

इबरानीआ 5:1

हरेक म्हायाजक मिनखा मऊँई टाळ्यो जावै ह। अर मिनखा कानिऊँ परमेसरऊँ जुड़ेड़ी बातानै करबा ताँई बिनै म्हायाजक बणायो जावै ह, जंय्यां क पाप का छुटकारा ताँई भेंट अर बलि चढाबो।

1 कुरन्थीयो 11:2

म थारी बडाई करूं हूँ क्युं क म कंय्यांसिक जिऊँ हूँ बिनै थे ध्यान म राखो हो अर मेरी सीख प चालो हो।

मत्ती 26:24

मिनख का बेटानै तो मरनोई ह जंय्यां क पबितर सास्तर म मंडेड़ो ह। पण कत्ती बुरी दसा ह बि मिनख की जिकी बजेऊँ मिनख को बेटो पकड़ायो जासी। इऊँ चोखो तो ओ होतो क बो मिनख जलमतोई नइ।”

लूका 24:25

जणा ईसु बानै बोल्यो, “थे कंय्यां का बादु अर परमेसर की खेबाळा की बाता प बिस्वास करबा म ढिला हो।

भेजेड़ा चेला का काम 8:32

सास्तरऊँ जखो लेख बो बाचर्यो हो बो अंय्यां हो, “बिनै मारबा ताँई बि लल्डी की जंय्यां लेर गयो जखी कटबाळी होवै, अर जंय्यां उन्यो ऊन कतरबाळा क आगै चुपचालो सिदो खड़्यो रेह्‍वै ह बंय्यांई बो बी आपको मुंडो कोनी खोल्यो।

भेजेड़ा चेला का काम 17:2

पोलुस आपकी बाण गेल बाऊँ मिलबा गयो अर बाऊँ यहूदिआ क तीन अरामहाळा दिन सास्तर का बचनानै लेर चरचा करी।