1 कुरन्थीयो 1:2 - जीवन को च्यानणो (सेकावाटी नया नियम की पोथ्या)

² कुरन्थी नगरी म परमेसर की बिस्वासी मंडळी का मिनखा अर बा सगळा क नाम मांडूँ हूँ, जखा परमेसर का मिनख होबा ताँई बुलाया गया हीं, जखा मसी ईसु क जरिए परमेसरऊँ जुड़ेड़ा हीं। अर बे सगळा जखा हर कठै रेह्‍र म्हारा अर आपणा सगळा का परबु ईसु मसी, को गुणगान करीं हीं।

1 कुरन्थीयो 1:2 Referans Kwoze

1 कुरन्थीयो 1:30

पण परमेसर थानै मसी ईसु म जोड़्यो अर मसीनै थारी बुदी बणायो। अर बिकै जरिएई आपा परमेसर की नजर्या म धरमी हां अर आपा परमेसर का पबितर मिनख बण्या अर अजाद कर्या गया।

भेजेड़ा चेला का काम 26:18

जिऊँ तू बाकी आँख्या खोलै अर बानै अँधेराऊँ च्यानणा म अर सेतान की सक्‍तिऊँ परमेसर कानि ल्यावै, अर मेर प बिस्वास करबाऊँ बानै पापऊँ माफी मिलसी अर जखी बापोत मेरा टाळेड़ा मिनखा ताँई ह बिमै बाको बी हिस्सो होसी।’

इबरानीआ 13:12

इ ताँई, ईसु मिनखानै आपका लोयऊँ पबितर करबा ताँई नगरी क बारनैई दुख भोग्यो।

1 थिसलूनिकी 4:7

क्युं क परमेसर आपानै सूगलो नइ पण पबितर जीवन जीबा ताँई बुलायो ह।

इबरानीआ 10:10

अर परमेसर की बि इंछ्याऊँ आपा ईसु मसी की कायानै एकर बलिदान करबा की जरिए पबितर कर दिआ गया हां।

2 कुरन्थीयो 4:5

क्युं क म्हें म्हारो नइ पण ईसु मसी को आ खेर क बोई परबु ह परचार करां हां। अर म्हें ईसु की बजेऊँ खेवां हां क म्हें थारा दास हां।

भेजेड़ा चेला का काम 9:14

अर अठै बी ओ परधान याजकाऊँ अधिकार लेर तेरो नाम लेबाळानै गिरफदार करबा ताँई आयो ह।”

दरसाव 19:16

बिकी जांघ अर बिका गाबा प अंय्यां मंडर्यो हो, ओ राजाओं को राजा अर परबुआ का परबु।

यहूदा 1:1

म, यहूदा जखो ईसु मसी को दास अर याकूब को भाई हूँ। आ चिठी थानै मांडूँ हूँ, जानै परम-पिता परमेसर बुलायो ह अर जिऊँ बो लाड करै ह, अर थानै जखानै ईसु मसी बचा राख्यो ह।

इबरानीआ 2:11

क्युं क पापऊँ पबितर करबाळो ईसु अर पापऊँ पबितर होबाळा मिनख एकई बाप का हीं; इ ताँई ईसु बानै खुदका भाई खेबाऊँ कोनी सरमावै।

2 तिमूतियूस 1:9

बो आपानै परमेसर का मिनख होबा ताँई बचायो अर बुलायो ह, ओ सोभाग आपणा प आपणा करमा गेल कोनी होयो ह पण ओ तो बिकी दया अर बिका मकसद गेल आपणा प होयो ह। जखो मसी ईसु म जगत की सरूआतऊँ पेली आपणा प होगो हो।

1 तिमूतियूस 3:15

पण ज मेरै आबा म मोड़ो होवै जणा इ चिठीऊँ जाण ज्याए क, आपणा परमेसर को कूणबो जखो जीवता परमेसर की बिस्वासी मंडळी आ सचाई की निम अर खम्बो ह, बिकै सागै आपानै कंय्यां को बरताव करबो चाए।

2 थिसलूनिकी 1:1

म पोलुस, आ चिठी सीलास अर तिमूतियूस क सागै मिलर थिसलूनिकी नगरी का बा सगळा मिनखानै मांडर्यो हूँ, जखा परम-पिता परमेसर अर परबु ईसु मसीनै मानबा की बजेऊँ बिस्वासी मंडळीऊँ जुड़ेड़ा हीं।

1 थिसलूनिकी 1:1

म पोलुस, आ चिठी सीलास अर तिमूतियूस क सागै मिलर थिसलूनिकी नगरी का बा सगळा मिनखानै मांडर्यो हूँ, जखा परम-पिता परमेसर अर परबु ईसु मसीनै मानबा की बजेऊँ बिस्वासी मंडळीऊँ जुड़ेड़ा हीं। परमेसर थार प दया बणाए राखै अर थानै स्यांती देवै।

इफिसुस 5:26

जिऊँ बिस्वासी मंडळीनै मसी परमेसर का बचना अर पाणी का बतिस्माऊँ धोर पबितर अर उजळी बणावै,

2 कुरन्थीयो 1:1

आ चिठी परमेसर की इंछ्याऊँ म, मसी ईसु को भेजेड़ो चेलो पोलुस अर आपणो बिस्वासी भाई तिमूतियूस परमेसर की कुरन्थी नगरी की बिस्वासी मंडळी का मिनखानै अर अखाया का सगळा परमेसर का मिनखानै मांडां हां।

1 कुरन्थीयो 8:6

पण आपणो तो एकई परमेसर ह अर बो आपणो परम-पिता ह बोई सक्यानै रच्यो। अर एकई परबु ह, अर बो परबु ईसु मसी ह जिमै सगळी चिजा ह अर जिमै सक्यानै रच्यो गयो अर जिमै आपा जीवां हां।

रोमीयो 10:12

आ इ ताँई ह क यहूदि मिनखा अर यूनानी मिनखा म कोई भेद कोनी क्युं क सगळा को परबु एकई ह। अर बिकी अपरम्पार दया बा सगळा ताँई ह जखा बिनै हेलो देवै ह।

रोमीयो 3:22

सगळा बिस्वास्या ताँई ईसु मसी प बिस्वास करबा क जरिए बिना कोई भेद कर्या परमेसर कानिऊँ मिलबाळी धारमिक्‍ता परगट करी गई ह।

भेजेड़ा चेला का काम 22:16

इब देर क्याकी? खड़्यो हो बतिस्मो ले अर बिका नामऊँ अरदास कर जिऊँ परमेसर तेरा पाप धो दे।’

भेजेड़ा चेला का काम 18:1

जणा पाछै पोलुस एथेंसऊँ कुरन्थी म आयो।

भेजेड़ा चेला का काम 15:9

अर बिस्वासऊँ बाका हियानै धोर आपणा म अर बामै कोई भेद-भाव कोनी कर्यो।

भेजेड़ा चेला का काम 10:36

परमेसर इजरायली मिनखानै चोखा समचार को संदेस दिओ क ईसु मसीऊँ थानै स्यांती मिलसी। जखो सगळा को परबु ह।

भेजेड़ा चेला का काम 9:21

अर जखा बी बिकी सुणता बे ताजूब करता अर खेता, “ओ बोई कोनी के जखो यरूसलेम म ईसु को नाम लेबाळानै जानऊँ मार गेर्यो हो? अर के अठै बी ओ बिको नाम लेबाळानै पकड़र परधान याजक क कनै लेज्याबा ताँई कोनी आयो के?”

2 तिमूतियूस 2:22

जुवानी की बुरी इंछ्याऊँ भाज अर जखा पबितर मनऊँ परबु को नाम लेवीं हीं बाकै सागै खुदनै धरम, बिस्वास, परेम अर मेळमिलाप क सागै संगरो राख।

भेजेड़ा चेला का काम 9:13

पण हनन्या जुबाब देवै ह क, “परबु म तो बोळा मिनखाऊँ इ मिनख क बारां म सुण्यो हूँ, क ओ मिनख यरूसलेम म तेरा मिनखानै बोळो दिन घाल्यो ह।

रोमीयो 8:28

अर आपा जाणा हां क जखा परमेसरऊँ परेम करै ह बा ताँई हर बात मिलर भलाई पैदा करै, बा ताँई, जखा बिका मकसद गेल बुलाया गया हीं।

1 कुरन्थीयो 10:32

थे इ हिसाबऊँ जीओ जिऊँ थे नइ यहूदि मिनखा ताँई, नइ यूनानी मिनखा ताँई अर नइ परमेसर की बिस्वासी मंडळी का मिनखा ताँई आखळी बणो।

1 कुरन्थीयो 12:27

अंय्यांई थे सगळा मिलर मसी की काया हो, अर हरेक बिकी काया का अंग हो।

1 तिमूतियूस 2:8

जणा इब म चाऊँ हूँ क, हर कठै मोट्यार बिना झाळ भर्या अर बिना मनमुटाव कर्या, खुदका पबितर हातानै जो'ड़र अरदास करै।

2 तिमूतियूस 2:19

पण परमेसर की पक्की निम हालै कोनी, जिपै आ छाप लागरी ह, “परबु खुदका मिनखानै जाणै ह,” अर, “जखो कोई परबु को नाम लेवै ह बिनै चाए क बो बुरा करमाऊँ बच्यो रेह्‍वै।”