1 कुरन्थीयो 13:2 - जीवन को च्यानणो (सेकावाटी नया नियम की पोथ्या)

² अर ज म परमेसर की बाता बताऊँ अर म सगळा भेद खोल सकूँ अर सगळो ज्ञान बी जाणल्युं, अर मनै अठै ताँई बिस्वास बी होवै क म डूँगरानै हटा सकूँ हूँ, पण परेम कोनी करूं, जणा म क्युंई कोनी।

1 कुरन्थीयो 13:2 Referans Kwoze

1 यहून्ना 4:8

जखोबी मिनख परेम कोनी करै बो परमेसरनै कोनी जाण्यो। क्युं क परमेसरई परेम ह।

1 कुरन्थीयो 13:3

अर ज म मेरी सगळी धन सम्पति गरीबा म बाट द्‍युँ, अर ज म चोखा समचार ताँई मेरी कायानै जळाबानै बी दे द्‍युँ। इकै बावजुदबी ज म परेम नइ करूं, जणा मनै काँई फाईदो।

मत्ती 17:20

ईसु बाऊँ बोल्यो, “थारै म बिस्वास की कमी ही। म थारूँ सची खेऊँ हूँ ज थारै म राई क दाणो जत्तो बी बिस्वास होसी अर थे इ डूँगरऊँ बोलस्यो अठैऊँ हटर बठै चल्योजा जणा बो चल्यो ज्यासी। थारै ताँई क्युंई बी अणहोतो कोनी।”

1 कुरन्थीयो 16:22

अर ज कोई परबुऊँ परेम कोनी करै बिपै स्राप पड़ै ह। म्हारा परबु जी तावळा आवै ह!

मत्ती 21:21

जणा ईसु बानै बोल्यो, “म थानै सची खेऊँ हूँ, ज थे बिस्वास करो अर भेम नइ करो। जणा जखो म कर्यो हूँ बोई नइ पण ज थे इ डूँगरऊँ खेस्यो क समदर क मांयनै जा पड़ जणा बंय्यांई होज्यासी।

इफिसुस 3:4

अर आनै बाचर थे जाण ज्यास्यो क म मसी का भेदानै कठै ताँई समजूँ हूँ।

1 कुरन्थीयो 13:1

ज म मिनखा अर ईस्बर नगरी दुता की बोली बोलुँ पण मिनखाऊँ परेम कोनी करूं, जणा म ठन-ठन करती पितळ की परात अर टन-टन करता थाळी गिलास हूँ।

गलातियो 5:16

म थारूँ खेऊँ हूँ, ज थे पबितर आत्मा क कह्या गेल भेवार करस्यो, जणा काया की बुरी इंछ्यानै बस म राखस्यो।

कलुसीयो 1:26

ओ चोखो समचार भेद भर्यो सच ह जखो जुगादऊँई सगळी पिड्या की आँख्याऊँ ओला म हो। पण इब परमेसर का मिनखा प इनै परमेसर कानिऊँ परगट कर दिओ गयो ह।

गलातियो 6:3

ज कोई मिनख सोचै क, म सक्यु हूँ जदकी बो होवै क्युंई कोनी, अंय्यां को मिनख खुदनै धोको देवै ह।

गलातियो 5:22

पण पबितर आत्मा का फळ परेम, खुसी, स्यांती, थ्यावस, दया, भलाई, बिस्वास,

1 कुरन्थीयो 12:28

अर परमेसर बिस्वासी मंडळी म न्यारा-न्यारा मिनखानै न्यारा-न्यारा पद दिओ ह, पेलानै भेजेड़ा चेला को, दुसरानै परमेसर की बात बताबा को, तीसरानै गरूजी को अर कोईनै चमत्कार का काम करबाको, अर कोईनै निरोगा करबाको, अर कोईनै मदद करबाको, अर कोईनै बेबस्ता करबाको तो कोईनै न्यारी-न्यारी बोली बोलबा को काम सोप्यो ह।

1 कुरन्थीयो 7:19

क्युं क परमेसर का हुकमानै मानबा क अलावा नइ तो सुन्नत अर नइ सुन्नत नइ कराबो कोई माईनो राखै ह।

1 तिमूतियूस 3:16

कोई कोनी नट सकै क, भगती को भेद कंय्यां को म्हान ह, बो जखो मिनख जूण म परगट होयो, पबितर आत्मा जिनै धरमी बतायो, अर ईस्बर नगरी दुत जिनै देख्या, देस-देस म बिको परचार कर्यो गयो, जगत म बिपै बिस्वास कर्यो गयो, अर ईस्बर नगरी म उठा लिओ गयो।

इफिसुस 6:19

अर सागै की सागै मेर ताँई बी अरदास कर्या करो क बोलबा की घड़ी परमेसर मनै अंय्यां को जोरदार समचार दे जिका भेदनै म बेधड़क होर बता सकूँ।

1 कुरन्थीयो 4:1

म्हारै बारां म मिनखानै अंय्यां सोचबो चाए क म्हें मसी का दास हां, अर परमेसर का भेदा का भंडारी हां।

रोमीयो 16:25

बिकी बडाई होवै जखो थानै, ईसु मसी का संदेस, जि चोखा समचार को म हेलो पाड़ूँ हूँ अर परमेसर का परगट होयड़ा बि भेदभर्या सच गेल जखो जुगादऊँ लुखेड़ो हो, मजबूत बणाबा की सक्‍ति राखै ह।

रोमीयो 11:25

मेरा लाडला बिस्वास्यो! म थानै इ लुखेड़ा सचऊँ अणजाण कोनी राखबो चाऊँ, क थे खुदनै घणा चतर नइ समजबा लागो। क्युं क इजरायल का मिनखा को ढिटपुणो सदाई कोनी बण्यो रेह्सी। ओ तो जद ताँई ह जद ताँई गैर-यहूदि मिनखा मऊँ जत्ता टाळेड़ा हीं, बे सगळा परमेसर कनै नइ आज्यावै।

मत्ती 21:19

गेला म एक अंजीर को दरख्त देखर ईसु बिकन गयो, पण बि दरख्त म पत्तानै छोडर क्युंई कोनी लाध्यो। जणा बो बि दरख्तऊँ बोल्यो, “तेरै कदैई फळ कोनी लागै!” अर बो दरख्त जदकी जदई सूकगो।

मत्ती 13:11

ईसु बाऊँ बोल्यो, “थानै तो ईस्बर नगरी राज का भेद को ज्ञान दिओ गयो ह पण बानै कोनी दिओ गयो।

2 कुरन्थीयो 12:11

म बावळा की ढाळ बोल्यो, पण अंय्यां करबा ताँई थेई मनै उकसाया। जदकी म तो क्युंबी कोनी हूँ, पण थानै तो मेरी बडाई करबो चाए, क्युं क म थारा बा भेजेड़ा चेला मऊँ, एक बात म बी कम कोनी हूँ।

1 कुरन्थीयो 14:39

इ ताँई मेरा लाडला बिस्वास्यो, परमेसरऊँ आएड़ा बोल को हेलो पाड़बा ताँई हर घड़ी त्यार रह्यो अर जखो मिनख न्यारी-न्यारी बोली बोलै ह बिनै बी रोको मना।

1 कुरन्थीयो 8:4

आपा मूरत्या क चढाईड़ा परसाद क खाबा क बारां म बी जाणा हां, अर ओ बी जाणा हा क इ सरस्टि म परमेसर क अलावा कोई दुसरो परमेसर आथई कोनी।

भेजेड़ा चेला का काम 13:1

अंताकीया की बिस्वासी मंडळी म परमेसर की खेबाळा अर उपदेस देबाळा कई हा, जंय्यां की बरनाबास, समोन जिनै काळ्यो बी बोलता हा अर कुरेन को लूकियुस अर देस की चोथी पाँती को राजपाल हेरोद को गोद आयड़ो भाई मनाएम, अर साऊल।

रोमीयो 15:14

मेरा लाडला बिस्वास्यो, मनै पक्को बेरो ह क थे भलो करबाळा हो, सगळा ज्ञानऊँ भर्यापूरा हो अर एक दुसरानै सीखा सको हो।

1 कुरन्थीयो 11:4

इ ताँई जखो बी मिनख सीरनै ढकर अरदास करै ह अर परमेसर की बाता खेवै ह बो मसी को निरादर करै ह। क्युं क मसी बिको सीर ह।

1 कुरन्थीयो 13:8

परेम कदैई टळै कोनी; पण एक टेम आसी जद परमेसर की खेबाळा का बोलां की जुर्त कोनी रेह्सी; न्यारी-न्यारी बोली म बोलबा का बरदान की बी जुर्त कोनी रेह्सी; अर ज्ञान बी जातो रेह्सी।

1 कुरन्थीयो 14:4

क्युं क जखो मिनख न्यारी-न्यारी बोली म बाता करै ह बो खुदनै उचो करै ह। पण जखो परमेसरऊँ आबाळा बोलां का समचार को हेलो पाड़ै बो बिस्वासी मंडळीनै आत्मा म पक्को करै ह।

1 कुरन्थीयो 14:29

बिस्वासी मंडळी म दो नहिस तीन जणानैई बोलबो चाए जानै परमेसरऊँ आएड़ा बोल दिआ गया ह बाकी मिनखानै ध्यान देणो चाए क बे काँई खेवै ह।

1 कुरन्थीयो 15:51

थे गोर लगार सुणो, म थानै एक भेद की बात बताऊँ हूँ: आपा सगळा मरा कोनी, पण आपणो रूप बदल्यो ज्यासी।