1 कुरन्थीयो 1:20 - जीवन को च्यानणो (सेकावाटी नया नियम की पोथ्या)

²⁰ कठै ह ज्ञानी? अर कठै ह सीखाबाळा? अर कठै हीं इ दुनिया का जिरैबाज? के परमेसर इ दुनिया का ज्ञाननै बेबुदी को कोनी बतायो?

1 कुरन्थीयो 1:20 Referans Kwoze

रोमीयो 1:22

बे बोलीं हीं क बे स्याणा हीं, पण बे तो मूरख हीं।

1 कुरन्थीयो 3:19

क्युं क परमेसर की नजर्या म इ दुनिया को ज्ञान बावळोपुणोई ह। अर पबितर सास्तर म मंडेड़ो ह क, “परमेसर ज्ञान्यानै बाकीई चतराई म फसावै ह।”

1 कुरन्थीयो 1:19

क्युं क पबितर सास्तर म मंडेड़ो ह क, “म ज्ञान्या का ज्ञाननै नास कर देस्युँ, अर चतरा की चतराईनै बेकार कर देस्युँ।”

1 कुरन्थीयो 2:6

आपा परमेसर की आत्मा म पक्का मिनखानै इ ज्ञान क बारां म बतावां हां। पण ओ ज्ञान दुनिया अर इ दुनिया प राज करबाळी सक्‍ति को कोनी ह जखी नास होरी ही।

मत्ती 13:22

अर जखा बीज झाड़्या क मांयनै पड़्या अ बा मिनखानै परगट करै जखा परमेसर का बचन सुणै तो हीं पण इ दुनियादारी की चिंत्या अर धन-दोलत को लालच परमेसर का बचनानै भूला देवै ह क परमेसर बाऊँ काँई चावै ह।

यहून्ना 12:31

ओ जगत का मिनखा ताँई न्याय को टेम ह, अर इब जगत का राजा सेतान को तक्‍तो पलट्यो जासी।

भेजेड़ा चेला का काम 17:18

बठै बो क्युंक एपिकूरी अर स्तोइकी ज्ञानी मिनखा क सागै बी चरचा करी। क्युंक मिनख कह्या, “ओ गेलो म्हारूँ काँई खेबो चावै ह?” अर क्युंक खेता हा, “लागै ह क ओ कोई पराया देवता की बात करै ह।” क्युं क बो ईसु अर बिकै मर्या पाछै ओज्यु जीबा का चोखा समचार को परचार करतो हो।

रोमीयो 1:20

जद परमेसर इ सरस्टिनै रच्यो हो, जणाऊँई बिका नइ दिखबाळा गुण जखा बिकी जुग-जुग रेह्बाळी सक्‍ति अर ईस्बरीय सुभाव ह देख्यो गयो। परमेसर जोक्यु बी बणायो बिकै जरिए परमेसरनै साप-साप जाण्यो जावै ह, जिऊँ कोई कनै कोई भानो नइ होवै।

1 कुरन्थीयो 1:26

मेरा लाडला बिस्वास्यो, याद करो जद परमेसर थानै बुलायो जणा थे के हा। इ दुनिया की नजर्या म थारै मऊँ घणकराक नइ तो ज्ञानवान हा अर नइ ताकतबर हा अर नइ समाज म चोखी पेठहाळा।

1 कुरन्थीयो 1:27

पण परमेसर इ दुनिया का ज्ञानवानानै सरमा मारबा ताँई दुनिया की नजर्या म बेबुदी समज्या जाबाळा अर ताकतबरानै सरमा मारबा ताँई इ दुनिया म कमजोर समज्या जाबाळानै टाळ्यो।

1 कुरन्थीयो 1:28

अर इ दुनिया की सोचनै मिटाबा ताँई परमेसर इ दुनिया म छोटा अर निचा देख्या जाबाळानै जानै क्युंई कोनी समज्यो जावै टाळ्यो।

1 कुरन्थीयो 2:8

इ दुनिया प राज करबाळा इ ज्ञाननै कोनी जाण्या। क्युं क ज बे इ ज्ञाननै जाणता जणा मेमाभर्या परबुनै सुळी प कोनी चढाता।

1 कुरन्थीयो 3:18

थे खुदनै धोको मना द्‍यो। अर ज कोई मिनख ओ सोचतो हो की बो इ दुनियादारी म ज्ञानी ह जणा इऊँ चोखो ओ ह क बो बेबुदी को बण्यो रेह्‍वै जिऊँ बो ज्ञानी बण सकै।

1 कुरन्थीयो 6:2

के थे ओ कोनी जाणो क परमेसर का मिनख जगत का मिनखा को न्याय करसी? परमेसर का मिनख जद सगळा जगत का मिनखा को न्याय करसी जणा आ छोटी-छोटी बाता को सुळजेटो कोनी कर सको के?

1 कुरन्थीयो 11:32

पण परबु आपानै सजा देर सुदारबो चावै ह क आपा इ दुनिया क सागै सजानै नइ भोगां।

याकूब 4:4

ओ कुकरमी मिनखो, के थे ओ कोनी जाणो क, इ दुनियादारीऊँ भाईलाचारी करबो परमेसरऊँ बेर राखबो ह ? इ ताँई जखो बी दुनियादारीऊँ भाईलाचारी करै ह बो खुदनै परमेसर को बेरी बणावै ह।