1 कुरन्थीयो 10:7 - जीवन को च्यानणो (सेकावाटी नया नियम की पोथ्या)

⁷ अर नइ मूरती धोकबाळा बणो जंय्यांकी बामैऊँ बण्गा हा, अर जंय्यां पबितर सास्तर म मांडेड़ो ह क, “बे मिनख खाबा-पीबा अर मूरती क सामै नाचा-कूदि अर एक दुसरा क सागै मोज-मस्ति करबा लाग्या।”

1 कुरन्थीयो 10:7 Referans Kwoze

1 कुरन्थीयो 6:9

के थे पक्काई कोनी जाणो क बुराई करबाळा मिनख परमेसर का राज का वारिस कोनी होसी? बावळा मना बणो! गंदा काम करबाळा, मूरतीपुजा करबाळा, कुकरमी, लुच्चा काम करबाळा अर लुच्चा-लफंगा,

1 कुरन्थीयो 10:14

ओ लाडलो मूरती पूजा मना करज्यो।

1 कुरन्थीयो 5:11

पण मेरो अंय्यां मांडबा को ओ मतबल ह क थे अंय्यां का मिनखाऊँ नातो मना राखज्यो जखा देख दिखाई का बिस्वासी भाई बणी हीं पण बे कुकरमी, लालची, मूरतीपुजबाळा, गाळीगळोच करबाळा, पियाचरी करबाळा अर ठग हीं। अंय्यां का मिनखा क सागै उठा-बेठी मना राखज्यो।

1 यहून्ना 5:21

मेरा भाईड़ो, थे खुदनै मूरती धोकबाऊँ बचार राखज्यो।

1 कुरन्थीयो 8:7

पण ओ ज्ञान सगळा मिनखानै कोनी। अर कई मिनख तो इब ताँई मूरती धोकी हीं, अर बे आ सोचर अंय्यां की चिजा खावीं क ओ तो परसाद ह। अर बाकै अंय्यां करबाऊँ बाकी अन्तर-आत्मा असुद हो जावै ह क्युं क बाको मांयलो माड़ो ह।

भेजेड़ा चेला का काम 15:20

पण बानै आ जरूर मांडर भेज्या क बे मूरत्या प चढाईड़ी चिज नइ खावै अर पराई लूगाया क सागै गळत काम नइ करै अर गळो मोसेड़ो मास नइ खावै अर नइ लोय पिवै।