1 कुरन्थीयो 1:21 - जीवन को च्यानणो (सेकावाटी नया नियम की पोथ्या)

²¹ इ दुनिया का मिनख बुदीऊँ परमेसरनै कोनी जाण्या। क्युं क आ परमेसर सोच समजर ध्यार राखी ही। इ ताँई परमेसरनै ओ चोखो लाग्यो क इ परचार क जरिए जखो आपा करां हां जिनै इ दुनिया का मिनख बकवास जाणी हीं बिस्वास करबाळानै बचावै।

1 कुरन्थीयो 1:21 Referans Kwoze

लूका 10:21

बि घड़ी ईसु पबितर आत्माऊँ भर'र राजी होर बोल्यो, “ओ परम-पिता ईस्बर नगरी अर धरती का मालिक म तेरो गुणगान करूं की तू आ बातानै ज्ञानीद्यान्याऊँ लखोर राखी अर गुठा छाप प आका भेदानै खोल्या। क्युं क ओ थारी नजर्या म चोखो हो।

मत्ती 11:25

बठैई ईसु बोल्यो “ओ परम-पिता ईस्बर नगरी अर धरती का मालिक म तेरो गुणगान करूं की तू आ बातानै ज्ञान्याऊँ अर स्याणाऊँ लखोर राखी अर गुठा छाप प आका भेदानै खोल्या।

इफिसुस 3:10

जिऊँ परमेसर का भात-भात का ज्ञाननै बिस्वास्या की बिस्वासी मंडळी क हाताऊँ उपरी सक्‍तिया प राज करबाळा अर अधिकार्यानै बतावै।

1 कुरन्थीयो 1:24

पण जानै परमेसर बुलायो ह चाए बे यहूदि हो चाए यूनानी, बा ताँई मसी परमेसर की सक्‍ति अर बिकी बुदी ह।

रोमीयो 1:28

अर अठै ताँई बे परमेसरनै जाणबा को मोल कोनी जाण्या जणाई परमेसर बी बानै बाकी फालतु सोच प छोड दिओ, अर बे जखी नइ करनी चाए बे बाता करीं हीं।

रोमीयो 11:33

परमेसर की भरपूरी, बुदी अर ज्ञान कत्तो अपरम्पार ह। बिको न्याय कत्तो उंडो अर बिका गेला कत्ता भेदभर्या हीं।

लूका 12:32

“मेरा छोटा रेवड़ डरै मना, थारो परम-पिता थानै आपको राज देबो चावै।

यहून्ना 12:31

ओ जगत का मिनखा ताँई न्याय को टेम ह, अर इब जगत का राजा सेतान को तक्‍तो पलट्यो जासी।

1 कुरन्थीयो 1:18

मसी क सुळी भोगबा को समचार नास होबाळा मिनखा ताँई बकवास ह। पण आपणा ताँई जखा बचाया जार्या हां परमेसर की सक्‍ति ह।

1 कुरन्थीयो 1:23

पण म्हें तो सुळी प चढाईड़ा ईसु मसी को हेलो पाड़ां हां, जखो यहूदि मिनखा ताँई आखळी अर गैर-यहूदि मिनखा ताँई बकवास ह।

1 कुरन्थीयो 1:25

क्युं क परमेसर की बकवास बी मिनखा की बुदीऊँ बेत्ती ह, अर परमेसर की कमजोरी मिनखा की ताकतऊँ बेत्ती ह।

1 कुरन्थीयो 1:27

पण परमेसर इ दुनिया का ज्ञानवानानै सरमा मारबा ताँई दुनिया की नजर्या म बेबुदी समज्या जाबाळा अर ताकतबरानै सरमा मारबा ताँई इ दुनिया म कमजोर समज्या जाबाळानै टाळ्यो।

1 कुरन्थीयो 2:14

जिकै कनै आत्मा कोनी बिनै बे चिजा कोनी मिलै जखी परमेसर की पबितर आत्माऊँ आवै ह। बि ताँई बे बकवास बाता ह क्युं क बाको मोल आत्मिक रूपऊँ परख्यो जावै ह।

1 कुरन्थीयो 4:10

हां, सई ह भाईड़ो म्हें मसी ताँई बेबुदी का हां, पण थे मसी म बोळा ज्ञानी हो! म्हें तो माड़ा हां पण थे तो तगड़ा हो। म्हें तो बेजत हां पण थे तो मान्या-थान्या हो।

1 कुरन्थीयो 6:2

के थे ओ कोनी जाणो क परमेसर का मिनख जगत का मिनखा को न्याय करसी? परमेसर का मिनख जद सगळा जगत का मिनखा को न्याय करसी जणा आ छोटी-छोटी बाता को सुळजेटो कोनी कर सको के?

1 कुरन्थीयो 11:32

पण परबु आपानै सजा देर सुदारबो चावै ह क आपा इ दुनिया क सागै सजानै नइ भोगां।

गलातियो 1:15

पण मेरा जलमऊँ पेली परमेसर मनै टाळ लिओ, अर आपकी दयाऊँ मनै आपकी सेवा करबा ताँई बुलायो। अर जद बे आ ध्यारी,

गलातियो 4:8

पेल्या थे परमेसरनै कोनी जाणता हा, थे बाका दास हा जखा सच म परमेसर कोनी हा।

इफिसुस 1:9

परमेसर बोई कर्यो जखो बिको मकसद हो, अर बो बि भेदनै आपानै बतायो जिनै मसीऊँ पूरो करबा ताँई बो पेल्याऊँई ध्यार राख्यो हो।

कलुसीयो 1:19

क्युं क परमेसर की खुसी आ ही क बिका सगळा का सगळा गुण बिमै बास करै।

इबरानीआ 1:14

इ ताँई सगळा ईस्बर नगरी दुत छुटकारो पाबाळा मिनखा की सेवा करबा ताँई भेजेड़ी आत्मा हीं।

इबरानीआ 2:3

जणा पाछै आपा इ बडा छुटकारा की अनदेखी कर कंय्यां बच सकां हां? इ छुटकारा को पेलो हेलो परबु कानिऊँ पाड़्यो गयो हो अर जखा बी इ हेलानै सुण्या हा बे आपणा ताँई इनै पुक्‍तो कर्या।

इबरानीआ 7:25

अर बिकै जरिए जखो बी परमेसर क कनै जावै ह, बाको बो पूरो-पूरो छुटकारो कर सकै ह। क्युं क बो बाकै ताँई अरदास करबा ताँई सदाई जिंदो ह।

याकूब 4:4

ओ कुकरमी मिनखो, के थे ओ कोनी जाणो क, इ दुनियादारीऊँ भाईलाचारी करबो परमेसरऊँ बेर राखबो ह ? इ ताँई जखो बी दुनियादारीऊँ भाईलाचारी करै ह बो खुदनै परमेसर को बेरी बणावै ह।

याकूब 5:15

बिस्वासऊँ करेड़ी अरदासऊँ रोगलो, निरोगो होज्यासी अर परबु बिनै खड़्यो कर देसी। अर ज बो पाप कर्यो हो जणा परबु बिका पाप धो देसी।

याकूब 5:20

जणा बिनै ओ जाण लेणो चाए क, पापी मिनखनै पाप का गेलाऊँ ओज्यु सई गेलो दिखाबाळो, बि पापी मिनख की आत्मानै जुग-जुग की मोतऊँ बचावै ह। अर बो बिका बोळा पाप धोबा की बजे बणज्यावै ह।