1 कुरन्थीयो 14:3 - जीवन को च्यानणो (सेकावाटी नया नियम की पोथ्या)

³ पण जखा मिनख परमेसरऊँ आबाळा बोलां का समचार को हेलो पाड़ै ह, बे मिनखानै आत्मा म पक्को करै ह, बानै स्यांती देवै ह अर हिमत बंधावै ह।

1 कुरन्थीयो 14:3 Referans Kwoze

1 कुरन्थीयो 14:12

थार प बी अ बाता लागू होवै ह क्युं क थे आत्मिक बरदान पाबा ताँई उतावळा हो, थे आ कोसिस कर्या करो क थारा आत्मिक बरदानाऊँ बिस्वासी मंडळी पबितर आत्मा म पक्की होवै।

1 तिमूतियूस 4:13

जद ताँई म थार कनै नइ आऊँ तू तेरो टेम अर तेरी मेनत मिनखानै नेम-कायदानै बाचर सुणाबा, बचन को हेलो पाड़बा अर सीखाबा म लगाजे।

यहूदा 1:20

पण लाडलो, थे बिस्वास की पबितर निम प मजबूत होता जाओ अर पबितर आत्मा की मददऊँ अरदास करो।

तितूस 1:9

बो बिस्वास जोगा परमेसर का समचार म मजबूती क सागै ठिक बंय्यांई बिस्वास करै जंय्यां क बिनै सीखायो गयो ह। जिऊँ क बो ओरानै बी सची सीखऊँ हिमत बंधा सकै। अर जखा सामै होवै बा मिनखा को मुंडो बंद कर बानै मनवा सकै क बे गळत हीं।

2 तिमूतियूस 4:2

परमेसर का बचना को परचार कर। टेम बेटेम मिनखानै सुदारबा ताँई त्यार रेह। तू मिनखानै सई कर अर बाका पाप प बाकै दकाल लगा। सागैई बानै उदास बी मना होबा दे, बानै हिदायत देती टेम सदाई थ्यावस राखजे।

तितूस 2:6

अंय्यांई तू जुवान छोरानै समजदारीऊँ जीबा ताँई समजा।

1 कुरन्थीयो 14:31

क्युं क ज थे परमेसरऊँ आएड़ा बोल बारी-बारीऊँ बोलस्यो जणाई मिनखा क पलै पड़सी अर बे परबु की बातानै सीखर हिमत पासी।

1 कुरन्थीयो 14:26

मेरा लाडला बिस्वास्यो, परमेसर को नाम लेबा ताँई जद बी एक सागै भेळा होवो जणा एक मिनख तो परमेसर को गुणगान गावै दुसरो सीख देवै, एक परमेसरऊँ आएड़ा दरसाव बतावै जदकी दुसरो न्यारी-न्यारी बोली म बोलै अर एक इको मतबल बतावै। अ सगळी बाता बिस्वासी मंडळीनै पक्को करबा ताँई होणी चाए।

रोमीयो 14:19

जणा, बा बाता म लाग्या रेह्ओ जखी स्यांतीनै बढावै ह अर एक दुसरा की आत्मिक बढोतरी म मदद करै ह।

भेजेड़ा चेला का काम 13:15

मूसा का नेम-कायदा अर परमेसर की खेबाळा की पोथी मऊँ बाचर अरदास घर का अधिकारी बाऊँ बोल्या, “यहूदि भाईड़ो, मिनखानै देबा ताँई थारै कनै कोई उपदेस ह तो आर ख्यो।”

तितूस 2:9

दासानै सीखा क बे आपका मालिका की हर बातनै मानर बानै राजी राखै। बे बानै ओटो जुबाब नइ देवै,

1 थिसलूनिकी 2:3

क्युं क म्हारो उपदेस झूठो, धोको देबाळो अर छळकपट करबाळो कोनी,

1 कुरन्थीयो 10:23

आपा सक्यु करबा ताँई अजाद हां। पण सक्यु भलाई ताँई कोनी ह। आपा सक्यु करबा ताँई अजाद तो हां पण सगळी बाताऊँ बिस्वास मजबूत कोनी होवै ह।

1 पतरस 5:12

म बिस्वासी भाईड़ा सिवानुसनै बिस्वास जोगो जाणू हूँ, बिकै हात चिठी मंडवार थानै समजायो हूँ, अर आ गुवाई दिनी ह क परमेसर की सची दया आई ह। थे इमई मजबूत रेहज्यो।

इबरानीआ 13:22

ओ मेरा लाडला बिस्वास्यो, म थारूँ अरदास करूं हूँ क थे आ हिमत बंधाबाळा बचना प चालो, क्युं क म थानै थोड़ीई बाता मांडी ह।

इबरानीआ 10:25

थे भेळो होबो मना छोडो, जंय्यां क कयानै तो बाणई पड़गी ह। पण एक दुसरानै समजाता रेह्ओ अर जंय्यां-जंय्यां बि दिननै कनै आता देखो जणा थानै ओर बी बेत्ती अंय्यां करबो चाए।

तितूस 2:15

तू अ सगळी बाता अधिकार क सागै तेरा सुणबाळानै सीखा, जुर्त पड़ै तो बाकै दकाल लगा अर जुर्त पड़ै तो हिमत बंधा। कोईकै सामैई तनै निचो नइ देखणो पड़ै।

1 तिमूतियूस 6:2

जखा दासा का मालिक बिस्वासी हीं, बे इ बजेऊँ क, बाका मालिक बिस्वासी हीं बाको मान-समान करबो कम नइ करै, इकी झघा बे बाकी सूल सेवा करै। क्युं क बाका कामा को फाईदो जानै मिलर्यो ह बे बिस्वासी हीं जानै बे परेम करै ह। अ बाता थे लोगानै करबा ताँई बोलो अर सीखाओ।

1 तिमूतियूस 1:4

अर बा क्हाण्या अर पिड्या प गोर नइ करै जखी राड़ करावै ह, अर परमेसर की बि इंछ्यानै पूरी कोनी करीं, जखी खाली बिस्वासऊँई पूरी हो सकै ह।

2 थिसलूनिकी 3:12

अंय्यां का मिनखानै परबु ईसु मसी म म्हें आदेस देवां हां अर समजावां हां क, बे हद म रेह्‍वै अर खुद कमार खावीं।

1 थिसलूनिकी 4:18

इ ताँई थे एक दुसरानै आ बाताऊँ हिमत देता रेह्ओ।

1 थिसलूनिकी 4:1

मेरा लाडला बिस्वास्यो, म्हें थारूँ ईसु मसी का नामऊँ आ अरदास करां अर थानै समजावां हां क जंय्यां थे म्हारूँ परमेसरनै राजी करबाळो जीवन जिबो सीख्यो, अर बंय्यांई जीओ बी हो। जणा म्हें चावां हां क, थे बिमै ओर बी बेत्ती बढता जाओ।

1 थिसलूनिकी 2:11

क्युं क थे जाणो हो क, जंय्यां बाप आपका टाबरा क सागै भेवार करै ह बंय्यांई म्हें थारै सागै भेवार राख्यो।

इफिसुस 4:29

कोईबी बुरी बात थारै मुंडाऊँ नइ निकळै पण दुसरा को भलो करबाळी बाता बोलो जिऊँ सुणबाळा की जुर्ता पूरी होवै अर बाको भलो होवै।

2 कुरन्थीयो 2:7

इब थे बिनै ओर सजा देबो बंद करो अर बि मिनखनै माफ कर बिकी हिमत बढाओ जिऊँ अंय्यां नइ होवै क बो दुख मई पड़्यो रेह्‍वै।

2 कुरन्थीयो 1:4

अर जद आपणा प कळेस आवै ह जणा बे आपानै हिमत बंधावै ह। जिऊँ आपा बी परमेसर की बि हिमत की बजेऊँ बा मिनखानै जखा कळेस म पड़्या हीं हिमत बंधा सकां।

1 कुरन्थीयो 14:17

तू तो चोखा ढंगऊँ धनेवाद की अरदास करै ह पण इऊँ दुसरा मिनख आत्मा म पक्का कोनी होर्या।

1 कुरन्थीयो 8:1

आपा मूरत्या क आगै चढाईड़ा परसाद क बारां म जाणा हां, “क्युं क आपा सगळा ज्ञानी हा।” अर ज्ञान मिनखानै गुमान म फुलावै ह। पण परेम करबाऊँ सको भलो होवै ह।

रोमीयो 15:2

आपणा मऊँ हरेक जणो बिस्वासी भाईड़ा की भलाई ताँई बिनै राजी करै जिऊँ बो मजबूत होवै।

रोमीयो 12:8

ज कोईसानै दुसरानै हिमत बंधाबा को बरदान मिल्यो ह जणा बो हिमत बंधावै। ज कोईसानै दान देबा को बरदान मिलेड़ो ह जणा बो खुला मनऊँ देवै। ज कोईसानै मुख्याई करबा को दान मिलेड़ो ह जणा बो मन लगार मुख्याई करै, अर ज कोईसानै दया करबा को बरदान मिलेड़ो ह जणा बो राजी हियाऊँ दया करै।

भेजेड़ा चेला का काम 15:32

यहूदा अर सीलास जखा परमेसर की खेबाळा हा, बे आस बंधाबाळी अर बिस्वासनै मजबूत करबाळी बाता बतार बानै मजबूत कर्या।

भेजेड़ा चेला का काम 14:22

अर चेलानै समजाता अर हिमत बंधाता हा क, “बिस्वास म बण्या रेह्ओ अर परमेसर का राज म बड़बा ताँई आपानै बोळा दुख भोगणा पड़सी।”

भेजेड़ा चेला का काम 9:31

जणा अंय्यां सगळा यहूदिआ, गलिल, अर सामरीया की बिस्वासी मंडळ्यानै स्यांती मिली। अर बिस्वास्या की बिस्वासी मंडळी मजबूत होती गई अर परमेसर का गुणगान करती गई। अर पबितर आत्मा का हियावऊँ गिणती म बढती गई अर परमेसर का डर म रेह्ती।

लूका 3:18

अर बो मिनखानै ओर बोळी बाताऊँ समजार चोखो समचार सुणातो रिह्यो।

इबरानीआ 3:13

जद ताँई आज को दिन खुवावै ह रोजकी एक दुसरा की हिमत बंधाता रेहज्यो। जिऊँ थार मालो कोईसो बी पाप का धोका म आर आपका हियानै काठो नइ करै।

भेजेड़ा चेला का काम 4:36

जणा बामै युसूफ नाम को लेवी हो जखो साईपरस को रेह्बाळो हो। जिनै भेजेड़ा चेला बरनाबास खेता हा, जिको मतबल हिमत देबाळो होवै ह।